ທົ່ງໄຫຫີນ 1 ທີ່ຕັ້ງຢູ່ເມືອງແປກ, ແຂວງຊຽງຂວາງ ເປັນທົ່ງໄຫຫີນແຫຼ່ງດຽວທີ່ຕັ້ງຢູ່ປ່ຽວ ເຊິ່ງຫ່າງຈາກແຫຼ່ງອື່ນໆ ເນື່ອງຈາກພົບວ່າຈຸດພິເສດຂອງພື້ນທີ່ສ່ວນໃຫຍ່ ແມ່ນບໍລິເວນເກືອບວ່າຮາບພຽງ ຕັ້ງຢູ່ໃຈກາງຂອງທົ່ງຮາບສູງຊຽງຂວາງ.
ລັກສະນະທາງພູມສັນຖານແບບນີ້, ທີ່ນຳໄປສູ່ການຕັ້ງສົມຍານາມວ່າ “ທົ່ງໄຫຫີນ” ເຊິ່ງເປັນຊື່ເອີ້ນກວມລວມຂອງແຫຼ່ງໄຫຫີນທັງຫຼາຍໃນປະເທດລາວ, ເຖິງແມ່ນວ່າສ່ວນຫຼວງຫຼາຍທີ່ເຫຼືອນັ້ນ ຈະຕັ້ງຢູ່ຕາມເປີ້ນພູ ແລະ ສັນພູກໍຕາມ.
ທົ່ງໄຫຫີນ 1 ປະແກອບມີໄຫຫີນ 5 ກຸ່ມ ທີ່ຢັ່ງຢາຍຢູ່ອ້ອມຮອບຖ້ຳຫີນປູນທຳມະຊາດແຫ່ງທີ 1.
- ກຸ່ມທີ 1 ປະກອບມີໄຫຂະໜາດໃຫຍ່ຫຼາຍໜ່ວຍ ແລະ ຖ້ຳ.
- ກຸ່ມທີ່ 2 ກະຈາຍເປັນຮູບວົງໂຄ້ງຂະໜາດໃຫຍ່ ຄ້າຍຄືຈັນເດືອນແຮມເຊິ່ງຢູ່ເຊິ່ງກັບບໍລິເວນໜ້າຖ້ຳ.
- ກຸ່ມທີ່ 3, 4 ແລະ 5 ກວມເອົາເຂດຮອບນອກທາງທິດໃຕ້ຂອງແຫຼ່ງໄຫຫີນ.
ບັນດາໄຫທີ່ຖືກເສຍຫາຍ ແລະ ຂຸມລະເບີດຂະໜາດໃຫຍ່ ທີ່ກະຈາຍຢູ່ທົ່ວບໍລິເວນທົ່ງໄຫຫີນ ສະແດງໃຫ້ເຫັນບາດແຜຈາກການຕໍ່ສູ້ໃນລະຫວ່າງສົງຄາມອິນດູຈີນ.
ຢູ່ທົ່ງໄຫຫີນ 1 ນັກບູຮານວິທະຍາໄດ້ຄົ້ນພົບຫຼັກຖານການຝັງສົບຄັ້ງທີ 1 ແລະ ຄັ້ງທີ 2 ພ້ອມດ້ວຍກະດູກມະນຸດ, ໝາກປັດ, ເຄື່ອງປະດັບ, ເຄື່ອງມື, ເຄື່ອງປັ້ນດິນເຜົາ, ເຫຼັກ, ທອງແດງ ແລະ ຖ່ານໄຟ.
ໄຫຫີນເກືອບທັງໝົດ 334 ໜ່ວຍ ແມ່ນເຮັດດ້ວຍຫີນຊາຍລ້ວນ, ມີພຽງຈຳນວນໜ້ອຍໜຶ່ງທີ່ເຮັດດ້ວຍຫີນຊາຍຫຍາບປົນຫີນແຮ່ (ຫີນຄອນໂກຼເມເຣດ).
ບັນດາແຜ່ນຫີນຊາຍແກະສະຫຼັກກ້ອນຫີນ ແລະ ແຜ່ນຫີນຊາຍທຳມະຊາດຈຳນວນໜຶ່ງຖືກນຳໃຊ້ເປັນເຄື່ອງໝາຍຂຸມຝັງສົບ. ຊິ້ນສ່ວນເຄື່ອງປັ້ນດິນເຜົາເນື້ອອ່ອນລາຍເຊືອກຝັ້ນ ແລະ ຫຼັກຖານອື່ນໆ ທີ່ພົບຢູ່ຊັ້ນດິນໃຕ້ລະດັບຝັງສົບ ສະແດງໃຫ້ເຫັນເຖິງການນຳໃຊ້ສະຖານທີ່ດັ່ງກ່າວມາຕັ້ງແຕ່ຍຸກກ່ອນປະຫວັດສາດ.
