(ນະຄອນຫຼວງວຽງຈັນ, 04 ກໍລະກົດ 2024) – Vietjet ໄດ້ເປັນໜຶ່ງໃນລາຍຊື່ 50 ບໍລິສັດຈົດທະບຽນຊັ້ນນຳປະຈຳປີ 2024 ຂອງວາລະສານ Forbes Vietnam ເຊິ່ງເປັນການຈັດອັນດັບບໍລິສັດຊັ້ນນຳຈາກຫຼາກຫຼາຍອຸດສາຫະກຳໃນຕະຫຼາດຫຼັກຊັບຂອງປະເທດຫວຽດນາມ.
ຈາກການລາຍງານທາງດ້ານການເງິນທີ່ຜ່ານການກວດສອບປະຈຳປີ 2023 ຂອງ Vietjet ແມ່ນໄດ້ຕິດອັນດັບ 5 ໃນດ້ານລາຍຮັບ ໂດຍມີຍອດລວມຢູ່ທີ່ 58.3 ລ້ານລ້ານດົງ (ປະມານ 2.28 ພັນລ້ານໂດລາສະຫາລັດ) ເຊິ່ງສະທ້ອນໃຫ້ເຫັນການເຕີບໃຫຍ່ທີ່ດີຂຶ້ນເຖິງ 45% ເມື່ອທຽບເປັນລາຍປີ. ບໍລິສັດທີ່ຕິດ 10 ອັນດັບທຳອິດຂອງປະເທດຫວຽດນາມໄດ້ແກ່ Petrolimex, Hoa Phat PV Gas, Vinamilk ແລະ FPT ເປັນຕົ້ນ.
Vietjet ສືບຕໍ່ຟື້ນຟູຢ່າງແຂງແຮງພາຍຫຼັງສະຖານະການ COVID-19. ເຊິ່ງໄດ້ເສີມສ້າງເຄືອຂ່າຍການບິນພາຍໃນປະເທດ ແລະ ຂະຫຍາຍການດໍາເນີນງານການບິນລະຫວ່າງປະເທດລວມທັງເສັ້ນທາງໃນປະເທດລາວ ເຊິ່ງເຊື່ອມຕໍ່ລະຫວ່າງນະຄອນຫຼວງວຽງຈັນ ແລະ ນະຄອນໂຮ່ຈິມິນ ດ້ວຍຖ້ຽວບິນໄປກັບ 4 ຖ້ຽວຕໍ່ອາທິດ ໃນວັນຈັນ, ພຸດ, ສຸກ ແລະ ວັນອາທິດ, ດ້ວຍເວລາໃນການເດີນທາງພຽງ 1 ຊົ່ວໂມງ 45 ນາທີ. ໃນປີທີ່ຜ່ານມານີ້, ສາຍການບິນໄດ້ດຳເນີນການບິນ 133,000 ຖ້ຽວ ແລະ ໄດ້ຮັບຜູ້ໂດຍສານ 25,3 ລ້ານຄົນ. ເພີ່ມຂຶ້ນ 183% ເມື່ອທຽບເປັນລາຍປີ ໂດຍມີຜູ້ໂດຍສານຫຼາຍກວ່າ 7.6 ລ້ານຄົນໃນເສັ້ນທາງລະຫວ່າງປະເທດ. ນອກຈາກນີ້, Vietjet ຍັງສຸມໃສ່ການປັບປຸງເຮືອບິນທີ່ເປັນມິດກັບສິ່ງແວດລ້ອມທີ່ຄໍານຶງເຖິງເປົ້າໝາຍການພັດທະນາແບບຍືນຍົງ ການມີປະສິດທິພາບຂອງນໍ້າມັນເຊື້ອໄຟ ແລະ ການລິເລີ່ມເພື່ອຫຼຸດຜ່ອນການປ່ອຍມົນລະພິດ.
ນອກຈາກນັ້ນ, Vietjet ຍັງໄດ້ຮັບເຄຣດິດ (Credit) ຂອງ VnBBB-, ເຊິ່ງເປັນເຄຣດິດ (Credit) ສູງສຸດໃນບັນດາບໍລິສັດຫວຽດນາມ ຕາມມາດຕະຖານຂອງກະຊວງການເງິນຫວຽດນາມ.
ການຖືກລວມເຂົ້າຢູ່ໃນ 50 ບໍລິສັດທີ່ຈົດທະບຽນຂອງວາລະສານ Forbes ປະເທດຫວຽດນາມໃນປີ 2024 ເປັນຈຸດເດັ່ນທີ່ຕາມມາຫຼັງຈາກຫວຽດເຈັດໄດ້ຮັບລາງວັນ ແລະ ການຍອມຮັບທີ່ຫຼາກຫຼາຍເຊັ່ນ: ໄດ້ຮັບການສະເໜີຊື່ເປັນໜຶ່ງໃນ 50 ສາຍການບິນທີ່ດີທີ່ສຸດໃນໂລກດ້ານການເງິນ ແລະ ການດໍາເນີນງານທີ່ເຂັ້ມແຂງຈາກວາລະສານ Airfinance Journal.
VietJet ຍັງໄດ້ຮັບການຍົກຍ່ອງວ່າເປັນໜຶ່ງໃນ 50 ແບຣນທີ່ມີມູນຄ່າທີ່ສຸດໃນປະເທດຫວຽດນາມ 50 ບໍລິສັດທີ່ມີປະສິດທິຜົນດີທີ່ສຸດໃນປະເທດຫວຽດນາມ ແລະ 10 ບໍລິສັດທີ່ມີການຄຸ້ມຄອງບໍລິຫານວິສາຫະກິດດີທີ່ສຸດຢູ່ຕະຫຼາດຫຼັກຊັບໃນປະເທດຫວຽດນາມ ແລະ ເປັນໜຶ່ງໃນ 20 ບໍລິສັດຈົດທະບຽນທີ່ມີຄະແນນຄວາມຍືນຍົງສູງສຸດຕາມທິ່ກໍານົດໂດຍ HOSE.
ຂໍ້ມູນເພີ່ມເຕີມທີ່ www.vietjetair.com