ອາຫານທີ່ແຊບ ແລະ ມີປະໂຫຍດມີຢູ່ຈິງ ໃຜທີ່ມີບັນຫາເລື່ອງສາຍຕາມາອ່ານບົດຄວາມນີ້ໄດ້ ພວກເຮົາໄດ້ຄັດສັນເມນູອາຫານທີ່ເຕັມໄປດ້ວຍວິຕາມິນ ສານອາຫານທີ່ຈຳເປັນຕໍ່ຮ່າງກາຍ ແລະ ທີ່ສຳຄັນ ເຮັດໄດ້ແບບງ່າຍໆ ຈະມີເມນູຫຍັງແດ່ ມາເບິ່ງນຳກັນເລີຍ!
- ນໍ້າແຊ່ຜັກ ຫຼື ໝາກໄມ້ Infused Water: ເຮັດໄດ້ງ່າຍໆດ້ວຍການນໍາເອົາຜັກ ແລະ ໝາກໄມ້ມາຕັດເປັນຕ່ອນແລ້ວເອົາມາແຊ່ໄວ້ໃນນໍ້າສະອາດປະມານ 2 ຊົ່ວໂມງ ເພື່ອໃຫ້ນໍ້າຜັກ ຫຼື ໝາກໄມ້ອອກມາປະສົມກັບນໍ້າດື່ມ ພຽງເທົ່ານີ້ກໍໄດ້ນໍ້າທີ່ບໍ່ເປັນພຽງນໍ້າແລ້ວ ມັນຈະມີກິ່ນໝາກໄມ້ ແລະ ຜັກ ຊ່ວຍໃຫ້ເຮົາດື່ມນໍ້າໄດ້ຫຼາຍຂຶ້ນນຳອີກ
- ສະລັດ: ເປັນເມນູຍອດຮິດທີ່ຕ້ອງມີໄວ້ທຸກຄາບເຂົ້າ ບໍ່ວ່າຈະເປັນການນຳແຄລັອດ, ຜັກ, ພືດຕະກູນຖົ່ວ ທີ່ມີວິຕາມິນເອ, ວິຕາມິນຊີ ແລະ ໄຟເບີ ເພື່ອຊ່ວຍໃຫ້ຮ່າງກາຍຂັບຖ່າຍສະດວກ
- ສະມູດຕີ້ຜັກ ແລະ ໝາກໄມ້ລວມ: ສາມາດເລືອກຜັກ ຫຼື ໝາກໄມ້ທີ່ຕົນເອງມັກມາປັ່ນລວມກັນ ຕື່ມນໍ້າໝາກພ້າວເຂົ້າໄປເພື່ອເພີ່ມລົດຊາດທີ່ນຸ້ມນວນ ແລະ ກິນງ່າຍ ກິນໄດ້ຕະຫຼອດ
- ເມນູໄຂ່: ໂດຍສະເພາະແມ່ນໄຂ່ແດງ ທີ່ເປັນແຫລ່ງສານອາຫານ ລູທີນ, ຊິແຊນທີນ ແລະ ທາດເຫຼັກແລະ ເປັນສານອາຫານທີ່ດີຕໍ່ດວງຕາເປັນຢ່າງດີ.
- ອາໂວກາໂດ: ເປັນໝາກໄມ້ທີ່ສາມາດນຳມາປຸ່ງແຕ່ງອາຫານໄດ້ທັງຄາວ, ຫວານ ແລະ ເຄື່ອງດື່ມເລີຍມີວິຕາມິນຊ່ວຍບຳລຸງສາຍຕາ ແລະ ຫຼຸດການເຊື່ອມສະພາບເຊັ່ນ: ຕາຟາງ ຫຼື ມົວໄດ້.
- ປາແຊວມອນ: ເປັນປາທີ່ອຸດົມໄປດ້ວຍໄຂມັນໂດຍສະເພາະກົດໄຂມັນ DHA ທີ່ສາມາດພົບໄດ້ໃນເຣຕິນາຂອງດວງຕາ ຊ່ວຍໃຫ້ດວງຕາສົດໃສ ປ້ອງກັນຕາແຫ້ງ ແລະ ຕາເມື່ອລ້າໄດ້
ນີ້ເປັນພຽງບາງເມນູອາຫານທີ່ນຳມາແບ່ງປັນໃນບົດຄວາມນີ້ເທົ່ານັ້ນ, ຍັງມີອີກຫຼາຍຢ່າງທີ່ສາມາດຊ່ວຍບໍາລຸງສາຍຕາໄດ້ ສຳຄັນແມ່ນ ກິນໃຫ້ຄົບ 5 ໝູ່ ອອກກຳລັງກາຍໃຫ້ສະໝໍ່າສະເໝີ ແລະ ພັກຜ່ອນໃຫ້ພຽງພໍ ຖະໜອມດວງຕາຂອງເຮົາໃຫ້ດີ.