Tag: ນັກອອກແບບ

ຊຸດປະຈຳຊາດ Miss Universe laos 2022 ຖືເປັນການນຳສະເໜີ ຄວາມເປັນລາວ ໃນຮູບແບບໃໝ່ ທີ່ຕ່າງຊາດຍັງບໍ່ເຄີຍເຫັນ ນັ້ນກໍຄືວັດທະນະທຳການນຸ່ງຖື ທີ່ເປັນເອກກະລັກຂອງຊົນເຜົ່າໃນລາວ ເພື່ອສື່ເຖິງຄວາມສາມັກຄີພາຍໃນຊາດ, ໂດຍການໃຊ້ໂທນສີບົວ, ສົ້ມ, ແດງ ແລະ ການນຳເອົາຜ້າ 3 ຊົນເຜົ່າຫຼັກໃນລາວ ມາອອກແບບ ບໍ່ວ່າຈະເປັນຜ້າຕະໂອ້ຍ​ ຂອງຊົນເຜົ່າລາວເທິງ (ແຂວງສາລະວັນ), ຜ້າໄໝ ຂອງຊົນເຜົ່າລາວລຸ່ມ ແລະ ຜ້າ ຂອງຊົນເຜົ່າມົ້ງ ມາປະສົມປະສານກັນ, ເຊິ່ງພາຍໃນໂຕຊຸດ ຈະເນັ້ນເປັນງານປັກມືທັງໝົດ ຕ້ອງໄດ້ໃຊ້ຄວາມອົດທົນສູງ ບວກກັບເວລາໃນການເຮັດຊຸດພຽງແຕ່ 6 ອາທິດເທົ່ານັ້ນ ຖືເປັນຄວາມທ້າທາຍຫຼາຍ ສຳລັບ ຂັນໄຊ.

ທ້າວ ພອນປະເສີດ ຈິນດາໄມ, 31 ປີ ເປັນອີກບຸກຄົນໜຶ່ງທີ່ຫຼົງໄຫຼມົນສະເໜ່ຂອງລາຍຜ້າໄໝບູຮານຂອງລາວ ໂດຍສະເພາະແມ່ນ ລາຍຜ້າແບບ ຫຼວງພະບາງ ທີ່ມີຄວາມງົດງາມເປັນເອກະລັກສະເພາະຕົວ ເຂົາຈຶ່ງຜັນຕົວມາເປັນ ນັກອອກແບບ ແລະ ໄດ້ເປີດຫ້ອງເສື້ອທີ່ມີຊື່ວ່າ "ເຮືອນສະເໜ່" ເພື່ອສື່ເຖິງເອກະລັກຂອງຄວາມເປັນລາວບູຮານ ແລະ ມົນສະເໜ່ຂອງຜ້າໄໝລາວ.