Wednesday, May 22, 2024
Lenovo

ຈາກຄວາມຫຼົງໄຫຼມົນສະເໜ່ລາຍຜ້າໄໝລາວເດີມ ຈຶ່ງເກີດມີ “ເຮືອນສະເໜ່”

ທ້າວ ພອນປະເສີດ ຈິນດາໄມ, 31 ປີ ເປັນອີກບຸກຄົນໜຶ່ງທີ່ຫຼົງໄຫຼມົນສະເໜ່ຂອງລາຍຜ້າໄໝບູຮານຂອງລາວ ໂດຍສະເພາະແມ່ນ ລາຍຜ້າແບບ ຫຼວງພະບາງ ທີ່ມີຄວາມງົດງາມເປັນເອກະລັກສະເພາະຕົວ ເຂົາຈຶ່ງຜັນຕົວມາເປັນ ນັກອອກແບບ ແລະ ໄດ້ເປີດຫ້ອງເສື້ອທີ່ມີຊື່ວ່າ “ເຮືອນສະເໜ່” ເພື່ອສື່ເຖິງເອກະລັກຂອງຄວາມເປັນລາວບູຮານ ແລະ ມົນສະເໜ່ຂອງຜ້າໄໝລາວ.

ພອນປະເສີດ ໄດ້ໃຫ້ສໍາພາດກັບ ອິນໄຊລາວ ວ່າ: ເຂົາຮຽນຈົບຈາກ ມະຫາວິທະຍາໄລ ເສດຖະກິດແຫ່ງຊາດ ຮ່າໂນ້ຍ ສສ. ຫວຽດນາມ, ສາຂາຄຸ້ມຄອງເສດຖະກິດ, ແຕ່ດ້ວຍຄວາມທີ່ມັກຮັກໃນເລື່ອງຂອງການແຕ້ມ-ການອອກແບບ ມາແຕ່ຍັງນ້ອຍ ຈຶ່ງຕັດສິນໃຈຫັນມາເອົາດີທາງດ້ານການອອກແບບ ໂດຍອາໄສພອນສະຫວັນຂອງໂຕເອງ ເພື່ອສ້າງສັນຜົນງານອອກມາ ຈົນມີເກີດຊື່ແບຣນເປັນຂອງໂຕເອງ ເຊິ່ງມີຊື່ວ່າ: SANÉ ເຊິ່ງເປັນແບຣນເສື້ອຜ້າແຟຊັນແມ່ຍິງທົ່ວໄປ ເປັນຕົ້ນແມ່ນ ຊຸດລາຕີ, ເສື້ອ, ໂສ້ງ, ກະໂປ່ງ, ກະເປົ໋າຜ້າ, ສ່ວນຜ້າໄໝທີ່ນໍາມາເຮັດສ່ວນຫຼາຍແມ່ນມາຈາກທ້ອງຖິ່ນທາງພາກໃຕ້ ເຊັ່ນ ຜ້າລະຫານໍ້າ ຫຼື ຜ້າມັດມີ່, ຜ້າກະຫຼ່ຽງ ຈາກ ເຊກອງ ນໍາມາອອກແບບໃຫ້ເປັນເສື້ອຜ້າແບບລາວປະຍຸກ ໂດຍເອກະລັກສະເພາະຂອງ SANÉ ແມ່ນອອກແບບບໍ່ໃຫ້ຫຼາຍເກີນໄປ ເນັ້ນຄວາມລຽບງ່າຍ ແຕ່ເບິ່ງມີລະດັບ ໃຫ້ເຂົ້າກັບຍຸກສະໄໝໃນປັດຈຸບັນ ແລະ ກໍຖືວ່າໄດ້ຮັບການຕອບຮັບເປັນຢ່າງດີ.

ນອກຈາກນີ້ SANÉ ກໍໄດ້ມີໂອກາດ ເຂົ້າຮ່ວມການປະກວດນັກອອກແບບໜຸ່ມນ້ອຍຂອງໂຄງການ ລາວແຟຊັນວິກ ແລະ ປະກວດແຟຊັນລາວ, ຕໍ່ມາ ກໍໄດ້ຮັບໂອກາດຈາກຜູ້ໃຫຍ່ ທີ່ໃຫ້ເຮົາໄດ້ຮ່ວມສະແດງຜົນງານ ໂດຍຜ່ານການເດີນແບບໃນງານ Lao Fashion Week 2020 ກໍຍິ່ງເຮັດໃຫ້ SANÉ ເປັນທີ່ຮູ້ຈັກກວ້າງໄປອີກຕື່ມ ເຮັດໃຫ້ມີ ອໍເດີ ຈາກແຂກຜູ້ໃຫຍ່, ນັກທຸລະກິດ, ໂດຍສະເພາະແມ່ນນັກທ່ອງທ່ຽວຕ່າງປະເທດ ເຊິ່ງກໍເປັນອີກໜຶ່ງຄວາມຕັ້ງໃຈຂອງເຮົາທີ່ຢາກໃຫ້ຜະລິດຕະພັນຜ້າໄໝລາວ ເປັນທີ່ຮູ້ຈັກຂອງຕ່າງປະເທດ.

ສ່ວນ “ເຮືອນສະເໜ່” ແມ່ນຫາແຕ່ເລີ່ມມາໄດ້ 2 ປີກວ່າ ເຊິ່ງເປັນຫ້ອງເສື້ອຫັດຖະກໍາລາວເດີມ ແບບຊາວວັງຂອງ ຫຼວງພະບາງ ຈຸດເລີ່ມຕົ້ນແມ່ນມາຈາກຄວາມມັກສ່ວນຕົວ ມັນຢູ່ໃນຄວາມຊົງຈໍາຂອງເຮົາມາຕັ້ງແຕ່ນ້ອຍ ເຫັນຕາມງານປະກວດນາງສັງຂານ, ຜ້າລາຍບູຮານຕ່າງໆ ເຫັນແລ້ວກໍຮູ້ສຶກສະອອນໃນຄວາມປານີດ, ການປັກດິ້ງ, ການແສ່ວ ເຊິ່ງມັນຄືມີມົນສະເໜ່ ທີ່ເຮັດໃຫ້ເຮົາຢາກເຂົ້າໄປຈັບ, ໄປບາຍ, ຢາກໄປສວມໃສ່.

ຊຶ່ງໃນເມື່ອກ່ອນເຮົາອາດຈະມັກຊື່ໆ ແຕ່ບໍ່ໄດ້ໃຫ້ເວລາກັບມັນ, ພໍແຕ່ເຮົາໄດ້ສິ້ນປັກດິ້ງ ຫຼວງພະບາງ ຜືນທໍາອິດ ທີ່ເຂົາເຈົ້າເອົາມາຂາຍໃຫ້ ກໍເລີ່ມສະສົມ, ຕັ້ງໃຈສຶກສາລາຍ, ຫາລາຍທີ່ຫາຍາກ, ສິ້ນເກົ່າ, ເສື້ອທີ່ນຸ່ງແລ້ວເຂົ້າກັນ ເຮົາກໍຈະຈັບມາເຮັດຊຸດດຽວກັນຈົນກາຍມາເປັນ “ເຮືອນສະເໜ່” ຂຶ້ນມາ.

ໃນຕອນທຳອິດກະແສຂອງ “ເຮືອນສະເໜ່” ກໍອາດຈະບໍ່ຄ່ອຍດີປານໃດ ເພາະຢູ່ໃນຊ່ວງທີ່ມີການລະບາດຂອງພະຍາດ ໂຄວິດ-19, ພໍມາເຖິງ ປັດຈຸບັນ ກໍເລີ່ມໄດ້ຮັບການຕອບຮັບ ແລະ ໄດ້ຮັບຄວາມສົນໃຈຫຼາຍຂຶ້ນ. ຫຼ້າສຸດ “ເຮືອນສະເໜ່” ໄດ້ຮັບໂອກາດຮ່ວມຍ່າງພົມແດງ ກັບບັນດານັກສະແດງຈາກ ສປປ ລາວ ໃນຕີມ “ແຫ່ນາງສັນຂານ” ທີ່ ຈັງຫວັດ ຂອນແກ່ນ, ປະເທດໄທ ໃນເທດສະການຮູບເງົາເມືອງແຄນຄັ້ງທີ 6, ຖືເປັນໂອກາດອັນດີທີ່ໃຫ້ “ເຮືອນສະເໜ່” ເປັນຕົວແທນໃນການເຜີຍແຜ່ຮີດຄອງປະເພນີ, ວັດທະນະທໍາການນຸ່ງຖື ທີ່ເປັນເອກກະລັກຂອງຄົນລາວ ໃຫ້ກັບຕ່າງປະເທດໄດ້ຊື່ນຊົມ.

ພອນປະເສີດ ບອກວ່າ: ໃນນາມນັກອອກແບບ ແລະ ເປັນເຈົ້າຂອງຫ້ອງເສື້ອ “ເຮືອນສະເໜ່” ຂໍຝາກຜົນງານ SANÉ  ແລະ ເຮືອນສະເໜ່ SANÉ house ເຈົ້າບ່າວເຈົ້າສາວ ຫຼື ບຸກຄົນທົ່ວໄປ ຫາກສົນໃຈມາຖ່າຍຮູບກໍຂໍຮຽນເຊີນ  ແລະ ນອກນັ້ນກໍຍັງມີ ສະເໜ່ອັນເດີແວ (SANÉ underwear) ເຊິ່ງເປັນຜະລິດຕະພັນທີ່ເຮັດມາເພື່ອກຸ່ມລູກຄ້າທີ່ເປັນຜູ້ຊາຍໂດຍສະເພາະ.

ທ້າວ ພອນປະເສີດ ຈິນດາໄມ, 31 ປີ ເປັນອີກບຸກຄົນໜຶ່ງທີ່ຫຼົງໄຫຼມົນສະເໜ່ຂອງລາຍຜ້າໄໝບູຮານຂອງລາວ ໂດຍສະເພາະແມ່ນ ລາຍຜ້າແບບ ຫຼວງພະບາງ ທີ່ມີຄວາມງົດງາມເປັນເອກະລັກສະເພາະຕົວ ເຂົາຈຶ່ງຜັນຕົວມາເປັນ ນັກອອກແບບ ແລະ ໄດ້ເປີດຫ້ອງເສື້ອທີ່ມີຊື່ວ່າ “ເຮືອນສະເໜ່” ເພື່ອສື່ເຖິງເອກະລັກຂອງຄວາມເປັນລາວບູຮານ ແລະ ມົນສະເໜ່ຂອງຜ້າໄໝລາວ.

ພອນປະເສີດ ໄດ້ໃຫ້ສໍາພາດກັບ ອິນໄຊລາວ ວ່າ: ເຂົາຮຽນຈົບຈາກ ມະຫາວິທະຍາໄລ ເສດຖະກິດແຫ່ງຊາດ ຮ່າໂນ້ຍ ສສ. ຫວຽດນາມ, ສາຂາຄຸ້ມຄອງເສດຖະກິດ, ແຕ່ດ້ວຍຄວາມທີ່ມັກຮັກໃນເລື່ອງຂອງການແຕ້ມ-ການອອກແບບ ມາແຕ່ຍັງນ້ອຍ ຈຶ່ງຕັດສິນໃຈຫັນມາເອົາດີທາງດ້ານການອອກແບບ ໂດຍອາໄສພອນສະຫວັນຂອງໂຕເອງ ເພື່ອສ້າງສັນຜົນງານອອກມາ ຈົນມີເກີດຊື່ແບຣນເປັນຂອງໂຕເອງ ເຊິ່ງມີຊື່ວ່າ: SANÉ ເຊິ່ງເປັນແບຣນເສື້ອຜ້າແຟຊັນແມ່ຍິງທົ່ວໄປ ເປັນຕົ້ນແມ່ນ ຊຸດລາຕີ, ເສື້ອ, ໂສ້ງ, ກະໂປ່ງ, ກະເປົ໋າຜ້າ, ສ່ວນຜ້າໄໝທີ່ນໍາມາເຮັດສ່ວນຫຼາຍແມ່ນມາຈາກທ້ອງຖິ່ນທາງພາກໃຕ້ ເຊັ່ນ ຜ້າລະຫານໍ້າ ຫຼື ຜ້າມັດມີ່, ຜ້າກະຫຼ່ຽງ ຈາກ ເຊກອງ ນໍາມາອອກແບບໃຫ້ເປັນເສື້ອຜ້າແບບລາວປະຍຸກ ໂດຍເອກະລັກສະເພາະຂອງ SANÉ ແມ່ນອອກແບບບໍ່ໃຫ້ຫຼາຍເກີນໄປ ເນັ້ນຄວາມລຽບງ່າຍ ແຕ່ເບິ່ງມີລະດັບ ໃຫ້ເຂົ້າກັບຍຸກສະໄໝໃນປັດຈຸບັນ ແລະ ກໍຖືວ່າໄດ້ຮັບການຕອບຮັບເປັນຢ່າງດີ.

ນອກຈາກນີ້ SANÉ ກໍໄດ້ມີໂອກາດ ເຂົ້າຮ່ວມການປະກວດນັກອອກແບບໜຸ່ມນ້ອຍຂອງໂຄງການ ລາວແຟຊັນວິກ ແລະ ປະກວດແຟຊັນລາວ, ຕໍ່ມາ ກໍໄດ້ຮັບໂອກາດຈາກຜູ້ໃຫຍ່ ທີ່ໃຫ້ເຮົາໄດ້ຮ່ວມສະແດງຜົນງານ ໂດຍຜ່ານການເດີນແບບໃນງານ Lao Fashion Week 2020 ກໍຍິ່ງເຮັດໃຫ້ SANÉ ເປັນທີ່ຮູ້ຈັກກວ້າງໄປອີກຕື່ມ ເຮັດໃຫ້ມີ ອໍເດີ ຈາກແຂກຜູ້ໃຫຍ່, ນັກທຸລະກິດ, ໂດຍສະເພາະແມ່ນນັກທ່ອງທ່ຽວຕ່າງປະເທດ ເຊິ່ງກໍເປັນອີກໜຶ່ງຄວາມຕັ້ງໃຈຂອງເຮົາທີ່ຢາກໃຫ້ຜະລິດຕະພັນຜ້າໄໝລາວ ເປັນທີ່ຮູ້ຈັກຂອງຕ່າງປະເທດ.

ສ່ວນ “ເຮືອນສະເໜ່” ແມ່ນຫາແຕ່ເລີ່ມມາໄດ້ 2 ປີກວ່າ ເຊິ່ງເປັນຫ້ອງເສື້ອຫັດຖະກໍາລາວເດີມ ແບບຊາວວັງຂອງ ຫຼວງພະບາງ ຈຸດເລີ່ມຕົ້ນແມ່ນມາຈາກຄວາມມັກສ່ວນຕົວ ມັນຢູ່ໃນຄວາມຊົງຈໍາຂອງເຮົາມາຕັ້ງແຕ່ນ້ອຍ ເຫັນຕາມງານປະກວດນາງສັງຂານ, ຜ້າລາຍບູຮານຕ່າງໆ ເຫັນແລ້ວກໍຮູ້ສຶກສະອອນໃນຄວາມປານີດ, ການປັກດິ້ງ, ການແສ່ວ ເຊິ່ງມັນຄືມີມົນສະເໜ່ ທີ່ເຮັດໃຫ້ເຮົາຢາກເຂົ້າໄປຈັບ, ໄປບາຍ, ຢາກໄປສວມໃສ່.

ຊຶ່ງໃນເມື່ອກ່ອນເຮົາອາດຈະມັກຊື່ໆ ແຕ່ບໍ່ໄດ້ໃຫ້ເວລາກັບມັນ, ພໍແຕ່ເຮົາໄດ້ສິ້ນປັກດິ້ງ ຫຼວງພະບາງ ຜືນທໍາອິດ ທີ່ເຂົາເຈົ້າເອົາມາຂາຍໃຫ້ ກໍເລີ່ມສະສົມ, ຕັ້ງໃຈສຶກສາລາຍ, ຫາລາຍທີ່ຫາຍາກ, ສິ້ນເກົ່າ, ເສື້ອທີ່ນຸ່ງແລ້ວເຂົ້າກັນ ເຮົາກໍຈະຈັບມາເຮັດຊຸດດຽວກັນຈົນກາຍມາເປັນ “ເຮືອນສະເໜ່” ຂຶ້ນມາ.

ໃນຕອນທຳອິດກະແສຂອງ “ເຮືອນສະເໜ່” ກໍອາດຈະບໍ່ຄ່ອຍດີປານໃດ ເພາະຢູ່ໃນຊ່ວງທີ່ມີການລະບາດຂອງພະຍາດ ໂຄວິດ-19, ພໍມາເຖິງ ປັດຈຸບັນ ກໍເລີ່ມໄດ້ຮັບການຕອບຮັບ ແລະ ໄດ້ຮັບຄວາມສົນໃຈຫຼາຍຂຶ້ນ. ຫຼ້າສຸດ “ເຮືອນສະເໜ່” ໄດ້ຮັບໂອກາດຮ່ວມຍ່າງພົມແດງ ກັບບັນດານັກສະແດງຈາກ ສປປ ລາວ ໃນຕີມ “ແຫ່ນາງສັນຂານ” ທີ່ ຈັງຫວັດ ຂອນແກ່ນ, ປະເທດໄທ ໃນເທດສະການຮູບເງົາເມືອງແຄນຄັ້ງທີ 6, ຖືເປັນໂອກາດອັນດີທີ່ໃຫ້ “ເຮືອນສະເໜ່” ເປັນຕົວແທນໃນການເຜີຍແຜ່ຮີດຄອງປະເພນີ, ວັດທະນະທໍາການນຸ່ງຖື ທີ່ເປັນເອກກະລັກຂອງຄົນລາວ ໃຫ້ກັບຕ່າງປະເທດໄດ້ຊື່ນຊົມ.

ພອນປະເສີດ ບອກວ່າ: ໃນນາມນັກອອກແບບ ແລະ ເປັນເຈົ້າຂອງຫ້ອງເສື້ອ “ເຮືອນສະເໜ່” ຂໍຝາກຜົນງານ SANÉ  ແລະ ເຮືອນສະເໜ່ SANÉ house ເຈົ້າບ່າວເຈົ້າສາວ ຫຼື ບຸກຄົນທົ່ວໄປ ຫາກສົນໃຈມາຖ່າຍຮູບກໍຂໍຮຽນເຊີນ  ແລະ ນອກນັ້ນກໍຍັງມີ ສະເໜ່ອັນເດີແວ (SANÉ underwear) ເຊິ່ງເປັນຜະລິດຕະພັນທີ່ເຮັດມາເພື່ອກຸ່ມລູກຄ້າທີ່ເປັນຜູ້ຊາຍໂດຍສະເພາະ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

3 ຍຸກ ທີ່ພຣະພຸດທະສາສະໜາ ເຂົ້າມາປະເທດລາວ.

ພຣະພຸດທະສາສະນາ ເປັນສາສະໜາປະຈຳຊາດລາວ ເຊິ່ງໄດ້ເຂົ້າມາຕັ້ງໝັ້ນໃນດິນແດນອານາຈັກລ້ານຊ້າງເທິງສອງຟາກຝັ່ງແມ່ນ້ຳຂອງ, ແລະ ສ່ວນທີ່ເປັນປະເທດລາວເຮົານີ້ ຫຼາຍກວ່າ ໒໐໐໐ ປີ, ຄືພ້ອມກັບການເຂົ້າມາຂອງພຣະພຸດທະສາສະໜາໃນບັນດາປະເທດສຸວັນນະພູມ ຫຼື ແຫຼມທອງນີ້, ເຊິ່ງຫຼັກຖານທາງສາສະໜາວັດຖຸ, ສາສະໜາສະຖານ ໄດ້ປາກົດຕົວສອງຝາກຝັ່ງແມ່ນ້ຳຂອງເປັນຈຳນວນຫຼວງຫຼາຍ

Vietjet ກ້າວ​ໄປ​ອີກຂັ້ນ ​ໃນ​ຖານະ​​ສາຍ​ການ​ບິນ​ທຳອິດ ​ທີ່​ໃຫ້ບໍລິການຖ້ຽວ​ບິນ​​ກົງ​ລະຫວ່າງ ຮ່າ​ໂນ້ຍ ​ແລະ Hiroshima.

(ນະຄອນຫຼວງວຽງຈັນ, ວັນທີ 22 ພຶດສະພາ 2024) - Vietjet ມີຄວາມຍິນດີທີ່ຈະເປີດເສັ້ນທາງບິນກົງເຊື່ອມຕໍ່ຮ່າໂນ້ຍ, ນະຄອນຫຼວງຂອງຫວຽດນາມ ກັບນະຄອນ Hiroshima ຂອງຍີ່ປຸ່ນ. ຖ້ຽວ​ບິນໃໝ່​ນີ້​ແມ່ນ​ເສັ້ນທາງ​ສາຍ​ການບິນ​ທີ 8 ຂອງ​ສອງ​ປະ​ເທດ ​ແລະ ​ເປັນ​ສາຍ​ການບິນ​ກົງ​ສາຍ​ດຽວ​ລະຫວ່າງ Hiroshima ​ແລະ ຮ່າ​ໂນ້ຍ, ຫຼຸດຜ່ອນ​ເວລາ​ເດີນທາງ​ລົງ ​ແລະ ມອບ​ປະສົບ​ການ​ໃນ​ການ​ເດີນທາງ​ລະຫວ່າງ​ສອງ​ປະເທດ.

“ວັນວິສາຂະບູຊາ” ວັນສຳຄັນຂອງພຸດທະສາສະໜາ

“ວິສາຂະບູຊາ” ຫຍໍ້ມາຈາກ ຄຳວ່າ “ວິສາຂະ ປຸນນະມີດິຖີບູຊາ” ແປວ່າ ການບູຊາໃນວັນເພັງເດືອນ ວິສາຂະ ຫຼື ເດືອນ 6 ວັນວິສາຂະບູຊາ ຖືເປັນວັນສໍາຄັນທີ່ສຸດໃນທາງພຣະພຸດທະສາສະໜາ ເພາະເປັນວັນທີ່ເກີດ 3 ເຫດ ການອັດສະຈັນທີ່ສໍາຄັນ ກ່ຽວກັບເລື່ອງລາວຊີວິດຂອງອົງສົມເດັດພຣະສັມມາສັມພຸດທະເຈົ້າ ໃນວັນເພັງ ຂຶ້ນ 15 ຄໍ່າ ເດືອນ 6 ແຕ່ກໍນັບວ່າເປັນຊ່ວງໄລຍະເວລາທີ່ແຕກຕ່າງກັນ ແລະ ຫ່າງກັນຫຼາຍປີ ເຊິ່ງເຫດການອັດສະຈັນທັງ 3 ນັ້ນໄດ້ແກ່: ການປະສູດ, ຕັດສະຮູ້ ແລະ ປະຣິນິພານ ຂອງພຣະພຸດທະເຈົ້າ.