ເມື່ອບໍ່ດົນມານີ້, ສະຫະພັນແມ່ຍິງແຂວງບໍ່ແກ້ວ ໄດ້ເຜີຍແຜ່ເອກະສານ ແມ່ຍິງກັບການອານຸລັກວັດທະນະທຳອັນດີງາມ ຂອງຊາດ, ເອກະສານເອົາໃຈໃສ່ອະນຸລັກ ແລະ ສົ່ງເສີມວັດທະນະທຳ ການນຸງຖືຂອງແມ່ຍິງລາວ ໃຫ້ຄົງຢູ່ກັບສັງຄົມຕະຫລອດໄປ, ວັດທະນະທຳໃນການສອນລູກ, ມາລະຍາດທາງສັງຄົມ ແລະ ເອກະສານ ມະຫັດສະຈັນແຫ່ງຊິວິດ ໃຫ້ແກ່ເອື້ອຍນ້ອງແມ່ຍິງພາຍໃນແຂວງ, ທັງນີ້ ກໍເພື່ອເປັນການປູກຈິດສຳນຶກ, ສົ່ງເສີມ ແລະ ປົກປັກຮັກສາວັດທະນະທຳຮີດຄອງ ປະນີອັນດີງາມຂອງຊາດ ແລະ ຂອງເຜົ່າ, ເປັນການປັບປຸງແບບແຜນດຳລົງຊິວິດ, ມີການພົວພັນເຊິ່ງກັນ ແລະ ກັນໃນສັງ ຄົມ ໃຫ້ສອດຄ່ອງກັບວັດທະ ນະທຳ ແລະ ກົດໝາຍ ໃນຖັນແຖວສະມາຊິກສະຫະພັນແມ່ຍິງ ໃຫ້ໄດ້ທົ່ວເຖິງ.
ໂອກາດນີ້, ທ່ານນາງ ສົມແປງ ໃຈຍະສັກ ຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງແຂວງ ຍັງໄດ້ຍົກບາງບັນຫາກ່ຽວກັບການດຳລົງຊິວິດ ແລະ ໃຊ້ຊິວິດຂອງ ເອື້ອຍນ້ອງແມ່ຍິງ ພ້ອມທັງເນັ້ນໃຫ້ເອື້ອຍນ້ອງແມ່ຍິງ ຈົ່ງສືບຕໍ່ນຳເອົາເນື້ອໃນຈິດໃຈທີ່ໄດ້ຮັບຟັງໃນມື້ນີ້ໄປເຜີຍແຜ່ ແລະ ຜັນຂະຫຍາຍຢູ່ໃນກົມກອງ ແລະ ຄອບຄົວຂອງຕົນໃຫ້ໄດ້ຮັບຜົນດີ.
Cr.http://kpl.gov.la/detail.aspx?id=38007
Hits: 15
