Tuesday, July 23, 2024
Lenovo

ADB ຈະ​ໃຫ້​​ເງິນ​ຫຼາຍ​ລ້ານ​ໂດ​ລາ ແກ່​ແຂວງ​ຊຽງ​ຂວາງ ໃນ​ການ​ພັດ​ທະ​ນາ​ຊົນ​ນະ​ບົດ

ທ່ານ ເດວິດ ເຊວເຕີ(David Salter) ຜູ້ຕາງໜ້າທະນາຄານພັດທະນາອາຊີ(ADB) ປະຈຳລາວ  ພ້ອມດ້ວຍຄະນະ ໄດ້ເຂົ້າພົບປະ ທ່ານ ບຸນຕົ້ນ  ຈັນທະພອນ ເຈົ້າແຂວງຊຽງຂວາງ  ຢູ່ຫ້ອງວ່າການແຂວງ ເພື່ອປຶກສາຫາລື  ​ແລະ ວາງແຜນການຮ່ວມມື ກັບແຂວງ ​ເພື່ອເລືອກ  ​ແລະ ຄັດຈ້ອນຈຸດທີ່ຈະລົງຈັດຕັ້ງປະຕິບັດວຽກງານຍ່ອຍ  ​ ທີ່ນອນ​ໃນໂຄງການພັດທະນາ​ພື້ນຖານ​ໂຄງ​ລ່າງຊົນນະບົດ  ຕິດ​ພັນ​ກັບ​ການ​ຄຸ້ມ​ຄອງອ່າງ​ໂຕ່ງ​ແບບ​ຍືນ​ຍົງ  ເຊິ່ງ​ໂຄງການ​ນີ້​ຈະ​ເລີ່​ມຈັດ​ຕັ້ງ​ປະຕິບັດ  ແຕ່ກາງ​ປີ 2019 ເຖິງກາງ​ປີ 2026  ຢູ່ 4 ​ແຂວງ ຄື:ຊຽງ​ຂວາງ, ຫົວພັນ,  ​ໄຊ​ຍະ​ບູລີ ​ແລະ ຫລວງ​ພະ​ບາງ,  ຄາດຄະເນມູນ​ຄ່າ 56,9 ລ້ານໂດລາສະຫະລັດ. 

ໂຄງການດັ່ງກ່າວ ຈະສະນັບສະໜູນຂະແໜງກະສິກຳ  ທີ່ມີຄວາມຫລາກຫລາຍ ແລະ ສ້າງຄວາມເຂັ້ມແຂງ  ຄວາມອາດສາມາດ ຂອງອົງກອນ  ເຊິ່ງຈະມີຜົນໄດ້ຮັບຄື ການຍົກລະດັບພື້ນຖານໂຄງລ່າງຊົນນະບົດ ເພື່ອ ຜະລິດຕະພາບທີ່ສອດຄ່ອງກັບສະພາບດິນຟ້າອາກາດ ທີ່ມີການປ່ຽນແປງ ມີປະສິດທິພາບ  ແລະ ມີຄວາມຍືນຍົງ, ການຄຸ້ມຄອງນຳໃຊ້ທີ່ດິນ ພາຍໃນເຂດອ່າງໂຕ່ງແຫລ່ງນ້ຳໂຄງການທີ່ຖືກຟື້ນຟູ,  ສ້າງຄວາມເຂັ້ມແຂງ ໃຫ້ ອົງກອນ  ແລະ ຂີດຄວາມອາດສາມາດ ສຳລັບການ ຈັດຕັ້ງປະຕິບັດກະສິກຳທີ່ດີ   ແລະ ປັບປຸງຄຸ້ມຄອງອ່າງໂຕ່ງແຫລ່ງນ້ຳແບບຍືຍຍົງ.  

ສະ​ເພາະ​ແຂວງ​ຊຽງຂວາງ  ຄາດ​ວ່າ​ຈະ​ໄດ້​ຮັບ​ທຶນ ​ເຂົ້າ​ໃນ​ການ​ປະຕິບັດ  6 ​ໂຄງການ​ຍ່ອຍ  ​ໂດຍ​ຈະ​ສຸມ​ໃສ່​ການ​ປັບປຸງ​ລະບົບ​ຊົນລະປະທານ,  ການ​ພັດທະນາ​ພື້ນຖານ​ໂຄງ​ລ່າງ  ກໍ​ຄື​ເສັ້ນທາງ​ຄົມມະນາຄົມ, ພັດທະນາ​ອ່າງ​ໂຕ່ງ,  ການ​ຂະຫຍາຍ​ຕະຫລາດ​ກະສິກຳ ​ແລະ ອື່ນໆ  ​ເຊິ່ງຈະ​ເປັນ​ການ​ປະກອບສ່ວນ​ສຳຄັນ  ​ເຂົ້າ​ໃນ​ການ​​ແກ້​ໄຂ​ຄວາມທຸກ​ຍາກ  ​ແລະ ປັບປຸງ​ຊີວິດ​ການ​ເປັນ​ຢູ່  ຂອງ​ປະຊາຊົນ​ໃຫ້​ດີ​ຂຶ້ນ​ເລື້ອຍໆ. 

​ໂອກາດ​ນີ້, ທ່ານເຈົ້າແຂວງໆຊຽງຂວາງ  ໄດ້ສະແດງຄວາມດີໃຈ  ຕໍ່ທ່ານ ເດວິດ ເຊວເຕີ  ສະໜອງ​ໂຄງການດັ່ງກ່າວ​ໃຫ້​ບັນດາ​ແຂວງ​ພາກ​ເໜືອ  ລວມທັງ​ແຂວງ​ຊຽງຂວາງ  ກໍຈະມີ​ສ່ວນ​ຮ່ວມ​ສຳຄັນ​ໃນ​​ການຈັດຕັ້ງ ປະຕິບັດ  ​ເຊິ່ງເປັນໂຄງການທີ່ຖືກກັບບູລິມາສິດຂອງແຂວງ  ໃນການແກ້ໄຂຄວາມທຸກຍາກ  ແລະ ເປັນຕົວເລັ່ງໃນການພັດທະນາ  ກໍຄືການປູກຝັງ-ລ້ຽງສັດ  ​ເຊິ່ງທາງ​ແຂວງ​ກໍ​ໄດ້​ມີ​ການ​ກຳນົດ​ໃຫ້ ໄດ້ຈັດຕັ້ງປະຕິບັດຢູ່ ເຂດ ຊົນນະບົດຂອງ 3 ເມືອງຄື  ເມືອງແປກ, ເມືອງຄຳ ແລະ ເມືອງຄູນ.

#insidelaos

#ອິນ​ໄຊ​ລາວ

Cr.KPL

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.