News

ເມື່ອເວົ້າເຖິງການປ່ຽນແປງ ແນ່ນອນມັນຕ້ອງໃຊ້ເວລາ ການທີ່ເຮົາຈະຫັນເປັນປະເທດທີ່ມີລະບົບການຂົນສົ່ງໃນຕົວເມືອງທີ່ຍືນຍົງໄດ້ກໍຕ້ອງໄດ້ມີການປັບປຸງແກ້ໄຂ ສ້າງສັນສິ່ງໃໝ່ໆ ທີ່ສະດວກສະບາຍ ແລະ ເປັນປະໂຫຍດແກ່ມວນຊົນໃນສັງຄົມເປັນຈຳນວນຫຼາຍ ໂດຍສົ່ງຜົນກະທົບໜ້ອຍທີ່ສຸດ.

ສະຫະລັດອາເມຣິກາ ສືບຕໍ່ ໃຫ້ຄຳໝັ້ນສັນຍາອັນຍາວນານໃນການສະໜັບສະໜູນຂະແໜງລະເບີດບໍ່ທັນແຕກ (ລບຕ) ຢູ່ ສປປ ລາວ, ລັດຖະບານສະຫະລັດອາເມລິກາ ໄດ້ ມອບເງິນ ຈໍານວນ 24,200,000 ໂດລາສະຫະລັດ ໃຫ້ແກ່ອົງການເກັບກູ້ລະເບີດ ຮາໂລ ທຣາສທ ຈົນເຖິງເດືອນ ເມສາ ປີ 2025 ເພື່ອສືບຕໍ່ປະຕິບັດວຽກງານກວດກູ້ ແລະ ສໍາຫຼວດ ລະເບີດບໍ່ທັນແຕກທົ່ວ ແຂວງ ສະຫວັນນະເຂດ.

ທ່ານ ສົມເພັດ ມ້າວປະເສີດ, ຜູ້ພັດທະນາແຫຼ່ງທ່ອງທ່ຽວທາງທຳມະຊາດ ຢໍລະປາ ແບບອະນຸລັກ ເພື່ອອະນຸລັກສັດປ່າ ແລະ ປ້ອງກັນການລ່າສັດຕ່າງໆ. ຈາກຄວາມພະຍາຍາມຂອງເພິ່ນຈຶ່ງໄດ້ນຳໄປສູ່ຄວາມສຳເລັດອີກບາດກ້າວໜຶ່ງ ໂດຍການເປີດຫໍພິພິທະພັນຊີວະນານາພັນນ້ຳກັດຢໍລາປ່າ, ເຊິ່ງເປັນເຄື່ອງໝາຍທີ່ສຳຄັນແຫ່ງການອະນຸລັກ ແລະ ຄວາມຍືນຍົງຂອງຂອບເຂດຢໍລະປາ.

ກົມກົງສຸນ ໄດ້ໃຫ້ຮູ້ວ່າ: ຕາມລັດຖະບັນຍັດວ່າດ້ວຍການປັບປຸງບາງມາດຕາຂອງລັດຖະບັນຍັດວ່າດ້ວຍຄ່າທຳນຽມ ແລະ ຄ່າບໍລິການ ໃນຂົງເຂດການຕ່າງປະເທດ, ສະບັບເລກທີ 001/ປປທ, ລົງວັນທີ 26 ມັງກອນ 2024, ຈະໄດ້ມີການປັບປຸງຄ່າທຳນຽມ ແລະ ຄ່າບໍລິການອອກໜັງສືຜ່ານແດນ ຕາມລັດຖະບັນຍັດສະບັບປັບປຸງດັ່ງກ່າວນີ້ ໄດ້ກຳນົດຄ່າທຳນຽມ ແລະ ຄ່າບໍລິການອອກໜັງສືຜ່ານແດນເປັນເງິນໂດລາ ເພື່ອເປັນບ່ອນອີງໃນການຈັດເກັບໃນລາຄາ ດັ່ງນີ້: ຄ່າທຳນຽມ ແລະ ຄ່າບໍລິການອອກໜັງສືຜ່ານແດນ ເອເລັກໂຕຣນິກ ລາຄາ 60 ໂດລາ ແລະ ບໍ່ແມ່ນເອເລັກໂຕຣນິກ ລາຄາ 40 ໂດລາ.

ກະຊວງໂຍທາທິການ ແລະ ຂົນສົ່ງ ໄດ້ຈັດພິທີເປີດນໍາໃຊ້ ໂຄງການກໍ່ສ້າງທາງຫຼວງແຫ່ງຊາດເລກ 11 ແຕ່ຂົວນໍ້າສັງ ເມືອງສັງທອງ ນະຄອນຫຼວງວຽງຈັນ ຫາ ບ້ານຄົກເຂົ້າດໍ ເມືອງຊະນະຄາມ ແຂວງວຽງຈັນ ເຊິ່ງໂຄງການກໍ່ສ້າງ ທາງເລກ 11 ມີຄວາມລວງຍາວ 104,98 ກິໂລແມັດ ແລະ ກໍ່ສ້າງທາງຊອຍແຕ່ ບ້ານໂນນສະຫວັນ ຫາ ເທດສະບານ ເມືອງຊະນະຄາມ ລວງຍາວ 16,55 ກິໂລແມັດ ເປັນໂຄງການບຸລິມະສິດຂອງລັດຖະບານ, ນອນຢູ່ໃນແຜນຍຸດທະສາດ ຂອງກະຊວງໂຍທາທິການ ແລະ ຂົນສົ່ງ ກໍຄື ແຜນພັດທະນາເສດຖະກິດ-ສັງຄົມ ຂອງລັດຖະບານ.

ກະຊວງການເງິນ ໄດ້ໃຫ້ຮູ້ວ່າ: ບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ໄດ້ຂຶ້ນທະບຽນ ແລະ ມີໃບທະບຽນວິສາຫະກິດຈາກຂະແໜງອຸດສາຫະກຳ ແລະ ການຄ້າ, ມີເລກປະຈຳຕົວຜູ້ເສຍອາກອນ ທີ່ເຄື່ອນໄຫວ ກ່ຽວກັບການຄໍາ ແລະ ການບໍລິການເລັກໂຕຣນິກຂອງຕົນ ຫຼື ການຄ້າ ແລະ ການບໍລິການ ໃນຕະຫຼາດເອເລັກໂຕຣນິກ ຕາມທີ່ໄດ້ກໍານົດໄວ້ ໃນພາກທີ II ມາດຕາ 6 ຮູບແບບການຄ້າທາງເອເລັກໂຕຣນິກ ຂອງດໍາລັດວ່າດ້ວຍ ການຄ້າທາງເອເລັກໂຕຣນິກ ສະບັບເລກທີ 296/ລບ, ລົງວັນທີ 12 ເມສາ 2021 ເປັນຕົ້ນແມ່ນ: DroppinX, Olaa, Sokxay All, Ebuylao ແລະ ອື່ນໆ ທີ່ເຄື່ອນໄຫວທຸລະກິດລັກສະນະດັ່ງກ່າວ ຈະຕ້ອງຈົດທະບຽນເຂົ້າໃນລະບົບອາກອນມູນຄ່າເພີ່ມ.

ແຫລ່ງຂ່າວຈາກ ແຂວງຊຽງຂວາງ ໄດ້ໃຫ້ຮູ້ວ່າ: ແຂວງຊຽງຂວາງ ຈັດກອງປະຊຸມ ຜ່ານແບບແຜນຫໍຫລັກເມືອງ ແລະ ປະຕູໂຂງຂອງແຂວງ ໃນວັນທີ 13 ກຸມພາ 2024 ໂດຍການເປັນປະ ທານຂອງ ທ່ານ ບຸນຈັນ ສີວົງພັນ ເຈົ້າແຂວງຊຽງຂວາງ, ມີຫົວໜ້າ-ຮອງຫົວໜ້າພະແນກການ, ອົງການແລະ ວິຊາການທີ່ກ່ຽວຂ້ອງເຂົ້າຮ່ວມ.

ແຂວງສາລະວັນ ພ້ອມແລ້ວທີ່ຈະເປັນເຈົ້າພາບທີ່ດີ ໃນການຈັດງານມະຫາກໍາແຂ່ງຂັນກິລານັກຮຽນມັດທະຍົມສຶກສາທົ່ວປະເທດ ຄັ້ງທີ VII ລະຫວ່າງວັນທີ 13-22 ທັນວາ 2024 ແລະ ໄດ້ກໍານົດໃຫ້ມີການຊີງໄຊທັງໝົດ 134 ລາຍການ, ໃນນັ້ນ ມີ 396 ຫຼຽນຄຳ, 396 ຫຼຽນເງິນ ແລະ 526 ຫຼຽນທອງ, ລວມທັງໝົດ 1.318 ຫຼຽນ ພ້ອມທັງກຳນົດເອົາ ຫໍໄຕ ເປັນໂລໂກ ແລະ ໂຕຊ້າງ ເປັນສັດນຳໂຊກ.