ປະຈຳວັນທີ 10 ກໍລະກົດ 2021 | ໜັງສືພິມວຽງຈັນທາຍໄດ້ໃຫ້ຮູ້ວ່າ:
ລາວມີຜູ້ຕິດເຊື້ອພະຍາດໂຄວິດ-19 ເຖິງ 4 ສາຍພັນ ຈາກ 11 ສາຍພັນ
ຈາກກໍລະນີ ທີ່ ສປປ ລາວໄດ້ກວດພົບຜູ້ຕິດເຊື້ອພະຍາດໂຄວິດ-19 ສະສົມແລ້ວຫຼາຍກວ່າ 2.000 ຄົນໃນປັດຈຸບັນຢູ່ໃນຂອບເຂດທົ່ວປະເທດນັ້ນ ພົບວ່າ ມີ 4 ສາຍພັນ ຈາກ 11 ສາຍພັນຂອງພະ ຍາດໂຄວິດ-19 ທີ່ພົບ ຢູ່ລາວ ຄື: ສາຍພັນ ດັ່ງເດີມ, ສາຍພັນອາວຟາ, ສາຍພັນເດວຕາ ແລະ ສາຍພັນແຄັບປາ
ຜູ້ຕິດເຊື້ອຢູ່ລາວ 1 ໃນ 4 ສາຍພັນແມ່ນສາຍພັນເດວຕາທີ່ເປັນສາຍພັນທີ່ຮ້າຍແຮງ ແລະ ໜ້າເປັນຫ່ວງ, ດີແຕ່ກວດພົບຈາກແຮງງານລາວກັບຄືນປະເທດ, ບໍ່ພົບເຊື້ອພະຍາດດັ່ງກ່າວ ລະບາດໃນຊຸມຊົນຈຶ່ງສາມາດປ້ອງກັນໄດ້…ອ່ານຕໍ່
ເປັນຫຍັງແຮງງານລາວຈຶ່ງລັກລອບກັບຄືນປະເທດ
ອີງຕາມຂໍ້ມູນຈາກພະແນກແຮງງານ ແລະ ສະຫວັດດີການສັງຄົມຂອງບັນດາແຂວງທີ່ມີຊາຍແດນຕິດກັບປະເທດໄທ ການທີ່ແຮງງານລາວລັກລອບກັບຄືນປະເທດແບບຜິດກົດໝາຍນັ້ນ ກໍຍ້ອນວ່າແຮງງານເຫຼົ່ານັ້ນເປັນແຮງງານ ເຖື່ອນໂດຍບໍ່ມີເອກະສານຜ່ານແດນໃດໆ ຊຶ່ງແຮງງານລາວທີ່ໄປເຮັດວຽກຢູ່ໄທນັ້ນຫຼາຍກວ່າ 50% ແມ່ນແຮງງານເຖື່ອນ
ໃນໄລຍະທີ່ມີການແຜ່ລະບາດຂອງພະຍາດໂຄວິດ-19 ຕຳຫຼວດກວດຄົນເຂົ້າເມືອງລາວ-ໄທໄດ້ມີການຕົກລົງຮັບເອົາແຮງງານດັ່ງກ່າວເຂົ້າມາໄດ້ເລີຍແບບຖືກກົດໝາຍ ພຽງແຕ່ໃຫ້ແຮງງານເຫຼົ່ານັ້ນແຈ້ງຕຳຫຼວດກວດຄົນເຂົ້າເມືອງທັງສອງປະເທດ ແຕ່ວ່າແຮງງານບາງສ່ວນທີ່ຍັງລັກລອບຍ້ອນບໍ່ໄດ້ຮັບຂໍ້ມູນຂ່າວສານກ່ຽວກັບເລື່ອງດັ່ງກ່າວ…ອ່ານຕໍ່
ສປປ ລາວ ສະເໜີໃຫ້ອາຊຽນ-ຣັດເຊຍຮ່ວມມືຫຼາຍດ້ານໃນອະນາຄົດ
ທີ່ກອງປະຊຸມລັດຖະມົນຕີຕ່າງປະເທດອາຊຽນ-ຣັດເຊຍ ສະໄໝພິເສດແບບທາງໄກ ສປປ ລາວໄດ້ສະເໜີໃຫ້ພິຈາລະນາຮ່ວມມືໃນໄລຍະຕໍ່ໜ້າກ່ຽວກັບການຄຸ້ມຄອງໄພພິບັດ, ການຮ່ວມມືດ້ານຄວາມໝັ້ນຄົງທາງໄອຊີທີ, ການສຶກສາ, ການແລກປ່ຽນ ລະຫວ່າງຊາວໜຸ່ມ ແລະ ຂົງເຂດການຮ່ວມມືອື່ນໆ ທີ່ອາຊຽນ ແລະ ຣັດເຊຍ ມີທ່າແຮງຮ່ວມກັນ
ສະເພາະທິດທາງໃນຕໍ່ໜ້າ, ບັນດາລັດຖະມົນຕີຕ່າງປະເທດອາຊຽນ-ຣັດເຊຍ ໄດ້ເຫັນດີສືບຕໍ່ຮ່ວມມື ກ່ຽວກັບການຄວບຄຸມ, ຮັບມື ແລະ ແກ້ໄຂການແຜ່ລະບາດຂອງພະຍາດໂຄວິດ-19 ລວມທັງ ການຮ່ວມມືເພື່ອຄົ້ນຄວ້າ ແລະ ພັດທະນາ (R&D) ແລະ ຜະລິດຢາປົວພະຍາດ ກໍ່ຄືວັກຊິນຕ້ານໂຄວິດ-19 ແລະ ການຟື້ນຟູເສດຖະກິດຮອບດ້ານຫຼັງການແຜ່ລະບາດຂອງພະຍາດໂຄວິດ-19 ສິ້ນສຸດລົງ…ອ່ານຕໍ່
ຕົວແທນນັກກິລາຢູໂດຂອງລາວ ທີ່ຈະໄປແຂ່ງຂັນກິລາໂອລິມປິກທີ່ຍີ່ປຸ່ນ
ສຸກພະໄຊ ສິດທິສານ ນັກກິລາຢູໂດ ໜຶ່ງດຽວທີມຊາດລາວ ຊຶ່ງຢູ່ອັນດັບທີ 105 ຂອງໂລກ ພ້ອມດ້ວຍນັກກິລາທີມຊາດລາວ ອີກ 5 ຄົນ ຄື: ລອຍ ນ້ຳ 2 ຄົນ, ແລ່ນ-ລານ 2 ຄົນ ແລະ ມວຍສາກົນ 1 ຄົນ ຈະເຂົ້າຮ່ວມແຂ່ງຂັນໃນງານມະຫະກຳກິລາໂອລິມປິກ 2020 ທີ່ນະຄອນຫຼວງໂຕກຽວ ປະເທດຍີ່ປຸ່ນ ທີ່ເລື່ອນ ມາແຂ່ງຂັນໃນວັນທີ 23 ກລະກົດ 2021 ຍ້ອນການແຜ່ລະບາດຂອງ ພະຍາດໂຄວິດ-19
ສຸກພະໄຊ ສິດທິສານ ໄດ້ໂຄຕາເຂົ້າຮ່ວມການແຂ່ງຂັນ ໃນ ງານມະຫະກຳກິລາໂອລິມປິກ ເປັນຄັ້ງທີ 2 ຕິດຕໍ່ກັນ ຫຼັງຈາກທີ່ຜູ້ກ່ຽວເຄີຍຄວ້າໂຄຕາໄປແຂ່ງໃນງານມະຫະກຳກິລາໂອລິມປິກ ຄັ້ງທີ່ຜ່ານມາ ທີ່ປະເທດເບຣຊິນ ປີ 2016…ອ່ານຕໍ່