ຈືນປີກໄກ່ ຍັດໄສ້ເຂົ້າໜຽວ ເມນູງ່າຍໆເຮັດກິນໄດ້ຢູ່ເຮືອນ.

ຫຼາຍຄົນອາດຈະເຄີຍປະສົບບັນຫາ ມືໜຶ່ງຈັບປີກໄກ່ ມືໜຶ່ງຈັບເຂົ້າໜຽວ ຈົນເຮັດໃຫ້ຢິບຈັບຫຍັງກໍເປື້ອນມື ຊິບໍ່ດີກວ່າບໍທີ່ຈະຈັບປີກໄກ່ກິນກັບເຂົ້າໜຽວໃນຄຳດຽວ.ດັ່ງນັ້ນ, ເຮົາຈຶ່ງຢາກແນະນຳເມນູ “ຈືນປີກໄກ່ຍັດໄສ້ເຂົ້າໜຽວ” ແຊບແບບງ່າຍໆໃນຄຳດຽວ. ເຮົາມາເບິ່ງວິທີເຮັດກັນເລີຍ:

ສ່ວນຜະສົມ:

  1. ປີກໄກ່                                8             ປີກ
  2. ເຂົ້າໜຽວ
  3. ນ້ຳປາ                                2             ບ່ວງແກງ
  4. ພີກໄທ                               1             ບ່ວງແກງ
  5. ແປ້ງທອດກອບ             1             ຖ້ວຍນ້ອຍ
  6. ນໍ້າແຈ່ວໄກ່
  7. ກະທຽມຈຽວສຳລັບໂຮຍໜ້າ

ວິທີເຮັດ:

 1: ໜຶ້ງເຂົ້າ.

  • ນຳເຂົ້າສານໜຽວຂາວ ລ້າງນ້ຳໃຫ້ສະອາດ ໂດຍໃຊ້ມືຖູເຂົ້າຄ່ອຍໆ ລ້າງຈົນນ້ຳຊາວເຂົ້າໃສຂຶ້ນແລ້ວມ່ານ້ຳປະໄວ້ປະມານ 3 ຊົ່ວໂມງ.
  • ເມື່ອຄົບເວລາແລ້ວ ນຳເຂົ້າທີ່ມ່ານ້ຳໄວ້ ໄປໜຶ້ງປະມານ 30 ນາທີຈົນສຸກດີ (ຄົບ 15 ນາທີແລ້ວພິກເຂົ້າຈາກຫວດ 1 ເທື່ອເພື່ອໃຫ້ເຂົ້າສຸກຢ່າງທົ່ວເຖິງ)
  • ສາມາດເພີ່ມສີ ແລະ ກິ່ນທີ່ເຮັດໃຫ້ໜ້າກິນໄດ້ດ້ວຍການປ່ຽນຈາກການແຊ່ນໍ້າປົກກະຕິເປັນການແຊ່ນ້ຳຂີ້ໝີ້ນ (ສີເຫຼືອງ) ຫຼື ນ້ຳໃບເຕີຍ (ສີຂຽວ)

2: ກຽມໄກ່.

  • ນຳປີກໄກ່ມາແກະເອົາກະດູກອອກແລ້ວ ແຊ່ໄວ້ດ້ວຍນ້ຳປາ ແລະ ພິກໄທ ຄັ້ນໃຫ້ເຂົ້າກັນແຊ່ໄວ້ປະມານ 30 ນາທີ.
  • ເມື່ອແຊ່ໄວ້ແລ້ວໆ ເອົາເຂົ້າໜຽວທີ່ໜຶ້ງໄວ້ມາຍັດເຂົ້າໄປໃນປີກໄກ່ທີ່ແກະກະດູກອອກແລ້ວ.

3: ຂັ້ນຕອນຈືນ.

  • ນຳປີກໄກ່ທີ່ຍັດໄສ້ເຂົ້າໜຽວແລ້ວ ລົງຈືນຈົນເຫຼືອງທອງແລ້ວນຳຂຶ້ນຈັດເສີບພ້ອມກັບນ້ຳແຈ່ວໄກ່.

ເມນູນີ້ຈັບສະດວກສະບາຍພ້ອມທັງຍັງໜ້າກິນແບບນີ້ພາດບໍ່ໄດ້ແລ້ວກັບເມນູ “ປີກໄກ່ຈືນຍັດໄສ້ເຂົ້າໜຽວ” ຢ່າລືມເອົາໄປລອງເຮັດກິນກັນໃນຊ່ວງມື້ພັກກັນເດີ ຖືວ່າເປັນເມນູທີ່ປະຍຸກແບບງ່າຍໆ ທີ່ນໍາເອົາເຂົ້າໜຽວ ອາຫານຫຼັກທີ່ມີຢູ່ໃນທຸກມື້ຂອງຄົນລາວທຸກພາກມາແປຮູບເປັນເມນູສຸດສ້າງສັນ.

More from author

Related posts

Latest posts

ປະຫວັດ ພຣະທາດຫຼວງວຽງຈັນ

ພະທາດຫຼວງວຽງຈັນຕັ້ງຢູ່ສົ້ນສຸດທາງທິດຕາເວັນອອກຂອງຖະໜົນທາດຫຼວງ ບ້ານ ທາດຫຼວງ ເມືອງໄຊເສດຖາ ນະຄອນຫຼວງວຽງຈັນ ເປັນປູຊະນິຍະສະຖານບູຮານອັນເປັນສັນ ຍະລັກຂອງປະເທດລາວ ແລະ ເປັນມິ່ງຂັວນຂອງປະຊາຊົນລາວກໍຄືຊາວພຸດທັງສອງຟາກຝັ່ງ ແມ່ນ້ຳຂອງ. ຕາມຕຳນານອຸລັງຄະທາດ ພະທາດຫຼວງຖືກສ້າງຂຶ້ນເທື່ອທີໜຶ່ງໃນ ປີ ພ.ສ 236 (ກ່ອນ ຄ.ສ 307 ປີ) ສະໄໝສ້າງເມືອງວຽງຈັນ, ໂດຍພຣະເຈົ້າ ຈັນທະບຸຣີ ປະສິດທິຈັກ ພ້ອມດ້ວຍພຣະ ອໍຣະຫັນຫ້າອົງ (ພຣະສົງລາວ) ທີ່ກັບມາຈາກການສຶກສາທຳມະ ແລະ ໄດ້ນຳເອົາພຣະບໍຣົມມະທາດ (ກະດູກ) ຂອງພຣະພຸດທະເຈົ້າມາຈາກປະເທດອິນເດຍ.

ເອັສຊີຈີ ສານຕໍ່ ໂຄງການ “SCG Sharing the Dream 2026”

ມອບທຶນການສຶກສາແກ່ເຍົາວະຊົນ ໃນ ສປປ ລາວ ຕໍ່ເນື່ອງເປັນປີທີ 15 ສ້າງຄົນລຸ້ນໃໝ່ "Green Active Generation" ພັດທະນາປະເທດໃຫ້ຍືນຍົງ 5 ພະຈິກ 2026 - ນະຄອນຫຼວງວຽງຈັນ ສປປ ລາວ: ກະຊວງສຶກສາທິການ ແລະ ກິລາ ສປປ ລາວ ຮ່ວມກັບ ເອັສຊີຈີ...

ຊຳຊຸງ ເປີດໂຕ 3 ຮຸ່ນໃໝ່ ຕ້ອນຮັບທ້າຍປີ ເນັ້ນປະສິດທິພາບດີ ໃນລາຄາທີ່ເຂົ້າເຖິງໄດ້

ຊຳຊຸງວາງຈຳໜ່າຍ Galaxy A18, Galaxy A08 ແລະ Galaxy A07s ແລ້ວໃນ ສປປ ລາວ ຍົກຈຸດເດັ່ນດ້ານປະສິດທິພາບ ດ້ວຍຊິບເຊັດລຸ້ນໃໝ່ MediaTek Helio G99+ ແລະ RAM Plus ທີ່ຊ່ວຍເພີ່ມຄວາມໄວໃນການ ຮັບ-ສົ່ງ ຂໍ້ມູນ ຫຼຸດອາການໜ່ວງ ເປີດແອັບພລິເຄຊັນໄດ້ໄວ,...