Technology

ສະຫຼຸບ iOS 16 ມີອັບເດດຫຍັງແນ່ ແລະ ລຸ້ນໃດຈະໄດ້ໄປຕໍ່

xaysana InsideLaos
xaysana InsideLaos
261
0

Apple ໄດ້ປ່ອຍ iOS 16 ລະບົບປະຕິບັດການເວີຊັນລ່າສຸດສຳລັບ iPhone ໂດຍທາງທີມງານຂອງ Apple ກໍໄດ້ສະຫຼຸບສິ່ງທີ່ອັບເດດໃຫມ່ ແລະ ລຸ້ນໂທລະສັບທີ່ຈະໄດ້ໄປຕໍ່ໃຫ້ ເຊິ່ງມີລາຍລະອຽດດັ່ງນີ້:

iOS 16 ມີອັບເດດຫຍັງແນ່?

Lock Screen

iOS 16 ຈະມີ Lock Screen ທີ່ສາມາດປ່ຽນຮູບແບບໂຕໜັງສື ແລະ ສີຂອງໂຕອັກສອນໄດ້ ລວມໄປເຖິງ Widget ແບບຕ່າງໆ ເຊິ່ງສາມາດສ້າງຮູບແບບຂອງໜ້າຈໍ Lock Screen ທີ່ຕ່າງກັນໄວ້ ແລະ ສາມາດເລືອກສະລັບໃຊ້ງານພາຍຫຼັງ

Widget

ສາມາດເພີ່ມ Widget ທີ່ໜ້າສົນໃຈເທິງໜ້າຈໍ Lock Screen ໄດ້ ບໍ່ວ່າຈະເປັນ ສະພາບອາກາດ, ກິດຈະກຳພາຍໃນປະຕິທິນ, ວັນທີ, ເວລາ, ໂມງປຸກ ແລະ ອື່ນໆ

Live Activities

ຟີເຈີໃຫມ່ໃນການຕິດຕາມກິດຈະກຳຕ່າງໆ ທີ່ເຮົາເຮັດຢູ່ ເພື່ອຕິດຕາມຄວາມຄືບໜ້າ ແລະ ຍັງຄວບຄຸມການເຮັດວຽກໄດ້ຜ່ານໜ້າຈໍ Lock Screen ໂດຍບໍ່ຕ້ອງປົດລ໋ອກໜ້າຈໍເຊັ່ນ: ການສັ່ງອາຫານ

Notifications

ຮູບແບບການແຈ້ງເຕືອນແບບໃຫມ່ເທິງໜ້າ Lock Screen ທີ່ປັບປ່ຽນມາຢູ່ທາງລຸ່ມຂອງຈໍ ເພື່ອບໍ່ໃຫ້ທັນບັງຮູບພາບໜ້າຈໍ ແລະ ບໍ່ລົບກວນສາຍຕາເຮົາ ເປັນແຈ້ງເຕືອນແບບຊ້ອນກັນຢູ່ ແຕ່ເຮົາຍັງສາມາດແຕະເພື່ອເບິ່ງແຈ້ງເຕືອນທັງໝົດໄດ້

Focus

ຟີເຈີທີ່ມາພ້ອມ iOS 15 ມີການເພີ່ມລູກຫຼິ້ນໃນ iOS 16 ໂດຍເຮົາສາມາດຕັ້ງຄ່າໜ້າຈໍ Lock Screen ໃຫ້ສອດຄ່ອງກັບໂຫມດ Focus ທີ່ຕ້ອງການໄດ້ ແລະ ສາມາດປ່ຽນຈາກໂຫມດ Focus ໃນເວລາ ສ່ວນໂຕ ໄປເປັນໂຫມດເຮັດວຽກພຽງແຕ່ເຮົາປັດ 1 ຄັ້ງເທົ່ານັ້ນ

Share iCloud Library

ສາມາດແບ່ງປັນຄັງຮູບພາບ ແລະ ວີດີໂອເທິງ iCloud ໄດ້ໃຫ້ກັບຄົນໃນຄອບຄົວໄດ້ສູງສຸດ 5 ຄົນ ພ້ອມສ້າງ Collection ຂອງຄອບຄົວໄດ້ງ່າຍໆ ລວມໄປເຖິງປັບແຕ່ງ ຫຼື ລົບຮູບພາບໄດ້ທຸກຄົນ

Messages

ສາມາດແກ້ໄຂຂໍ້ຄວາມທີ່ສົ່ງໄປແລ້ວ ຫຼື ກົດຍົກເລີກຂໍ້ຄວາມໄດ້ ລວມໄປເຖິງການເຮັດເຄື່ອງໝາຍຍັງບໍ່ໄດ້ອ່ານໃນກໍລະນີບໍ່ສະດວກຕອບກັບທັນທີ

Safari and Passkeys

ຮອງຮັບການ Share Tap ລວມໄປເຖິງການສົ່ງຂໍ້ຄວາມ ແລະ ເລີ່ມໂທໃນ FaceTime ໃນ Safari ໄດ້, ມິການອັບເດດ Passkeys ເພື່ອຄວາມປອດໄພດ້ານການເຂົ້າລະຫັດຂໍ້ມູນການລົງຊື່ເຂົ້າໃຊ້ງານ ຕັ້ງແຕ່ຕົ້ນທາງ ເຖິງປາຍທາງ ເພື່ອປ້ອງກັນການຮົ່ວໄຫຼຂອງຂໍ້ມູນ ເຊິ່ງ Apple ໄດ້ບອກວ່າມີຄວາມປອດໄພຫຼາຍກວ່າການຢືນຢັນສອງຂັ້ນແບບ two-factor authentication

ໂທລະສັບ iPhone ລຸ້ນໃດແນ່ທີ່ສາມາດອັບເດດ iOS 16 ໄດ້?

  • iPhone 13
  • iPhone 13 mini
  • iPhone 13 Pro
  • iPhone 13 Pro Max
  • iPhone 12
  • iPhone 12 mini
  • iPhone 12 Pro
  • iPhone 12 Pro Max
  • iPhone 11
  • iPhone 11 Pro
  • iPhone 11 Pro Max
  • iPhone XS
  • iPhone XS Max
  • iPhone XR
  • iPhone X
  • iPhone 8
  • iPhone 8 Plus
  • iPhone SE

ຂໍ້ມູນຈາກ: Apple

ບົດ​ຄວາມ​ທີ່​ຜ່ານ​ມາ
ຊ່ວຍກັນໂຄສະນາ! ເພື່ອຄວບຄຸມການແຜ່ລະບາດ ຂອງພະຍາດໄຂ້ຍຸງລາຍ.
ບົດ​ຄວາມ​ຕໍ່​ໄປ
ກະຊວງພະລັງງານ ແລະ ບໍ່ແຮ່ ຮ່ວມກັບ ຄາບອນທັຣດ (Carbon Trust) ໄດ້ຮ່ວມມືກັນໂຄສະນາເຜີຍແຜ່ ເພື່ອສົ່ງເສີມການປະຢັດ ແລະ ນຳໃຊ້ພະລັງງານຢ່າງມີປະສິດທິພາບໃນ ສປປ ລາວ.
xaysana InsideLaos
xaysana InsideLaoshttp://insidelaos.com/

More from author

Travel

“ຜາຖີ່” ແຫຼ່ງທ່ອງທ່ຽວປະຫວັດສາດ ກັບປະຫວັດຄວາມເປັນມາ

“ຜາຖີ່” ຫຼື Lima Site 85 ອາດີດເຣດ້າຕາທິບ ຂອງຖານທັບລັບ USA ໃນລາວ ປັດຈຸບັນ ກາຍເປັນແຫຼ່ງທ່ອງທ່ຽວທາງປະຫວັດສາດທີ່ໜ້າທ່ຽວຊົມ ແລະ ສຶກສາຮຽນຮູ້, ໂດຍ ພູຜາຖີ່ ( Phou Pha Thi ) ຕັ້ງຢູ່ ບ້ານ ຫ້ວຍມ້າ, ເມືອງ ຊໍາເໜືອ, ແຂວງ ຫົວພັນ ຫ່າງຈາກເທດສະບານແຂວງ ຫົວພັນ 68 ກິ​ໂລ​ແມັດ.
xaysana InsideLaos -
Read
Food and Healths

ລະວັງ! ໂຣກນ້ຳກັດຕີນ

ລະດູຝົນກ້າວເຂົ້າມາແລ້ວ ແລະ ມັນກໍຈະມີນ້ຳຖ້ວມຂັງ ຊຶ່ງອາດເຮັດໃຫ້ເກີດໂຣກຜິວໜັງໄດ້ຫຼາຍຊະນິດ ຊຶ່ງແຕ່ລະຊະນິດຈະມີຄວາມແຕກຕ່າງກັນໄປ. ຊະນິດທຳອິດທີ່ຈະເກີດ ຫຼັງການສຳຜັດກັບນ້ຳເປື້ອນຢ່າງຕໍ່ເນື່ອງ ຄື: ໂຣກນ້ຳກັດຕີນ ເນື່ອງຈາກສິ່ງສົກກະປົກ ແລະ ສານເຄມີຕ່າງໆ ທີ່ປະປົນຢູ່ໃນນ້ຳຖ້ວມຂັງ ຜິວໜັງຈະມີອາການເປັນຝື່ນສີແດງ, ແສບ, ຄັນ ແລະ ອາດມີຂຸຍລອກໄດ້ ໂດຍສະເພາະຢູ່ບໍລິເວນຂໍ້ນິ້ວຕີນ.
xaysana InsideLaos -
Read
Arts and Cultures

ຮູ້ຈັກກັບ! ເມືອງລາວບູຮານ ໃນສະໄໝກ່ອນ.

ຕາມການຄົ້ນຄວ້າຂອງນັກບູຮານຄະດີ ແລະ ນັກປະຫວັດສາດໄດ້ຢັ້ງຢືນໃຫ້ພວກເຮົາຮູ້ວ່າ ຂະບວນ ວິວັດແຫ່ງການກໍ່ຕັ້ງອານາຈັກເມືອງ (ນະຄອນລັດ) ຂອງຄົນລາວໃນດິນແດນລາວນັ້ນມີຄວາມເປັນມາ ອັນຍາວນານ ແລະ ສະຫຼັບຊັບຊ້ອນ. ບັນດານັກປະຫວັດສາດກໍມີຫຼາຍທັດສະນະກ່ຽວກັບການກໍ່ຕັ້ງ ອານາຈັກຂອງຄົນລາວ. ເຖິງຢ່າງໃດກໍຕາມ, ພໍສາມາດສະຫຼຸບໄດ້ວ່າກຸ່ມຄົນທີ່ຕັ້ງຖິ່ນຖານຢູ່ໃນ ແຜນດິນລາວ ປະກອບມີຫຼາຍຊົນເຜົ່າເຊັ່ນ: ມອນ-ຂະແມ, ລາວ-ໄຕ, ຈີນ-ທິເບດ ແລະ ມົ້ງ-ອິວມຽນປະສົມປະສານ ເຂົ້າກັນ, ມີທັງກຸ່ມຄົນທີ່ກຳເນີດຢູ່ທີ່ນີ້ ແລະ ເຄື່ອນຍ້າຍ ໄປມາໃນຂົງເຂດໃກ້ຄຽງ.
xaysana InsideLaos -
Read

Related posts

Education & Sports

ປັນຍາປະດິດທີ່ມີຄວາມຮັບຜິດຊອບ (Responsible AI) : ຂີດຄວາມສາມາດທີ່ຜູ້ບໍລິຫານສູງສຸດ (CEOs)ບໍ່ສາມາດລະເລີຍໄດ້ອີກຕໍ່ໄປ

ປັນຍາປະດິດ (AI) ກຳລັງກາຍເປັນຕົວຂັບເຄື່ອນຫຼັກຂອງການແຂ່ງຂັນ, ຜະລິດຕະພັນ ແລະ ຄວາມສົມດຸນຂອງອົງກອນຢ່າງໄວວາ. ສຳລັບ CEOs ແລະ ຜູ້ນຳລະດັບຂັ້ນສູງ, ສິ່ງທ້າທາຍໃນປັດຈຸບັນ ບໍ່ວ່າຈະນຳໃຊ້ AI ຫຼື ບໍ່, ແຕ່ແມ່ນວິທີການນຳໃຊ້ແບບໃດໃຫ້ມີຄວາມປອດໄພ, ມີຄວາມຮັບຜິດຊອບ ແລະ ມີຄວາມໝັ້ນໃຈ. ນີ້ຄື ຫຼັກສູດ...

Latest posts

ຄວນເຮັດແນວໃດ ເມື່ອຕ້ອງອອກກຳລັງກາຍຍາມຝົນ!

Soukanya InsideLaos - 0
ຊ່ວງໜ້າຝົນແບບນີ້ ຄົນທີ່ມັກອອກກຳລັງກາຍກາງແຈ້ງເປັນປະຈຳ ອາດຈະປ່ຽນເປັນການອອກກຳລັງກາຍໃນຮົ່ມແທນ ແຕ່ບາງຄົນຍັງມັກອອກກຳລັງກາຍກາງແຈ້ງຫຼາຍກວ່າ ເຊິ່ງອາດຈະໃຊ້ວິທີເລື່ອນເວລາໄປໃນຕອນທີ່ຝົນເຊົາຕົກ ຫຼື ຕອນທີ່ຝົນຕົກຄ່ອຍໆ ແຕ່ຊ່ວງເວລາດັ່ງກ່າວ ກໍຍັງມີສິ່ງທີ່ຄວນລະວັງໃນການອອກກຳລັງກາຍ ທີ່ຕ່າງໄປຈາກສະພາບປົກກະຕິ.

ຫົວຜັກບົ່ວໃຫຍ່ ປົວໄດ້ຫຼາຍໂຣກ

Soukanya InsideLaos - 0
ການກິນຫົວຜັກບົ່ວໃຫຍ່ ສາມາດປ້ອງກັນການຈະເລີນເຕີບໃຫຍ່ຂອງຈຸລັງມະເຮັງໄດ້ ເພາະມັນມີສານຕ້ານອະນຸມູນອິດສະຫຼະ, ສາມາດຊ່ວຍແກ້ການນອນບໍ່ຫຼັບໄດ້, ຊ່ວຍເຮັດໃຫ້ຈະເລີນອາຫານ, ຊ່ວຍບຳລຸງທາດໃນຮ່າງກາຍ,​ຊ່ວຍກຳຈັດສານກົ່ວ ທີ່ປົນເປື້ອນມາກັບອາຫານ, ຊ່ວຍປ້ອງກັນການເກີດໂຣກຫົວໃຈ,​ ຫຼຸດຄວາມສ່ຽງຂອງອຳມະພາດ, ຊ່ວຍປົວໂຣກໄຂມັນຕີບຕັນໃນເສັ້ນເລືອດ, ຊ່ວຍໃນການຂະຫຍາຍຫຼອດເລືອດ, ຊ່ວຍເຮັດໃຫ້ເລືອດບໍ່ໄປຕີບຕັນໃນຫຼອດເລືອດ, ຊ່ວຍໃນການສະຫຼາຍເລືອດຊຳ້.

ຈົບມໍປາຍ ຈະຮຽນຕໍ່ສາຍໃດດີ?

Soukanya InsideLaos - 0
ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.