ໃນຍຸກປັດຈຸບັນ ການຊື້-ຂາຍ ທາງອອນລາຍ ກາຍເປັນເລື່ອງງ່າຍ ແລະ ສະດວກ, ແຕ່ມິດສາຊີບກໍໃຊ້ຊ່ອງທາງນີ້ເພື່ອຕົວະຍົວະຜູ້ບໍລິໂພກຢູ່ສະເໝີ ເຊິ່ງໜຶ່ງໃນເລ່ກົນທີ່ເຮົາມັກພົບເຫັນນັ້ນ ແມ່ນການສ້າງເພຈເຟສບຸກປອມຂຶ້ນມາ ເພື່ອຕົວະຂາຍສິນຄ້າ ໂດຍສ່ວນໃຫຍ່ເຮົາສາມາດຕັ້ງຂໍ້ສັງເກດໄດ້ດັ່ງນີ້:
- ເພຈຫາກໍ່ສ້າງຂຶ້ນມາໃໝ່.
- ຂໍ້ມູນໃນເພຈ ກັບທີ່ໄດ້ລົມກັນ ຢູ່ຄົນລະບ່ອນ.
- ປິດຂໍ້ຄວາມທີ່ມີຄົນຄອມເມັ້ນ ຫຼື mention ເພຈ ເກືອບໝົດ.
- ຊ່ອງທາງການຕິດຕໍ່ມີໜ້ອຍ ແລະ ມັກຈະບໍ່ໃຫ້ເບີຕິດຕໍ່ ເພື່ອລົມກັບພະນັກງານຂາຍ.
- ຂາຍສິນຄ້າລາຄາຖືກເກີນຈິງ.
- ຣີວິວສິນຄ້າເບິ່ງບໍ່ໜ້າເຊື່ອຖື ໃຊ້ພາສາທີ່ແປຈາກອິນເຕີເນັດ ຫຼື ໃຊ້ພາສາແບບຜິດທຳມະຊາດ.
- ພະຍາຍາມຍົວະໃຫ້ຊື້ສິນຄ້າ ແລະ ເລັ່ງໃຫ້ໂອນເງິນ ໂດຍອ້າງວ່າສິນຄ້າມີຈຳນວນຈຳກັດ.
- ບໍ່ໃຫ້ໃຊ້ບໍລິການເກັບເງິນປາຍທາງ ຫຼື ບໍ່ໃຫ້ເປີດເບິ່ງສິນຄ້າກ່ອນເປີດກ່ອງ.
ສະນັ້ນ, ຜູ້ທີ່ຈະຊື້ຄວນຄຳນຶງວ່າ ການຊື້ສິນຄ້າອອນລາຍມີຄວາມສ່ຽງ ຈຶ່ງຄວນສຶກສາຂໍ້ມູນກ່ອນຊື້ ແລະ ຄວນເລືອກຊື້ສິນຄ້າຈາກຮ້ານຄ້າທີ່ ໜ້າເຊື່ອຖື, ນອກຈາກນັ້ນ ຍັງມີຂໍ້ຄວນລະວັງອື່ນໆ ທີ່ຄວນມີສະຕິທຸກຄັ້ງກ່ອນທີ່ຈະຕັດສິນໃຈຊື້ສິນຄ້າອອນລາຍຄື:
- ບໍ່ຄວນຄລິກລິ້ງທີ່ບໍ່ຮູ້ຈັກ.
- ບໍ່ຄວນໃຫ້ຂໍ້ມູນສ່ວນໂຕກັບບຸກຄົນອື່ນ.
- ບໍ່ຄວນໂອນເງິນກ່ອນໄດ້ຮັບສິນຄ້າ.
- ຄວນເລືອກຊື້ຈາກຮ້ານຄ້າທີ່ມີຢູ່ຈິງ ຫຼື ມີການກວດສອບທີ່ຕັ້ງ ແລະ ສະຖານທີ່ປະກອບການກ່ອນຊື້.
ຖ້າຫາກສົງໄສວ່າ ຮ້ານຄ້າອອນລາຍເປັນມິດສາຊີບ ຄວນເຕືອນໂຕເອງຢູ່ສະເໝີວ່າ ເງິນ 1000 ກີບ ກໍ-ໍ່ຄວນສ່ຽງໂອນໃຫ້.
#ຮ່ວມກັນປ້ອງກັນການຫຼອກລວງທາງອອນລາຍເພື່ອສັງຄົມອອນລາຍທີ່ປອດໄພ