ຮູບເງົາ “ບໍ່ເຄີຍລືມ” ເປັນຮູບເງົາທີ່ ສົ່ງເສີມການທ່ອງທ່ຽວ, ວັດທະນະທຳ ແລະ ຮີດຄອງປະເພນີ ຂອງລາວເຮົາ ໂດຍ ສະເພາະ ແມ່ນການນຳສະເໜີແຫຼ່ງທ່ອງທ່ຽວຕ່າງໆ ຢູ່ທີ່ ເມືອງ ວັງວຽງ ແລະ ນະຄອນຫຼວງວຽງຈັນ, ປັດຈຸບັນໄດ້ປ່ອຍເພງປະກອບຮູບເງົາອອກມາແລ້ວ ໂດຍໄດ້ ໜຸ່ມເທ້ຈຳປາສັກ ເປັນຜູ້ຮ້ອງເພງດັ່ງກ່າວ ບອກເລີຍວ່າຖ້າໃຜໄດ້ຟັງບົດເພງນີ້ກໍຈະອິນໄປກັບເພງນຳເລີຍລະ! ເພາະເປັນບົດເພງທີ່ຊຶ້ງໆ ສາມາດເຮັດໃຫ້ເຮົາຄິດຮອດອະດີດໄດ້.
ທ່ານ ຄອນໄຊ ຜູ້ຂຽນບົດ ແລະ ກຳກັບຮູບເງົາ “ບໍ່ເຄີຍລືມ” ບອກວ່າ: ໃນເດືອນມີນາ 2024 ຈະໄດ້ປ່ອຍຕົວຢ່າງຂອງຮູບເງົາອອກມາ ແລະ ຄາດວ່າ ເດືອນ ພຶດສະພາ 2024 ນີ້ ຈະໄດ້ຮັບຊົມຮູບເງົາພ້ອມໆກັນ ຂອງໃຫ້ທຸກທ່ານລໍຖ້າຮັບຊົມກັນເດີ້.