ໝາກໂມ ເປັນໝາກໄມ້ທີ່ມີ ແຄລໍຣີຕຳ່, ອຸດົມໄປດ້ວຍວິຕາມິນ C ແລະ A ໃນປະລິມານທີ່ຮ່າງກາຍຕ້ອງການ. ນອກຈາກຈະຊ່ວຍບັນເທົາອາການຂາດນຳ້ ແລະຜ່ອນຄາຍຄວາມຮ້ອນແລ້ວ ບັນດາຜົນງານວິໄຈຫຼາຍໆຄັ້ງ ຍັງຄົ້ນພົບຄຸນປະໂຫຍດເພີ່ມ ອີກ 4 ຢ່າງ ຂອງໝາກໂມ ຄື:
– ມີສານໄລໂຄປິນ: ເຊິ່ງເປັນສານທີ່ສຸດຍອດ ຂອງການຕ້ານອະນຸມູນ ອິດສະຫຼະ ຫຼາຍກວ່າໝາກເຫຼ່ນ 1,5 ເທົ່າ ຈຶ່ງຊ່ວຍຢຸດຢັ້ງຮ່ອງຮອຍແກ່ກ່ອນໄວ.
– ການດື່ມນໍ້າໝາກໂມ: ຈະຊ່ວຍບັນເທົາອາການປວດກ້າມຊີ້ນ ເຊິ່ງນັກກິລາຫຼາຍຄົນກໍອອກມາເຫັນດີນຳວ່າ ມີຄຸນປະໂຫຍດ. ໝາກໄມ້ທີ່ມີສີແດງສົດຊະນິດນີ້ ມີສານທີ່ຊື່ວ່າ ໄຊທຣູລີນ ທີ່ຊ່ວຍກະຕຸ້ນການໄຫຼວຽນຂອງເລືອດ ແລະຫຼຸດຄວາມດັນເລືອດອີກດ້ວຍ.
– ໝາກໂມເປັນທັງພືດ ແລະ ໝາກໄມ້: ມັນເຕີບໃຫຍ່ຂຶ້ນມາດ້ວຍແກ່ນ ທັງເປັນຊະນິດດຽວກັນກັບ ແຄນຕາລຸບ; ແກ່ນຂອງມັນສາມາດກິນໄດ້ ແລະກໍມີຄຸນປະໂຫຍດອີກດ້ວຍ.
– ນຳ້ໝາກໂມທີ່ຫວານໆ ຊ່ວຍເຕີມນຳ້ໃຫ້ກັບຮ່າງກາຍໄດ້ເປັນຢ່າງດີ: ເພາະວ່າ ສ່ວນປະກອບຂອງໝາກໂມ ເປັນນຳ້ຫຼາຍເຖິງ 91,5%.
