ອາການ “ຫາຍໃຈບໍ່ອີ່ມ ຫຼື ຫາຍໃຈບໍ່ສະດວກ” ເປັນອີກອາການໜຶ່ງທີ່ເປັນສັນຍານເຕືອນໃຫ້ຮູ້ວ່າ ເຮົາອາດເປັນໂຣກຕ່າງໆ ໄດ້ ເຊິ່ງໂຣກພະຍາດທີ່ອາດຈະເກີດຂຶ້ນເມື່ອເກີດອາການ ແຫາຍໃຈບໍ່ອີ່ມ ມີດັ່ງນີ້:
- ພະຍາດຫົວໃຈຂາດເລືອດ
ເມື່ອເສັ້ນເລືອດທີ່ມາລ້ຽງຫົວໃຈອຸດຕັນຂື້ນມາ ກໍຈະສົ່ງຜົນເຮັດໃຫ້ຫົວໃຈຂາດເລືອດ ກໍຈະມີອາການເຈັບໜ້າເອິກແບບກະທັນຫັນ, ຫາຍໃຈບໍ່ອີ່ມ ຫຼື ຫາຍໃຈຫອບ
ໝໍແນະນຳ: ຖ້າທ່ານມີອາການເຈັບໜ້າເອິກແບບກະທັນຫັນ ໃຫ້ຮີບໄປພົບແພດໂດຍດ່ວນ
2. ພະຍາດເບົາຫວານ
ຍ້ອນວ່າຮ່າງກາຍບໍ່ສາມາດນຳນ້ຳຕານໄປສະຫຼາຍໃຫ້ກາຍເປັນພະລັງງານໄດ້ ສະນັ້ນ; ຮ່າງກາຍຈື່ງໄປສະຫຼາຍພວກໄຂມັນແທນ ຈື່ງສົ່ງຜົນເຮັດໃຫ້ຮ່າງກາຍຂາດພະລັງງານ ກໍ່ຈະມີອາການຕາມມາ ຄື: ເມື່ອຍງ່າຍ ແລະ ຫາຍໃຈຫອບ
3. ພະຍາດປອດຕິດເຊື້ອ
ບໍ່ວ່າຈະເຮັດເຊື້ອໄວຣັສ ຫຼື ແບັກທີເຣຍຕ່າງໆ ເມື່ອມັນລົງໄປໃນປອດແລ້ວ ກໍ່ຈະເກີດການອັກເສບຂື້ນມາ ຈື່ງສົ່ງຜົນເຮັດໃຫ້ມີອາການຫາຍໃຈຫອບ ຫຼື ຫາຍໃຈບໍ່ອີ່ມ
(ສັງເກດອາການໄດ້: ໄຂ້, ໄອ, ຫາຍໃຈຫອບ ຖ້າທ່ານມີ 3 ອາການນີ້ສະແດງວ່າປອດອາດຕິດເຊື້ອແລ້ວ)
4. ພະຍາດເລືອດຈາງ
ເມັດເລືອດແດງໃນຮ່າງກາຍເຮົາ ມີໜ້າທີ່ໃນການສົ່ງອົກຊີເຈນໄປໃນເນື້ອເຫຍື່ອຕ່າງໆ ແລະ cell ຕ່າງໆໃນຮ່າງກາຍຂອງເຮົາ ເມື່ອເຮົາມີພາວະເລືອດຈາງຂື້ນມາ ຈະເຮັດໃຫ້ເມັດເລືອດແດງຫຼຸດລົງ ເຮັດໃຫ້ຮ່າງກາຍຂາດອົກຊີເຈນ
(ກໍຈະມີອາການຕາມມາ ເຊັ່ນ: ຫາຍໃຈບໍ່ອີ່ມ, ເມື່ອຍງ່າຍ, ຕາ ມື ປາກມີສີຈືດຈາງ)
5. ພະຍາດໄທລອຍແບບເປັນພິດ
ຕ່ອມໄທລອຍຂອງເຮົາມີໜ້າທີ່ໃນການສ້າງຮໍໂມນໄທລອຍເພື່ອໃຫ້ຮ່າງກາຍເຮັດວຽກໄດ້ຢ່າງເຕັມປະສິດທິພາບ ເມື່ອຕ່ອມໄທລອຍຜະລິດຮໍໂມນໄທລອຍອອກມາຜິດປົກກະຕິ ກໍ່ຈະສົ່ງຜົນໃຫ້ມີອາການ ເຊັ່ນ: ຫາຍໃຈຫອບ, ເຫື່ອອອກ, ມື ຕີນສັ່ນ, ຫົວໃຈສັ່ນ ແລະ ເມື່ອຍງ່າຍເປັນຕົ້ນ
6. ໂຣກຫອບຫືດ
ເປັນໂລກທີ່ເກີດມາຈາກການອັກເສບຊຳເຮື້ອຂອງຫຼອດລົມ ຈະສົ່ງຜົນເຮັດໃຫ້ຫາຍໃຈບໍ່ອີ່ມຫຼື ຫາຍຫອບ
ໂດຍ: ໝໍຊາ