ບຸນປີໃໝ່ລາວ ແມ່ນອີກບຸນໜຶ່ງທີ່ມ່ວນຊື່ນທີ່ທຸກຄົນຈະໄປສົງພຣະ ຫຼິ້ນນໍ້າ ແຕ່ມັນກໍເຕັມໄປດ້ວຍພະຍາດຮ້າຍແຮງຕ່າງໆທີ່ອາດຈະເກີດຂຶ້ນໃນຊ່ວງນັ້ນ ເພາະວ່າເປັນລະດູຝົນອາກາດຈະຮ້ອນ ແລະ ຈຳນວນເຊື້ອພະຍາດສາມາດເພີ່ມຂຶ້ນໄດ້ງ່າຍ ພ້ອມທັງຄວາມຊຸ່ມຊື່ນຈາກກິດຈະກຳຫຼິ້ນນໍ້າໃນບຸນປີໃໝ່ລາວ, ເຊິ່ງເຮົາໄດ້ລວມເອົາ 5 ໂຣກທີ່ເຈົ້າຕ້ອງລະວັງມາໃຫ້ເບິ່ງນໍາກັນ.
- ຕັບອັກເສບເອ.
ມັນເກີດມາຈາກການຕິດເຊື້ອໄວຣັດທີ່ຕິດຕໍ່ຜ່ານນໍ້າລາຍ, ໃນໄລຍະບຸນຫົດນ້ຳພຶດຕິກຳທີ່ສ່ຽງອາດຈະເກີດຂຶ້ນເຊັ່ນ ການແບ່ງປັນຈອກດື່ມ ຫຼື ແບ່ງປັນບ່ວງໃນການກິນອາຫານ.
- ຕາແດງ, ຕາອັກເສບ.
ການຕິດເຊື້ອໄວຣັສທາງເດີນຫາຍໃຈແມ່ນການຕິດເຊື້ອທາງອາກາດ ຖ້າເປັນການຕິດເຊື້ອທີ່ດວງຕາຈາກນ້ໍາເປື້ອນຈະເປັນໂຣກຕາອັກເສບ ເຊິ່ງເກີດຈາກເຊື້ອແບັກທີເລຍ ດວງຕາຈະໜອງບວມ ແລະ ອັກເສບ.
- ເຊື້ອຣາ.
ໂຣກນີ້ອາດຈະເກີດຢູ່ບ່ອນຊອກຈຸດຕ່າງໆຂອງຮ່າງກາຍ ຫຼື ຕາມຊອກນິ້ວມື, ຕີນ, ຂໍ້ພັບ ແລະ ບໍລິເວນອື່ນໆ ຈຳເປັນຕ້ອງລະວັງຫຼາຍໃນຊ່ວງທີ່ມີການຫຼິ້ນນໍ້າແບບນີ້.
- ຖອກທ້ອງ.
ອາການນີ້ເກີດຈາກການຕິດເຊື້ອແບັກທີເລຍ ເຊື້ອໄວຣັສທີ່ປົນເປື້ອນອາຫານ ລະກງດູຝົນແມ່ນລະດູທີ່ອາກາດຮ້ອນ ເຊື້ອພະຍາດແຜ່ຂະຫຍາຍໄດ້ງ່າຍ ເຮັດໃຫ້ເກີດຄວາມສ່ຽງສູງທີ່ຈະເກີດອາການນີ້.
- ໄຂ້ຫວັດ ປອດອັກເສບ.
ເປັນອາການທີ່ເກີດຈາກການຕິດເຊື້ອທາງລະບົບທາງເດີນຫາຍໃຈ ເຊິ່ງການຫຼີ້ນນ້ໍາເຮັດໃຫ້ອຸນຫະພູມໃນຮ່າງກາຍຫຼຸດຕໍ່າລົງ.