*ຟຣີ eSIM ສຳລັບຜູ້ໂດຍສານສາກົນຕະຫຼອດຊ່ວງເທສະການນີ້
(ນະຄອນຫຼວງວຽງຈັນ, ວັນທີ 3 ທັນວາ 2025) – ສາຍການບິນ Vietjet ໄດ້ສະເຫຼີມສະຫຼອງການກັບມາຂອງຖ້ຽວບິນໂດຍກົງຈາກ ຮ່າໂນ້ຍ ແລະ ນະຄອນໂຮ່ຈີມິນ ໄປຍັງ ກ່ອນເດົາ (Con Dao), ເຊິ່ງເປັນສະຖານທີ່ຫາດຊາຍທະເລຂອງຫວຽດນາມທີ່ກຳລັງດຶງດູດຄວາມສົນໃຈເພີ່ມຂຶ້ນ, ດ້ວຍໂປຣໂມຊັນພິເສດ 3 ວັນ ທີ່ໃຫ້ປີ້ຍົນໃນລາຄາ LAK 0 (ບໍ່ລວມອາກອນ ແລະ ຄ່າທໍານຽມ).
ໂປຣໂມຊັນນີ້ແມ່ນສາມາດຊື້ໄດ້ຕັ້ງແຕ່ຕອນນີ້ຈົນຮອດວັນທີ 4 ທັນວາ 2025 ຢູ່ທີ່ www.vietjetair.com ແລະ ແອັບມືຖື “Vietjet Air”, ສຳລັບການເດີນທາງລະຫວ່າງວັນທີ 4 ທັນວາ 2025 ແລະ ວັນທີ 28 ມີນາ 2026 (ຍົກເວັ້ນຊ່ວງເວລາທີ່ມີຜູ້ເດີນທາງສູງສຸດ). ນີ້ເຮັດໃຫ້ຄົນລາວມີເຫດຜົນເພີ່ມເຕີມທີ່ຈະເດີນທາງໄປ ກ່ອນເດົາ ເພີ່ມເຂົ້າໃນແຜນການເດີນທາງໃນອາຊີຕາເວັນອອກສ່ຽງໃຕ້ໃນລະດູໜາວນີ້, ເນື່ອງຈາກ Vietjet ມີຖ້ຽວບິນປະຈຳວັນຈາກວຽງຈັນໄປທັງ ຮ່າໂນ້ຍ ແລະ ນະຄອນໂຮ່ຈີມິນ.
ນອກຈາກນັ້ນ, ສາຍການບິນ Vietjet ຍັງຍິນດີທີ່ຈະເຮັດໃຫ້ການເດີນທາງຂອງທ່ານສະດວກສະບາຍ ແລະ ເຊື່ອມຕໍ່ໄດ້ຫຼາຍຂຶ້ນ ດ້ວຍການມອບ eSIM ຂອງ SkyFi ຟຣີ ໃຫ້ແກ່ຜູ້ໂດຍສານສາກົນ. ຕັ້ງແຕ່ຕອນນີ້ຈົນຮອດວັນທີ 31 ທັນວາ 2025 (ຂໍ້ສະເໜີມີຜົນໃຊ້ໄດ້ໃນຂະນະທີ່ສິນຄ້າຍັງມີ), ນັກທ່ອງທ່ຽວສາມາດຈອງຖ້ຽວບິນສາກົນໃດໆໄປຫວຽດນາມໄດ້ທີ່ www.vietjetair.com ຫຼື ແອັບມືຖື Vietjet Air ແລະ ຮັບ SkyFi eSIM ຟຣີ ທີ່ບັນຈຸຂໍ້ມູນຄວາມໄວສູງ 500MB ສໍາລັບການໃຊ້ງານໃນຫວຽດນາມ, ໃຊ້ໄດ້ເປັນເວລາ 31 ມື້ (ເງື່ອນໄຂ ແລະ ຂໍ້ກຳນົດນຳໃຊ້). ພຽງແຕ່ເລືອກເອົາ eSIM ຟຣີໃນຂັ້ນຕອນການເພີ່ມບໍລິການ – eSIM ຂອງທ່ານຈະຖືກສົ່ງໂດຍກົງຫາອີເມວຂອງທ່ານ ແລະ ສາມາດເປີດໃຊ້ງານໄດ້ທັນທີພຽງແຕ່ສະແກນເທົ່ານັ້ນ.
ເກາະກ່ອນເດົາ ຕັ້ງຢູ່ທາງຕອນໃຕ້ຂອງຫວຽດນາມ, ຍັງຄົງມີຄວາມແອອັດໜ້ອຍກວ່າ ຟູກວກ (Phu Quoc), ເຊິ່ງເປັນເກາະທີ່ໃຫຍ່ທີ່ສຸດຂອງຫວຽດນາມ, ເຮັດໃຫ້ມັນເປັນເພັດທີ່ເຊື່ອງໄວ້ສຳລັບນັກທ່ອງທ່ຽວທີ່ຊອກຫາຄວາມສະຫງົບ, ຫາດຊາຍທີ່ບໍລິສຸດ, ແລະ ບັນຍາກາດເກາະແບບດັ້ງເດີມທີ່ຫ່າງໄກຈາກຝູງຊົນນັກທ່ອງທ່ຽວທົ່ວໄປ. ໝູ່ເກາະແຫ່ງນີ້ແມ່ນມີຊື່ສຽງໃນເລື່ອງນ້ຳທະເລໃສຄືແກ້ວ ແລະ ຫາດຊາຍທີ່ໂດດດ່ຽວ, ປ່າເຂດຮ້ອນທີ່ອຸດົມສົມບູນ ແລະ ພື້ນທີ່ທະເລປ້ອງກັນ, ວິຖີຊີວິດແບບຊ້າໆ ແລະ ສະບາຍໆ, ແລະ ສະຖານທີ່ສຳຄັນທາງປະຫວັດສາດທີ່ສະຫງ່າງາມ ເຊິ່ງໄດ້ເນັ້ນໃຫ້ເຫັນເຖິງພາກສ່ວນທີ່ສຳຄັນຂອງອະດີດຂອງຫວຽດນາມ, ສະເໜີໃຫ້ມີຄວາມເຂົ້າໃຈດ້ານວັດທະນະທຳທີ່ມີຄວາມໝາຍຄວບຄູ່ໄປກັບຄວາມງາມທຳມະຊາດທີ່ພິເສດ. ເຊີ່ງ ຮ່າໂນ້ຍ ແລະ ນະຄອນໂຮ່ຈີມິນ ເປັນປະຕູສູ່ສາກົນທີ່ໃຫຍ່ທີ່ສຸດຂອງຫວຽດນາມ, ນັກທ່ອງທ່ຽວຈາກທົ່ວໂລກສາມາດເດີນທາງໄປ ກ່ອນເດົາ ໄດ້ຢ່າງງ່າຍດາຍ, ພ້ອມທັງເປົ້າໝາຍປາຍທາງອື່ນໆໃນທົ່ວປະເທດ, ຜ່ານເຄືອຂ່າຍທີ່ກວ້າງຂວາງຂອງ ສາຍການບິນ Vietjet.