1.ບໍ່ມີເງິນ..
ບໍ່ມີເງີນ ບໍ່ແມ່ນປະໂຫຍກຄຳຖາມ ເພາະສະນັ້ນ ເຈົ້າບໍ່ມີວັນແລ່ນຫາຄຳຕອບໄດ້ດອກ…ສິ່ງທີ່ເຈົ້າຄວນຈະຖາມຕົວເອງຄື “ເຮົາຈະຫາເງີນຈາກຊ່ອງທາງໃດໄດ້?”
2.ບໍ່ມີເວລາ..
ບໍ່ມີໃຜສົນໃຈດອກ ວ່າເຈົ້າຈະໃຊ້ເວລາໄປກັບເລື່ອງຫຍັງ ຄົນອື່ນເບີ່ງແຕ່ຜົນລັບຂອງເຈົ້າເທົ່ານັ້ນ…ຖ້າເຈົ້າບໍລິຫານເວລາໄດ້ບໍ່ດີພໍ ຜົນລັບຊີວິດຂອງເຈົ້າມັນກໍຕອບດ້ວຍຕົວຂອງມັນເອງຢູ່ແລ້ວ
3.ເຮັດບໍ່ເປັນ..
ທຸກຄົນມີເທື່ອທໍາອິດກັນທັງນັ້ນ ເຮັດບໍ່ເປັນ ບໍ່ໄດ້ແປວ່າ ເຮັດບໍ່ໄດ້…ຖ້າຢາກເຫັນຄວາມສາມາດຂອງຕົວເອງຢ່າງທີ່ບໍ່ເຄີຍເຫັນມາກ່ອນ ກໍລອງຕັ້ງຄຳຖາມເບິ່ງວ່າ “ຕ້ອງເຮັດຢ່າງໃດ?”
4.ບໍ່ໄດ້ຮຽນມາທາງນີ້..
ຄວາມຮູ້ ບໍ່ໄດ້ສີ້ນສຸດແຕ່ໃນຮົ້ວມະຫາໄລ ໃບປະລິນຍາບໍ່ໄດ້ກາຣັນຕີອະນາຄົດ ຖ້າເຈົ້າເລືອກທີ່ຈະຢຸດຮຽນ ກໍຫ້າມຈົ່ມເຖິງເລື່ອງຄວາມກ້າວໜ້າ ເພາະມັນຈະບໍ່ມີມື້ເກີດຂຶ້ນ
5.ຍັງບໍ່ພ້ອມ..
ສ່ວນໃຫຍ່ຂອງຄົນເວົ້າແບບນີ້ຄື “ຂີ້ຄ້ານເຮັດ” ສີ່ງທີ່ບໍ່ພ້ອມ ຖ້າລໍຖ້າຈົນພ້ອມຄົງບໍ່ຕ້ອງເຮັດ ຄົນປະສົບຄວາມສຳເລັດເມື່ອເຫັນໂອກາດ ມັກເລີ່ມເຮັດມັນດ້ວຍຄວາມບໍ່ພ້ອມ
ບໍ່ມີເສດຖີຄົນໃດລ້ຳລວຍຈາກການ “ປະຢັດລາຍຈ່າຍ”
ແຕ່ເຂົາລວຍຈາກການ “ສ້າງລາຍໄດ້”
ບໍ່ມີເສດຖີຄົນໃດລ້ຳລວຍຈາກການ “ເຮັດວຽກງ່າຍ”
ແຕ່ເຂົາລວຍຈາກການ “ເຮັດວຽກຍາກ”
ບໍ່ມີເສດຖີຄົນໃດລ້ຳລວຍຈາກການ “ເຮັດວຽກໜັກ”
ແຕ່ເຂົາລວຍຈາກການ “ເຮັດວຽກສະຫຼາດ”
ບໍ່ມີເສດຖີຄົນໃດລ້ຳລວຍຈາກການ “ຄິດຫຼາຍ”
ແຕ່ເຂົາລວຍຈາກການ “ຄິດເປັນ”
ບໍ່ມີເສດຖີຄົນໃດລ້ຳລວຍຈາກການ “ຂາຍແຮງງານ”
ແຕ່ເຂົາລວຍຈາກການ “ຂາຍໄອເດຍ”
ບໍ່ມີເສດຖີຄົນໃດລ້ຳລວຍຈາກການ “ປະຕິເສດໂອກາດ”
ແຕ່ເຂົາລວຍຈາກການ “ຊອກຫາໂອກາດ”…
ແຫຼ່ງຂໍ້ມູນ: ຄວາມຮູ້ນອກໂຮງຮຽນ