ການປະກວດ ເປັນງານທີ່ຕ້ອງໄດ້ຄວາມສາມາດ ຂອງບຸກຄົນທີ່ເຂົ້າປະກວດ ບໍ່ວ່າຈະເປັນ ດ້ານການສະແດງອອກ, ຄວາມສາມາດສະເພາະຕົວ ນອກຈາກນີ້ ການກຽມຄວາມພ້ອມໃຫ້ມີສຸຂະພາບດີ ຖືວ່າເປັນສິ່ງສຳຄັນສຳລັບ ຜູ້ເຂົ້າປະກວດ MISTER GOBAL LAOS .
ທ້າວ ອານຸສອນ ໄຊຍະລາດ (ຕ່າຍ), 20 ປີ ສຶກສາຢູ່ທີ່ ຄະນະເສດຖະສາດ ແລະ ບໍລິຫານທຸລະກິດ, ສາຂາກວດສອບ ປີ 2, ມະຫາວິທະຍາໄລແຫ່ງຊາດ ກ່າວວ່າ: ການເຂົ້າປະກວດ MISTER GOBAL LAOS 2022 ຖືວ່າເປັນຄັ້ງທຳອິດຂອງເຂົາ ແລະ ເຮັດໃຫ້ໄດ້ຮູ້ເຖິງ ການເຂົ້າສັງຄົມ ບໍ່ວ່າຈະເປັນການປາກເວົ້າ, ການສະແດງກິລິຍາມາລະຍາດ, ອີກຢ່າງກໍເຮັດໃຫ້ມີຄົນຮູ້ຈັກຫຼາຍຂຶ້ນ ໃນນາມທີ່ເປັນຜູ້ຊາຍຄົນໜຶ່ງ ເວົ້າໄດ້ເລີຍວ່າ ນີ້ເປັນປະສົບການທຳອິດທີ່ລ້ຳຄ່າທີ່ສຸດ.
ສິ່ງທີ່ຕ້ອງມີ ຫຼື ຕ້ອງເຮັດໃນການປະກວດ ແມ່ນຕ້ອງເບິ່ງແຍງສຸຂະພາບຕົນເອງ ເປັນອັນດັບທຳອິດ, ກຽມຮ່າງກາຍໃຫ້ພ້ອມ, ເຝິກເວົ້າຈາ, ເຂົ້າຫາຜູ້ໃຫຍ່ ແລະ ອີກສິ່ງໜຶ່ງທີ່ສຳຄັນຫຼາຍ ກໍຄືຮອຍຍິ້ມ.
ການເຮັດກິດຈະກຳຕ່າງໆ ໃນກອງປະກວດ ເປັນອີ່ຫຍັງທີ່ໜ້າຕື່ນເຕັ້ນ ແລະ ທ້າທາຍຢູ່ສະເໝີ ເປັນຕົ້ນແມ່ນການສ້າງຮອຍຍິ້ມໃຫ້ກັບໝູ່ເພື່ອນ, ສ້າງຄວາມມີຊີວິດຊີວາໃຫ້ບຸກຄົນທີ່ເຂົ້າປະກວດ ແລະ ຜູ້ຊົມໄດ້ປະທັບໃຈ.
ຖ້າຖາມວ່າຄາດຫວັງບໍ່? ຕອນທຳອິດທີ່ເຂົ້າມາປະກວດ ກໍບໍ່ໄດ້ຄາດຫວັງ ເພາະເວທີນີ້ ເປັນເວທີທຳອິດ ເພື່ອການຫາປະສົບການໃນເບື້ອງຕົ້ນ, ຄວາມຢາກຮູ້, ຢາກລອງສິ່ງໃໝ່ໆ ແຕ່ພໍມາຮອດຈຸດນີ້ ທີ່ໄດ້ຜ່ານເຂົ້າ Top 12 ຄົນ ກໍເລີ່ມມີຄວາມຄາດຫວັງເລັກນ້ອຍ ເພາະການທີ່ໄດ້ຜ່ານເຂົ້າມາຮອດຮອບນີ້ ກໍຖືວ່າເປັນການທ້າທາຍໃນຄວາມສາມາດຂອງເຮົາ ເຮັດໃຫ້ຕ້ອງມີຄວາມກະຕືລືລົ້ນ ແລະເຝິກຊ້ອມຫຼາຍຂຶ້ນ.
ຖ້າອານະຄົດ ມີການປະກວດອີກຄັ້ງ ກໍຂໍຝາກນ້ອງໆ ທີ່ຈະເຂົ້າປະກວດ ຕ້ອງກຽມຄວາມພ້ອມ ບໍ່ວ່າຈະເປັນຮ່າງກາຍ ຫຼື ຈິດໃຈ ທີ່ສຳຄັນຕ້ອງກ້າສະແດງອອກ, ກ້າສູ້ກ້ອງ ແລະ ແບ່ງເວລາໃຫ້ເປັນລະຫວ່າງ ການຮຽນ ແລະ ການເຮັດກິດຈະກຳອື່ນໆ.
ທຸກຄົນສາມາດໂຫວດໄດ້ທາງ https://mistergloballaos.onelive.la/login