ການກິນຫົວຜັກບົ່ວໃຫຍ່ ສາມາດປ້ອງກັນການຈະເລີນເຕີບໃຫຍ່ຂອງຈຸລັງມະເຮັງໄດ້ ເພາະມັນມີສານຕ້ານອະນຸມູນອິດສະຫຼະ, ສາມາດຊ່ວຍແກ້ການນອນບໍ່ຫຼັບໄດ້, ຊ່ວຍເຮັດໃຫ້ຈະເລີນອາຫານ, ຊ່ວຍບຳລຸງທາດໃນຮ່າງກາຍ,ຊ່ວຍກຳຈັດສານກົ່ວ ທີ່ປົນເປື້ອນມາກັບອາຫານ, ຊ່ວຍປ້ອງກັນການເກີດໂຣກຫົວໃຈ, ຫຼຸດຄວາມສ່ຽງຂອງອຳມະພາດ, ຊ່ວຍປົວໂຣກໄຂມັນຕີບຕັນໃນເສັ້ນເລືອດ, ຊ່ວຍໃນການຂະຫຍາຍຫຼອດເລືອດ, ຊ່ວຍເຮັດໃຫ້ເລືອດບໍ່ໄປຕີບຕັນໃນຫຼອດເລືອດ, ຊ່ວຍໃນການສະຫຼາຍເລືອດຊຳ້.
ນອກຈາກນີ້ ມັນຍັງຊ່ວຍຫຼຸດຄວາມອ້ວນ, ຊ່ວຍຫຼຸດຄໍເລດສະເຕີຣອນ, ຫຼຸດໄຂມັນໃນເສັ້ນເລືອດ, ຊ່ວຍຫຼຸດຄວາມດັນເລືອດ, ແກ້ຄວາມດັນເລືອດສູງ, ຊ່ວຍຫຼຸດນຳ້ຕານໃນເລືອດ, ຊ່ວຍປົວໂຣກເບົາຫວານ, ຊ່ວຍປ້ອງກັນໂຣກກະດູກນູນ, ປົວໄຂ້ຫວັດ, ແກ້ຫວັດ ແລະຊ່ວຍຫຼຸດນຳ້ມູກ, ຊ່ວຍປົວໂຣກພູມແພ້, ຫອບຫືດ, ຊ່ວຍຂັບຂີ້ກະເທີ່, ແກ້ທ້ອງອືດ, ແໜ້ນທ້ອງ, ແກ້ຖອກທ້ອງ, ຊ່ວຍຂັບພະຍາດ, ຊ່ວຍໃນການຂັບປັດສາວະ, ຊ່ວຍແກ້ລົມພິດ, ຫຼຸດອາການປອດອັກເສບ, ຊ່ວຍຂ້າເຊື້ອໂຣກ ແລະຊ່ວຍປົວຜິວໜັງທີ່ຖືກນຳ້ຮ້ອນລວກ.
ຂໍ້ແນະນຳໃນການກິນຫົວຜັກບົ່ວໃຫຍ່:
- ເຖິງແມ່ນວ່າ ສັບພະຄຸນຂອງຫົວຜັກບົ່ວໃຫຍ່ຈະມີຫຼາຍ ແຕ່ເນື່ອງຈາກຫົວຜັກບົ່ວໃຫຍ່ເປັນສະໝຸນໄພ ທີ່ມີລິດອຸ່ນ ແລະມີຣົດເຜັດ, ການນຳມາໃຊ້ໃນແຕ່ລະບຸກຄົນ ຄວນຄຳນຶງເຖິງສະພາບຮ່າງກາຍ ແລະໂຣກຂອງຜູ້ປ່ວຍພ້ອມ ຊຶ່ງລິດດັ່ງກ່າວສາມາດຊ່ວຍຂັບຄວາມເຢັນ ເຮັດໃຫ້ຢາງແຜ່ໄປຍັງສ່ວນຕ່າງໆ, ຊ່ວຍກຳຈັດພິດ ແລະປັດໄຈທີ່ກະທົບຈາກພາຍນອກ ເນື່ອງຈາກຄວາມເຢັນໄດ້ດີ ແຕ່ບໍ່ມີລິດໃນການບຳລຸງຢາງໃນຮ່າງກາຍ ເມື່ອໃຊ້ໄປດົນອາດຈະເຮັດໃຫ້ຮ່າງກາຍເສຍພະລັງໄດ້ງ່າຍ ເຊັ່ນ ໃນກໍລະນີຜູ້ປ່ວຍຫອບຫືດທີ່ມີພະລັງອ່ອນແອຢູ່ແລ້ວ ແທນທີ່ຈະມີອາການຫອບຫືດດີຂຶ້ນ ແຕ່ຊຳ້ພັດເຮັດໃຫ້ອາການຫອບຫືດເກີດຂຶ້ນຫຼາຍກວ່າເກົ່າ. ດັ່ງນັ້ນ ຈຶ່ງຄວນຮູ້ເຖິງຂໍ້ດີ ແລະຂໍ້ເສຍເພື່ອນຳໄປປັບໃຊ້ໄດ້ຢ່າງເໝາະສົມ ຈຶ່ງຈະເກີດປະໂຫຍດຕໍ່ຮ່າງກາຍສູງທີ່ສຸດ.
- ການກິນຫົວຜັກບົ່ວໃຫຍ່ໃນປະລິມານຫຼາຍ ຫຼື ກິນຕິດຕໍ່ກັນດົນເກີນໄປ ອາດຈະທຳລາຍຈິດປະສາດ ເຮັດໃຫ້ລືມງ່າຍ, ຄວາມຈຳເສື່ອມ, ມີອາການຕາມົວ, ພະລັງ ແລະເລືອດຖືກທຳລາຍ ເຮັດໃຫ້ເສັ້ັ້ນເລືອດໄຫຼວຽນໄດ້ບໍ່ດີ, ເຮັດໃຫ້ໂຣກຕ່າງໆ ທີ່ເປັນຢູ່ນານເຊົາ ແລະຊຳເຮື້ອ ແລະຍັງໄປທຳລາຍສະມັດຖະພາບທາງເພດອີກ.
- ເມື່ອທ່ານມີອາການປວດຫົວ ເນື່ອງຈາກຄວາມຕຶງຄຽດ ຫຼື ຈາກການພັກຜ່ອນບໍ່ພຽງພໍ ມີຄຳແນະນຳວ່າ ບໍ່ຄວນຈະກິນຫົວຜັກບົ່ວໃຫຍ່.
- ຢ່າງໃດກໍຕາມ ບໍ່ຄວນກິນຫົວຜັກບົ່ວໃຫຍ່ສົດໃນຂະນະທີ່ທ້ອງວ່າງ ເພາະຈະອາດຈະເຮັດໃຫ້ເກີດອາການລະຄາຍເຄືອງ ແລະເຮັດໃຫ້ເປືອກໃນກະເພາະອາຫານເກີດການອັກເສບໄດ້.
- ສຳລັບຜູ້ທີ່ຖືກສັດມີພິດ ແລະມີແຂ້ວກັດ ບໍ່ຄວນກິນຫົວຜັກບົ່ວໃຫຍ່ ເພາະການກິນຫົວຜັກບົ່ວໃຫຍ່ຈະເຮັດໃຫ້ມີອາການຮຸນແຮງຂຶ້ນ ແລະເຮັດໃຫ້ພິດແພ່ກະຈາຍຢ່າງໄວວາ.
- ຫົວຜັກບົ່ວໃຫຍ່ເປັນນຶ່ງໃນອາຫານທີ່ມີກິ່ນແຮງ ແລະເຮັດໃຫ້ເກີດກິ່ນປາກ. ສະນັ້ນ ຜູ້ທີ່ມີກິ່ນໂຕແຮງຢູ່ແລ້ວ ການກິນຫົວຜັກບົ່ວໃຫຍ່ຫຼາຍເກີນໄປອາດເຮັດໃຫ້ມີກິ່ນໂຕແຮງຂຶ້ນກວ່າເກົ່າ.