ນັກວິໄຈ ໄດ້ເຕືອນຜູ້ທີ່ເຮັດວຽກເປັນກະ (ຊ່ວງເວລາເຮັດວຽກ) ໝູນວຽນໄປ ແບບບໍ່ຕາຍໂຕ ວ່າ ໃນໄລຍະເວລາຍາວ ອາດຈະເຮັດໃຫ້ຄວາມຈື່ຈຳ ແລະ ສະຕິປັນຍາເສື່ອມໂຊມລົງໄດ້.
ການເຮັດວຽກເປັນກະ ອາດຈະເຮັດໃຫ້ໂມງຊີວະພາບໃນໂຕເຮົາ ໄດ້ຮັບຄວາມກະທົບກະເທືອນແບບດຽວກັບ ອາການເມົາຈາກການເດີນທາງດ້ວຍຍົນ ເນື່ອງຈາກການປ່ຽນແປງເວລາກາງເວັນ ເປັນກາງຄືນ ຫຼື ກາງຄືນເປັນກາງເວັນຢ່າງໄວວາ.
ນັກວິທະຍາສາດ ຈາກ ມະຫາວິທະຍາໄລ ຕູລູສ ແລະສະວອນຊີ ໄດ້ສຶກສາຄົນທີ່ເຮັດວຽກຢູ່ໃນ ຝຣັ່ງ 3,000 ຄົນ ທີ່ເຮັດວຽກແບບບໍ່ມີການຄົງທີ່ ມາເປັນເວລາ 10 ປີ ໄດ້ພົບວ່າ ພວກເຂົາລ້ວນແລ້ວແຕ່ມີສະຕິປັນຍາເສື່ອມໄປຕາມໆກັນ ລວມທັງສະໝອງກໍແກ່ລົງໄປອີກ 6 ປີ ຊຶ່ງບໍ່ສາມາດຮັບຮູ້ແນ່ນອນວ່າ ການເຮັດວຽກເປັນກະ ຈະກະທົບກະເທືອນກັບການເຮັດວຽກຂອງສະໝອງ ໜັກໜາເທົ່າໃດ.
ແນວໃດກໍດີ ນັກວິໄຈກໍໄດ້ພົບເຊັ່ນກັນວ່າ ຖ້າຫາກຜູ້ທີ່ເຮັດວຽກເປັນກະ ປ່ຽນການເຮັດວຽກມາເປັນເວລາປົກກະຕິເມື່ອໃດ ສະຕິປັນຍາ ກໍອາດຈະກັບມາຄືນດີໃໝ່ໄດ້ ພຽງແຕ່ວ່າ ອາດກິນເວລາດົນຕັ້ງແຕ່ 5 ປີ ຈຶ່ງຈະເຫັນຜົນ.