ພໍ່ແມ່ ມັກຈະຮັກລູກແບບບໍ່ມີເງືອນໄຂ, ແຕ່ພໍ່ແມ່ຫຼາຍຄົນກໍມີວິທີການລ້ຽງລູກທີ່ແຕກຕ່າງກັນອອກໄປ ແລະ ຜົນຮັບທີ່ລູກໄດ້ຈາກພໍ່ແມ່ກໍຄື: ແນວຄິດ, ນິດໄສ ແລະ ວິຖີໃນການໃຊ້ຊີວິດບາງຢ່າງ ເຊິ່ງອາດໄດ້ອິດທິພົນມາຈາກຄອບຄົວ. ການທີ່ພໍ່ແມ່ຮັກລູກນັ້ນ ມັນເປັນສິ່ງທີ່ດີ, ແຕ່ຖ້າຮັກລູກຫຼາຍເກີນໄປ ບາງຄັ້ງອາດເປັນການທຳຮ້າຍລູກກໍໄດ້.
ລອງມາເບິ່ງນຳກັນວ່າ ພໍ່ແມ່ທີ່ໃຫ້ຄວາມຮັກທຳຮ້າຍລູກມີລັກສະນະແບບໃດ?
- ຮັກແບບບໍ່ຢາກໃຫ້ລູກລຳບາກ
ຢ້ານລູກລຳບາກ, ຢ້ານລູກເຈັບ, ຢ້ານລູກອົດ ກິນບໍ່ອີ່ມ ນຸ່ງບໍ່ອຸ່ນ.. ຮັກແບບນີ້ກໍເປັນສິ່ງທີ່ດີ ຖືວ່າເປັນການເບິ່ງແຍງລູກຕາມໜ້າທີ່ຂອງພໍ່ແມ່ ແຕ່ຖ້າມັນຫຼາຍເກີນໄປກໍຈະເຮັດໃຫ້ລູກນ້ອຍເຕີບໂຕມາໂດຍຂາດພູມຄຸ້ມກັນ, ເວລາພົບຄວາມລຳບາກຈະບໍ່ສາມາດຊ່ວຍເຫຼືອຕົນເອງໄດ້.
- ຮັກແບບກຳນົດເສັ້ນທາງໃຫ້ລູກ
ພໍ່ແມ່ມັກຈະໃຊ້ຄຳວ່າ ອາບນໍ້າຮ້ອນມາກ່ອນແລ້ວ ສະນັ້ນຈຶ່ງຮູ້ວ່າສິ່ງໃດດີ ສິ່ງໃດບໍ່ດີ ຈົນບາງຄັ້ງກໍມັກຫຼົງໄປວາງກົດເກນ ວາງເສັ້ນທາງໃຫ້ລູກ ແລະ ມັກຄິດວ່າ ນັ້ນເປັນສິ່ງທີ່ດີທີ່ສຸດແລ້ວທີ່ຕົນເອງເລືອກໃຫ້ລູກ ໂດຍບໍ່ຖາມ ບໍ່ສົນໃຈເລີຍວ່າ ລູກນັ້ນຄິດແນວໃດ ມັກຫຍັງ ແລະ ຢາກໃຊ້ຊີວິດແບບໃດ ຈະເຮັດໃຫ້ລູກຮູ້ສຶກກົດດັນ ບໍ່ຟັງຄວາມ ແລະ ກາຍເປັນຄົນຫົວດື້ໄດ້.
- ຮັກລູກແບບເຂັ້ມງວດເກີນໄປ
ມີກົດລະບຽບ ມີກົດເກນ ຕ້ອງເຮັດຕາມນີ້ ຕ້ອງເຮັດຕາມນັ້ນ ລູກຕ້ອງໃນສາຍຕາ ບໍ່ຍອມໃຫ້ລູກອອກໄປໃຊ້ຊີວິດ ບໍ່ຢາກໃຫ້ໄປຫຼິ້ນທ່ຽວກັບໝູ່ຄູ່ ຕ້ອງຮຽນ ຕ້ອງເຮັດຕາມພໍ່ແມ່ສັ່ງ ແບບນີ້ກໍສ່ຽງທີ່ສຸດທີ່ລູກຈະກາຍເປັນຄົນຂີ້ຕົວະ ແລະ ມັກລັກໄປທ່ຽວຫຼິ້ນໂດຍບໍ່ບອກພໍ່ແມ່ ຈົນບາງຄົນກໍໃຈແຕກເສຍຜູ້ເສຍຄົນ.
- ່ ຕ້ອງຮຽນ ຕ້ອງເຮັດຕາມພໍ່ແມ່ສັ່ວຮັກແບບປົກປ້ອງລູກຕະຫຼອດເວລາ
ພໍ່ແມ່ ບາງຄົນກໍມັກຈະສະແດງຄວາມຮັກດ້ວຍການປົກປ້ອງລູກຫຼາຍເກີນໄປໃນເວລາທີ່ມີບັນຫາກັບໃຜກໍຕາມ ເຂົ້າຂ້າງລູກຕົນວ່າບໍ່ຜິດ ແບບນີ້ບໍ່ເປັນຜົນດີເລີຍ ເພາະຈະເຮັດໃຫ້ເດັກນ້ອຍຊິນເຄີຍເມື່ອໄດ້ຮັບການເອົາໃຈຫຼາຍເກີນໄປ ເມື່ອເຕີບໃຫຍ່ມາເວລາເຮັດຜິດກໍມັກຈະບໍ່ຍອມຮັບ ອາດສົ່ງຜົນເຮັດໃຫ້ເຂົ້າກັບຄົນອື່ນໄດ້ຍາກ.
ຍັງມີອີກຫຼາຍແບບທີ່ພໍ່ແມ່ສະແດງຄວາມຮັກຕໍ່ລູກ, ແບບໃດກໍເປັນການດີ ພຽງຢ່າໃຫ້ມັນຫຼາຍເກີນໄປ ເພາະຖ້າຫຼາຍເກີນໄປ ກໍສ່ຽງເປັນການທຳຮ້າຍລູກໄດ້ໂດຍບໍ່ຮູ້ຕົວ.ພໍ່ພພກແອ