(ນະຄອນຫຼວງວຽງຈັນ, ວັນທີ 14 ສິງຫາ 2024) – VietJet ໄດ້ສືບຕໍ່ຍົກລະດັບປະສົບການຂອງລູກຄ້າຢ່າງຕໍ່ເນື່ອງດ້ວຍການເປີດຕົວໄກ້ນໍາທ່ຽວສະເໝືອນຈິງ “Joyful Elephant” (ຊ້າງທີ່ມີຄວາມສຸກ) ເພື່ອເປັນການສະແດງຕ້ອນຮັບຜູ້ໂດຍສານໃນຖ້ຽວບິນຂອງຕົນ ເຊິ່ງກົງກັບພິທີສະເຫຼີມສະຫຼອງ 200 ລ້ານຜູ້ໂດຍສານຂອງຕົນ.
ຜູ້ໂດຍສານໃນຖ້ຽວບິນ VietJet ນະຄອນຫຼວງວຽງຈັນໄປນະຄອນໂຮ່ຈິີມິນໄດ້ຊື່ນຊົມການສະແດງທີ່ມີຊີວິດຊີວາ ແລະ ຄວາມເບີກບານ.
ໃນທ້າຍອາທິດຜ່ານມາຂອງຖ້ຽວບິນຈາກນະຄອນຫຼວງວຽງຈັນ, ເມືອງຫຼວງແຫ່ງ “ແຜ່ນດິນລ້ານຊ້າງ” ໄປນະຄອນໂຮ່ຈິີມິນ. ບໍລິສັດ Vietjet ໄດ້ສ້າງສັນບັນຍາກາດຄວາມມ່ວນຊື່ນເພື່ອສະເຫຼີມສະຫຼອງວັນຊ້າງໂລກ (12 ສິງຫາ) ວັນຊ້າງໂລກແມ່ນເປັນການເຕືອນໃຈຄົນທົ່ວໂລກກ່ຽວກັບຄວາມສໍາຄັນຂອງການປົກປັກຮັກສາ ແລະ ອະນຸລັກຊ້າງ ຖ້ຽວບິນຂອງ Vietjet ໄດ້ເຮັດໃຫ້ວັນສຳຄັນນີ້ກາຍເປັນປະສົບການທີ່ມີຄວາມມ່ວນຊື່ນ ແລະ ມີຄວາມໝາຍສຳຄັນສຳລັບຜູ້ໂດຍສານ ໂດຍມອບການສະແດງທີ່ໜ້າຕື່ນເຕັ້ນ, ການວາງພວງດອກໄມ້ ແລະ ຂອງຂວັນສຸດພິເສດ ທີ່ຈະເຮັດໃຫ້ທຸກຄົນຮູ້ສຶກວ່າເປັນສ່ວນໜຶ່ງຂອງງານທີ່ແທ້ຈິງ.
ຫ້ອງໂດຍສານຂອງເຮືອບິນໄດ້ຖືກຕົບແຕ່ງຢ່າງເປັນເອກະລັກດ້ວຍຮູບແບບຂອງ “Joyful Elephant” ຢູ່ທົ່ວທຸກແຫ່ງຕັ້ງແຕ່ເຄື່ອງໃຊ້ໃນຫ້ອງອາຫານຈົນເຖິງບ່ອນນັ່ງ ການສໍາພັດທີ່ໃສ່ໃຈເຫຼົ່ານີ້ໄດ້ເພີ່ມບັນຍາກາດໃຫ້ເບີກບານມ່ວນຊື່ນ ແລະ ເປັນກັນເອງ ເຮັດໃຫ້ການເດີນທາງໄດ້ປະສົບການທີ່ມີຄວາມສຸກ.
ຜູ້ໂດຍສານໄວໜຸ່ມບາງຄົນຮູ້ສຶກດີໃຈທີ່ໄດ້ຮັບຕຸກກະຕາຊ້າງ ແລະ ສະແດງຄວາມຕື່ນເຕັ້ນຕໍ່ກັບເຄື່ອງຂອງຕົກແຕ່ງເປັນຮູບແບບຊ້າງຢູ່ໃນຖ້ຽວບິນ. ປະສົບການນີ້ຍັງໄດ້ກະຕຸ້ນຄວາມສົນໃຈຂອງເຂົາເຈົ້າໃນການຮຽນຮູ້ເພີ່ມເຕີມກ່ຽວກັບສັດເຫຼົ່ານີ້ ແລະ ຄວາມປາຖະໜາທີ່ຈະຊ່ວຍປົກປ້ອງພວກມັນໃນອະນາຄົດ.
Vietjet ຂະຫຍາຍການສະເຫຼີມສະຫຼອງຖ້ຽວບິນ ເຊິ່ງໄດ້ສ້າງຄວາມຍິນດີໃຫ້ແກ່ຜູ້ໂດຍສານ ທີ່ຢູ່ໃນສະໜາມບິນTON SON NHAT (ນະຄອນໂຮ່ຈີມິນ) ແລະ ສະໜາມບິນນະຄອນຫຼວງວຽງຈັນ (ປະເທດລາວ) ດ້ວຍລະຫັດ AR ທີ່ຮ່ວມລາຍການ. ສິ່ງເຫຼົ່ານີ້ເຮັດໃຫ້ຜູ້ໂດຍສານສາມາດຖ່າຍຮູບກັບ “Joyful Elephant” ເປັນການສ້າງຊ່ວງເວລາທີ່ສະໜຸກສະໜານ ແລະ ກະຕຸ້ນໃຫ້ທຸກຄົນ “CHECK-IN.” ແມ່ນແຕ່ຜູ້ໂດຍສານສູງອາຍຸກໍ່ຍັງເພີດເພີນກັບການໄດ້ຫຼິ້ນຕຸກກະຕາຂອງ Joyful Elephant ເປັນຄັ້ງທໍາອິດ.
ຜູ້ໂດຍສານຖ່າຍຮູບກັບຊ້າງສະເໝືອນຈິງ ແລະ Amy mascot ຂອງ Vietjet ຢູ່ສະໜາມບິນໃນນະຄອນໂຮ່ຈີມິນແລະ ນະຄອນຫຼວງວຽງຈັນ.
ເນື່ອງໃນໂອກາດວັນຊ້າງໂລກ, Vietjet ຂໍເປັນສ່ວນໜຶ່ງຂອງການສະເຫຼີມສະຫຼອງໃນລະດູຮ້ອນເພື່ອປົກປັກຮັກສາສັດປ່າ, ເຫດການໃນວັນຊ້າງໂລກໄດ້ນຳມາເຊິ່ງຄວາມເບີກບານມ່ວນຊື່ນ ແລະ ສ້າງຄວາມຜູກພັນໃຫ້ແກ່ຜູ້ໂດຍສານຂອງ Vietjet. ກິດຈະກຳດັ່ງກ່າວຈັດຂຶ້ນຕໍ່ເນື່ອງຈາກກິດຈະກຳຂອງຫົວຂໍ້ທີ່ຜ່ານມາທີ່ມີນົກຍູງໃນປະເທດອິນເດຍ ແລະ Panda ໃນປະເທດຈີນ, ການສະຫຼອງໃນຄັ້ງນີ້ຍັງສືບຕໍ່ຄໍາໝັ້ນສັນຍາຂອງສາຍການບິນເພື່ອປູກຈິດສໍານຶກໃນການອະນຸລັກສັດປ່າ. ໂດຍການເຂົ້າຮ່ວມບັນດາການເຄື່ອນໄຫວດັ່ງກ່າວ, ຜູ້ໂດຍສານ VietJet ສາມາດໄດ້ສຳພັດປະສົບການສຸດພິເສດ ພ້ອມທັງມີສ່ວນຮ່ວມເຂົ້າໃນການປົກປັກຮັກສາສິ່ງແວດລ້ອມ ແລະ ພັດທະນາແບບຍືນຍົງ, ເພື່ອເປັນການສະໜັບສະໜູນຊ່ວຍໃຫ້ເປົ້າໝາຍຂອງສາຍການບິນບັນລຸການຫຼຸດຜ່ອນການປ່ອຍອາຍມົນລະພິດສຸດທິ ຮອດປີ 2050 ເພື່ອອານາຄົດທີ່ດີກວ່າເກົ່າ.
ສາຍການບິນດັ່ງກ່າວແມ່ນມີຖ້ຽວບິນຈາກນະຄອນຫຼວງວຽງຈັນ ຫາ ນະຄອນໂຮ່ຈິີມິນ, ໂດຍມີ 4 ຖ້ຽວບິນໄປກັບໃນວັນຈັນ, ວັນພຸດ, ວັນສຸກ ແລະ ວັນອາທິດ ເຊິ່ງໃຊ້ເວລາບິນແມ່ນພຽງແຕ່ 1 ຊົ່ວໂມງ 45 ນາທີ. ນອກຈາກນັ້ນ, ນັກທ່ອງທ່ຽວຍັງສາມາດໄປເຖິງສະຖານທີ່ທ່ອງທ່ຽວອື່ນໆໃນພາກພື້ນອາຊີປາຊີຟິກໄດ້ຢ່າງງ່າຍດາຍໂດຍຜ່ານຈຸດເຊື່ອມຕໍ່ຢູ່ນະຄອນໂຮ່ຈິີມິນ.