ລົມໜາວພັດມາ ໄດ້ເວລາກຽມຕົວເພື່ອຕັ້ງແຄມ ຫຼື ເຄົ້າດາວແລ້ວແມ່ນບໍ? ຫຼາຍຄົນກໍໜ້າຈະວາງແຜນອອກໄປຕ່າງແຂວງ ຫຼື ສະຖານທີ່ໃນເຂດນອກຕົວເມືອງເພື່ອໃຫ້ໄດ້ບັນຍາກາດທີ່ງຽບສະຫງົບ ວິວທຳມະຊາດດີ ບ່ອນຖ່າຍຮູບງາມ ແຕ່ມື້ນີ້ທາງເຮົາມັດລວມ 5 ສະຖານທີ່ເຄົ້າດາວທີ່ຢູ່ບໍ່ໄກຈາກຕົວເມືອງມາໃຫ້ແລ້ວ ແຕ່ລະບ່ອນມີຈຸດພິເສດ ບັນຍາກາດ ທີ່ແຕກຕ່າງກັນ ແຕ່ຄັກຄືກັນເລີຍ ບໍ່ວ່າຈະໄປເປັນຄູ່, ໄປເປັນກຸ່ມໝູ່ ຫຼື ໄປແບບຄອບຄົວ ກໍດີໝົດມາເບິ່ງນຳກັນເລີຍ:
1. Asha Stables Resort:
ພາບຈາກ: Jipnoii ຣີວິວ
ວິວງາມປານຢູ່ເມືອງນອກ ມີກິດຈະກໍາຫຼາຍຢ່າງໃຫ້ຫຼິ້ນບໍ່ວ່າຈະເປັນ ຂີ່ມ້າ, ພາຍເຮືອຊົມວິວ, ເກືອປາ, ໃຫ້ອາຫານແມວ, ຍິງທະນູ ແລະ ສຳຄັນແມ່ນມີເດີນກາງເຕັ້ນ ມີອາຫານໄວ້ຄ່ອຍບໍລິການພ້ອມສະຖານທີ່: ບ້ານ ເພຍລາດ, ເມືອງ ສັງທອງ, ນະຄອນຫຼວງວຽງຈັນ.
ພິກັດ: https://maps.app.goo.gl/86AXZH4bV8tKMPEs6?g_st=ic
2. ນ້ຳປຽນ ຢໍລະປາ:
ພາບຈາກ: Nampien Yorla Pa
ເປັນທີ່ພັກຕັ້ງແຄັ້ມທ່າມກາງທຳມະຊາດ ກັບບັນຍາກາດທີ່ເຢັນສະບາຍ ເໝາະກັບການໄປນັບຖ່ອຍຫຼັງນຳໝູ່ ແລະ ຄອບຄົວ ຫຼື ຄົນຮັກທີ່ສຸດ ເມື່ອຍຈາກວຽກຈາກງານ ໄປໃຫ້ທຳມະຊາດບຳບັດ ທີ່ສຳຄັນບໍ່ໄກຈາກຕົວເມືອງເລີຍ.
ສະຖານທີ່: ບ້ານ ເວີນແທ່ນ, ເມືອງ ໄຊທານີ, ນະຄອນຫຼວງວຽງຈັນ.
ພິກັດ: https://maps.app.goo.gl/fwZcdoLGimZFzw8X9
3. Milada Resort and Campground:
ພາບຈາກ: Milada Resort and Campground
ອີກສະຖານທີ່ວິວງາມ ສາຍຊິວບໍ່ຄວນພາດ ຕັ້ງແຄມເບິ່ງຕາເວັນຕົກດິນ ຖ່າຍຮູບງາມໆແຄມຂອງ ເປັນບັນຍາກາດທີ່ອົບອຸ່ນທີ່ສຸດ ມີຫຼາຍຢ່າງໄວ້ບໍລິການ ສາມາດນຳອາຫານເຂົ້າໄປໄດ້.
ສະຖານທີ່: ບ້ານ ຫ້ວຍຫ້ອມ ເມືອງສັງທອງ ນະຄອນຫຼວງວຽງຈັນ
ພິກັດ: https://maps.app.goo.gl/A5xpr11oHUvhLbT37…
4. ຟາມພາຈະເລີນ:
ພາບຈາກ: ຟາມ ພາຈະເລີນ
ຫຼາຍຄົນຮູ້ຈັກດີໃນນາມສວນເມລ້ອນ ທີ່ແຊບ ຫອມຫວານ ບວກກັບສະຖານທີ່ຕິດແຄມນໍ້າຂອງ ທີ່ໃຫ້ບັນຍາກາດດີ ວິວງາມ ແລະ ມີສະລອຍນໍ້າ ສາມາດນອນເຕັ້ນ ຫຼື ບັງກາໂລກໍໄດ້ ສະຖານທີ່ບໍ່ໄກຈາກຕົວເມືອງ
ສະຖານທີ່: ບ້ານອ່າງນ້ອຍ ເມືອງສັງທອງ ນະຄອນຫຼວງວຽງຈັນ
ພິກັດ: https://maps.app.goo.gl/gh2yytt6SZ3PCVV99
5. ດອນກົກສາ:
ພາບຈາກ: Chillday – ຊິວເດ້
ເໝາະສຳລັບໃຜທີ່ຕ້ອງການຄວາມສະຫງົບແບບສຸດໆ ໜີກາຍໄປພັກໃຈຢູ່ດອນໄດ້ເລີຍ ໄປແລ້ວບໍ່ຜິດຫວັງກັບບັນຍາກາດທີ່ດີແຮງ ວິວຫຼັກລ້ານ ສຳຜັດກັບອາກາດເຢັນໆ ຕາເວັນຂຶ້ນ-ຕົກແບບໃກ້ຊິດ ໄປກັບໝູ່ ຕັ້ງວົງສົນທະນາ ແບ່ງປັນປະສົບການແບບຊິວໆ ແນະນຳບ່ອນນີ້.
ສະຖານທີ່: ບ້ານບົວ ເມືອງນາຊາຍທອງ ແຂວງນະຄອນຫຼວງວຽງຈັນ