xaysana InsideLaos

ພິທີໄຂນຳໃຊ້ທົດລອງລະບົບຂອງສູນຮັບແຈ້ງເຫດສຸກເສີນ ແລະ ສັ່ງການ ນະຄອນຫຼວງວຽງຈັນ (CCC) ແລະ ກອງປະຊຸມລາຍງານກ່ຽວກັບວຽກງານ ຂອງໂຄງການຢຸດຕິການເພີ່ມຂຶ້ນຂອງການເສຍຊີວິດຈາກອຸບັດ ເຫດຕາມທ້ອງຖະໜົນ ໂດຍການພັດທະນາການບໍລິການສຸກເສີນ ແລະ ມາດຕະຖານຄວາມປອດໄພຕາມທ້ອງຖະໜົນ (ໂຄງການ SAFER) ຈັດຂຶ້ນວັນທີ 11 ຕຸລາ 2022 ທີ່ໂຮງໝໍມິດຕະພາບ ເປັນກຽດເຂົ້າຮ່ວມຂອງທ່ານ ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ ທ່ານ ສອນໄຊ ຣາດຊະວົງ ອຳນວຍການໂຮງໝໍມິດຕະພາບ ແລະ ຂະແໜງການກ່ຽວຂ້ອງ.

ອົງການປົກຄອງແຂວງຈຳປາສັກ ມອບ-ຮັບແຫຼ່ງທ່ອງທ່ຽວ ອຸທິຍານນ້ຳຕົກຕາດຄອນພະເພັງ ແລະ ອຸທິຍານນ້ຳຕົກຕາດສົມພະມິດ (ຫຼີຜີ) ໃຫ້ບໍລິສັດຮ່ວມພັດທະນາສີທັນດອນ ຈຳກັດ ເຂົ້າໄປພັດທະນາ ບໍວ່າຈະເປັນເລື່ອງຂອງການກໍ່ສ້າງ-ປັບປຸງສິ່ງນວຍຄວາມສະດວກ ທັກສະໃນການບໍລິການ.

ຖືວ່າມີບັນຫາກັນມາຍໍ່ຢຸດ ຕັ້ງແຕ່ທີ່ເປີດໂຕ Windows 11 ມາ ເຊິ່ງນີ້ກໍເປັນອີກບັນຫາໜຶ່ງທີ່ມີຄົນພົບເຫັນຄື ປະສິດທິພາບໃນການຫຼິ້ນເກມຫຼຸດລົງ ເມື່ອທຽບກັບ Windows 10 ແລະ ຫຼ້າສຸດ ທາງ Microsoft ໄດ້ບອກວິທີປັບແຕ່ງ Windows 11 ໃຫ້ຫຼິ້ນເກມໄດ້ມີປະສິດທິພາບຫຼາຍຂຶ້ນ ດ້ວຍການປິດ HVCI ແລະ VMP.

ກົມອຸຕຸນິຍົມ ແລະ ອຸທົກກະສາດ ໄດ້ໃຫ້ຮູ້ວ່າ: ຄວາມກົດດັນສູງຂອງອາກາດເຢັນທີ່ປະເທດຈີນ ຍັງສືບຕໍ່ແພ່ລົງມາ ປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງປານກາງ ສົມທົບກັບ ກະແສລົມຕາເວັນອອກສ່ຽງເໜືອພັດປົກຄຸມ ຊຶ່ງຈະເຮັດໃຫ້ອາກາດ ຈະເຢັນ ຫາ ໜາວເຢັນ ຢູ່ແຂວງພາກເໜືອ, ແຂວງໄຊສົມບູນ ເຂດພູພຽງ ບໍລະເວນ ພ້ອມມີໝອກບາງປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີຝົນ ໃນລະດັບຄ່ອຍຢູ່ບາງທ້ອງຖິ່ນ ພ້ອມມີລົມພັດແຮງເປັນບາງໂອກາດ.

ທ່ານ ຮສ.ປອ ພຸດ ສິມມາລາວົງ ລັດຖະມົນຕີ ກະຊວງສຶກສາທິການ ແລະ ກິລາ, ຕາງໜ້າໃຫ້ຄະນະພັກ, ຄະນະນໍາກະຊວງສຶກສາທິການ ແລະ ກິລາ ໄດ້ສົ່ງສານອວຍພອນ ເນື່ອງໃນວັນຄູແຫ່ງຊາດຄົບຮອບ 28 ປີ (07 ຕຸລາ 1994-07 ຕຸລາ 2022) ພ້ອມໄດ້ໃຫ້ອາຈານທຸກຄົນພັດທະນາ 3 ຢ່າງເພື່ອການສຶກສາທີ່ປ່ຽນແປງຄື: ຕ້ອງຄົ້ນຄວ້າລົງເລິກວິຊາທີ່ຕົນຮັບຜິດຊອບໃຫ້ເລິກເຊິ່ງ, ຕ້ອງເປັນຜູ້ນຳພາເຮັດຕົວຈິງໃນທຸກພາລະກິດທີ່ພັກ-ລັດ ມອບໝາຍໃຫ້ສຳເລັດ ແລະ ຈະຕ້ອງເປັນຜູ້ທີ່ມີຈັນຍາບັນອັນໜັກແໜ້ນ ແລະ ມີຈິດວິນຍານຂອງຄວາມເປັນຄູຢ່າງເລິກເຊິ່ງ.

ກົມອຸຕຸນິຍົມ ໄດ້ໃຫ້ຮູ້ວ່າ ຄວາມກົດດັນສູງຂອງອາກາດເຢັນມີກໍາລັງອ່ອນ ຈະແຜ່ລົງມາປົກຄຸມ ຢູ່ທົ່ວທຸກພາກຂອງປະເທດລາວ ສົມທົບກັບກະແສລົມຕາເວັນອອກພັດ ປົກຄຸມເປັນສ່ວນໃຫຍ່ ຊຶ່ງຈະເຮັດໃຫ້ອາກາດເຢັນຢູ່ທົ່ວໄປໃນຕອນເຊົ້າ ແລະ ຍັງຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ບາງທ້ອງຖິ່ນ ໃນແຕ່ລະພາກ.

ຊົມເຊີຍ! ນັກທຸລະກິດ ຄົນທຳອິດຂອງ ສປປ ລາວ ທີ່ໄດ້ຮັບຫຼຽນນາມມະຍົດວິລະຊົນແຮງງານແຫ່ງຊາດລາວ ຊຶ່ງເປັນນາມມະຍົດສູງສຸດ ທັງເປັນຫຼຽນປະຫວັດສາດ ທີ່ພັກ-ລັດຖະບານແຫ່ງ ສປປ ລາວ ໄດ້ມອບໃຫ້ ທ່ານ ເກຍ ອູ໊ສິດທິເດດ ນັກພັດທະນາດີເດັ່ນແຫ່ງຊາດ ເຊິ່ງລາວແມ່ນເຈົ້າຂອງໂຮງງານນໍ້າດື່ມ ແລະ ນ້ຳກ້ອນໂລມາຄໍາ ແຂວງສະຫວັນນະເຂດ ທີ່ມີຜົນງານດີເດັ່ນ ໃນການມີສ່ວນຮ່ວມຊ່ວຍເຫຼືອປະຊາຊົນ 2 ໂຄງການ.

ກົມອຸຕຸ​ນິຍົມ​ ແລະ ​ອຸທົກກະສາດ​ ລາຍງານວ່າ: ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນອອກພັດປົກຄຸມ, ຊຶ່ງຈະເຮັດໃຫ້ມີຝົນຕົກ ຟ້າຮ້ອງ, ຟ້າເຫຼື້ອມໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນ ໃນແຕ່ລະພາກ.