Thursday, July 18, 2024
Lenovo

ກາເຟລາວ ອາດມີລາຄາສູງທຽບເທົ່າກາເຟສາກົນ

ງານບຸນກາເຟບ້ານເຮົາ ທີ່ຈັດຂຶ້ນຢູ່ທີ່ ວຽງຈັນຊັນເຕີ້ ນະຄອນຫຼວງວຽງຈັນ ໃນລະຫວ່າງວັນທີ 29 ກັນຍາ – 2 ຕຸລາ 2022 ເປັນງານທີ່ຈັດຂຶ້ນເພື່ອສົ່ງເສີມການເຕີບໂຕຂອງກາເຟລາວແບບມີສ່ວນຮ່ວມ ໂດຍຜ່ານການເຊື່ອມໂຍງເສດຖະກິດພາກພື້ນ, ການປັບປຸງຂໍ້ ມູນການຄ້າ ແລະ ເພີ່ມທະວີການເຂົ້າຮ່ວມໃນລະບົບຕ່ອງໂສ້ສາກົນ.

ບັນຍາກາດພາຍໃນງານ, ຈະມີຄວາມຄຶກຄື້ນ ເຕັມໄປດ້ວຍຜູ້ຄົນທັງຜູ້ທີ່ເຂົ້າຮ່ວມເປັນຄົນລາວ ແລະ ຄົນຕ່າງປະເທດ ພ້ອມນັ້ນຍັງຜະລິດຕະພັນກາເຟທີ່ຫຼາກຫຼາຍໃຫ້ທຸກຄົນໄດ້ລອງຊິມໃນແຕ່ລະຮ້ານອີກດ້ວຍ.

ກາເຟທີ່ນໍາມາວາງສະແດງໃນງານບຸນໃນຄັ້ງນີ້ ເຕັມໄປດ້ວຍຄວາມຫຼາກຫຼາຍທາງດ້ານຜະລິດຕະພັນ, ລົດຊາດທີ່ແຕກຕ່າງ, ກາເຟຊະນິດຕ່າງໆ ເຊິ່ງປະກອບໄປດ້ວຍບັນດາຮ້ານຕ່າງໆເຊັ່ນ: ກາເຟທີ່ມາຈາກປ່າ (Slow Coffee), ເລີຄຣອງແປ, The Be Cafe, ຢູ່ນີ້ Coffee, Bluffkoff, ກາເຟສີໜຸກ, ກາເຟພູເຂົາລາວ Lao Mountain Coffee, ກາເຟພູດອຍ ດາກຈຶງ, ເຊັນທິນີວ, Re Flex, Coffee Fix, ກາເຟຄໍານໍ້າແບ່ງ NCG Coffee, Vanmai Coffee ແລະ ອື່ນໆ.

ສຳລັບເລື່ອງຂອງລາຄາກາເຟ ແມ່ນຈະຂຶ້ນກັບລາຄາຕະຫຼາດໂລກ ເຊິ່ງຈາກການສອບຖາມຜູ້ປະກອບການຮ້ານສ່ວນໃຫຍ່ເພິ່ນໄດ້ເອົາລາຄາໂຕນັ້ນເປັນລາຄາມາດຕະຖານ ແຕ່ກໍຈະມີບາງຜະລິດຕະພັນທີມີລາຄາສູງຫຼາຍ ໂດຍສະເພາະກາເຟທີ່ມາຈາກເມືອງປາກຊ່ອງ ເຊິ່ງເປັນກາເຟທີ່ປູກຢູ່ພື້ນທີ່ຂອງພູພຽງບໍລະເວນ ການປູກໃນພື້ນທີ່ທີ່ແຕກຕ່າງກັນ ກໍຈະເຮັດໃຫ້ລົດຊາດອອກມາແຕກຕ່າງກັນ ດ້ວຍເຫດນັ້ນກາເຟທີ່ມາຈາກປາກຊ່ອງເລີຍມີລາຄາສູູງ.

ຜູ້ປະກອບການຂອງຮ້ານ NCG Coffee ຍັງໄດ້ໃຫ້ຮູ້ອີກວ່າ ກາເຟອາລາບິກາ ຈາກປາກຊ່ອງ ປະຈຸບັນລາຄາກາເຟດິບແມ່ນຈະຢູ່ທີ່ປະມານ 135.000 ກີບຕໍ່ກິໂລ ເຊິ່ງຖ້າຜ່ານການແປຮູບລາຄາກໍຈະເພີ່ມຂຶ້ນສູງໄປອີກ ແລະ ຖ້າກໍລະນີທີ່ຜະລິດຕະພັນຂອງຕ່າງປະເທດ ໄດ້ເປີດໂຕຢູ່ລາວ ຄາດວ່າລາຄາກາເຟຂອງລາວອາດຈະມີລາຄາສູງຂຶ້ນ ເຊິ່ງມັນຈະກາຍເປັນການສ້າງມູນຄ່າເພີ່ມໃຫ້ກັບກາເຟລາວເຮົາ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.