Thursday, July 18, 2024
Lenovo

ກຽມເຊຍລາວອີກຄັ້ງ! U17 ລາວ ກຽມລົງສະໜາມນັດທຳອິດ ພົບທີມຊາດອີຣານ

ໃນການແຂ່ງຂັນບານເຕະ ຊີງແຊ້ມອາຊີ ຮຸ່ນອາຍຸບໍ່ເກີນ 17 ປີ (AFC U17 Asian Cup 2023 Qualifiers) ສປປ ລາວ ຈະໄດ້ລົງແຂ່ງຮອບທຳອິດໃນຮອບຄັດເລືອກ ກຸ່ມໄອ ວັນທີ 5 ຕຸລາ 2022 ເວລາ 16:00 ໂມງ ທີ່ສະໜາມ Dolon Omurzakov Stadium, Bishkek ສາມາດເຂົ້າໄປຮ່ວມເຊຍໃຫ້ກຳລັງໃຈໃນການຖ່າຍທອດສົດໄດ້ ເຊິ່ງທີມຊາດລາວ ໃສ່ຊຸດສີແດງ ແລະ ອີຣານ ຈະໃສ່ຊຸດ ສີຂາວ.

ທາງຄະນະຄູຝຶກທີມຊາດລາວ ຍັງໄດ້ໃຫ້ຮູ້ວ່າ: ທີມຊາດລາວ U17 ໄດ້ມີການຝຶກຊ້ອມຢ່າງໜັກເປັນໄລຍະເວລາໜຶ່ງເດືອນ ເພື່ອກຽມຄວາມພ້ອມຂອງທີມເຂົ້າຮ່ວມລາຍການນີ້ ແລະ ມາຮອດປະຈຸບັນສະພາບຂອງທີມຊາດລາວແມ່ນມີຄວາມພ້ອມເຕັມທີ່ແລ້ວທີ່ຈະພົບກັບທີມຊາດອີຣານໃນນັດທໍາອິດ, ຊຶ່ງເປັນທີມທີ່ແຂງແກ່ນ ແລະ ເປັນງານໜັກສໍາລັບພວກເຮົາ, ແຕ່ພວກເຮົາຈະສູ້ເຕັມທີ່ສຸດກໍາລັງ,ເຮັດໃຫ້ດີທີ່ສຸດເພື່ອຊາດລາວ,ຂໍຝາກເຖິງແຟນບານຊ່ວຍເຊຍແລະເປັນກໍາລັງໃຈໃຫ້ກັບທີມຊາດລາວດ້ວຍ.

ສຳລັບກຸ່ມ I ທີ່ ສປປ ລາວຢູ່ນັ້ນ ປະກອບມີ ISLAMIC REPUBLIC OF IRAN, HONG KONG, KYRGYZ REPUBLIC, LAOS ເຊິ່ງມີຕາຕະລາງ ການແຂ່ງຂັນຂອງ ທີມຊາດລາວ ໃນນັດຕໍ່ໄປມີດັ່ງນີ້: ວັນທີ 7 ຕຸລາ 2022 ເວລາ 16:00 ລາວ ພົບ ຮົງກົງ ແລະ ວັນທີ 9 ຕຸລາ 2022 ເວລາ 20:30 ກຽກກີດສະຖານ ພົບ ລາວ.

ຕ້ອງມາລຸ້ນກັນວາ ທີມຊາດລາວ U17 ຈະສ້າງຜົນງານ ເຂົ້າຮອບໄດ້ຫຼືບໍ່ ຕ້ອງໄປຮ່ວມເຊຍ ແລະ ໃຫ້ກຳລັງໃຈນໍາກັນຕື່ມ ທີ່ລິ້ງຖ່າຍທອດສົດດ້ານລຸ່ມນີ້.

ລິ້ງຖ່າຍທອດສົດ: Kyrgyz Sport TV

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.