Tag: ຫຼວງນ້ຳທາ

ຫຼາຍຄົນບອກວ່າ ມາແຂວງຫຼວງນ້ຳທາ ຕ້ອງໄດ້ໄປຂາບໄຫວ້ “ພຣະທາດປຸມປຸກ” ຈຶ່ງໄປຮອດໄປເຖິງ ແຂວງ ຫຼວງນ້ຳທາ ແທ້! ເນື່ອງຈາກວ່າ ເປັນພຣະທາດເກົ່າແກ່ທີ່ຊາວແຂວງຫຼວງນ້ຳທາ ແລະ ຜູ້ທີ່ເຫຼື້ອມໃສສັດທາໃຫ້ຄວາມເຄົາລົບ ນັບຖື.

ຊົນເຜົ່າ ອາຄ່າ ເປັນຊົນເຜົ່າໜຶ່ງທີ່ມີ ວັດທະນະທຳການແຕ່ງກາຍທີ່ເປັນເອກະລັກ ບໍ່ວ່າຈະເປັນ ເຄື່ອງນຸ່ງຫົ່ມ, ໝວກ, ສາຍມັດແອວ ລວມໄປເຖິງເຄື່ອງປະດັບຕ່າງໆ, ເຊິ່ງຊົນເຜົ່າອາຄ່າ ຢູ່ໃນລາວ ຈະມີຄວາມຄ້າຍຄືກັນ ໂດຍມີຈຸດເດັ່ນຢູ່ທີ່ “ໝວກ” ປະກອບໄປດ້ວຍ ໂລຫະ, ເຄື່ອງເງິນ ແລະ ເຄື່ອງປະດັບຫຼາຍໆຢ່າງ, ລວມທັງຜ້າຄຸມ ທີ່ປັກລວດລາຍສີສັນ ທີ່ສົດໃສ ປະກອບໃນຮູບແບບທີ່ຕ່າງກັນຕາມແຕ່ລະກຸ່ມ.

ຫຼວງນ້ຳທາ ເປັນແຂວງໜຶ່ງທີ່ຢູ່ທາງພາກເໜືອຂອງລາວ ແລະ ມີຫຼາກຫຼາຍຊົນເຜົ່າອາໄສຢູ່, ມີຮີດຄອງປະເພນີທີ່ເປັນເອກະລັກຂອງແຕ່ລະເຜົ່າ, ນອກຈາກຄວາມຫຼາກຫຼາຍຂອງຊົນເຜົ່າແລ້ວ ຫຼວງນ້ຳທາ ຍັງມີອາຫານທີ່ຂຶ້ນຊື່ທີ່ໃຜໄດ້ໄປແວ່ແລ້ວຕ້ອງກິນ ຖ້າບໍ່ໄດ້ກິນສະແດງວ່າບໍ່ຮອດ ຫຼວງນ້ຳທາ ເຊິ່ງນັ້ນກໍ່ຄື: ເຂົ້າຊອຍຫຼວງນ້ຳທາ. ຈົນຕິດຢູ່ໃນຄໍາຂວັນຂອງແຂວງ: “ບັ້ນຮົບຫຼວງນ້ຳທາ ພະທາດໃຫຍ່ຊຽງເປງ ຊາບຊຶ້ງວັດທະນາທຳຫຼາຍເຜົ່າ ເຂົ້າຊອຍແຊບເມືອງສິງ ລິງລາຍແພໄໝມ້ອນ ເມືອງຫຼວງນ້ຳທາ”.