ສື່ມວນຊົນລາວ ໄດ້ຮັບການພັດທະນາກ້າວຂຶ້ນສູ່ພາກພື້ນ-ສາກົນ

ເນື່ອງໃນໂອກາດສະ ເຫລີມສະຫລອງ ວັນສື່ມວນຊົນ ຄົບຮອບ 68 ປີ( 13 ສິງຫາ 1950 – 13 ສິງຫາ 2018), ທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທັງເປັນຜູ້ຊີ້ນຳວຽກງານຖະແຫລງຂ່າວ ໄດ້ໃຫ້ສຳພາດຕໍ່ສື່ມວນຊົນ ໃນວັນທີ10 ສິງຫາ 2018 ນີ້ວ່າ: ໃນຍຸກການເຊື່ອມໂຍງ ຫລື ໃນຍຸກໂລກາພິວັດ, ສື່ມວນຊົນລາວ ໄດ້ມີໂອກາດພັດທະນາຕົນເອງ ໃນທຸກດ້ານ
ທ່ານ ຮອງລັດຖະມົນຕີ ຍັງໃຫ້ຮູ້ວ່າ: ໃນຍຸກແຫ່ງການເຊື່ອມໂຍງຢູ່ໃນສາກົນ ສື່ມວນຊົນລາວມີຄວາມພ້ອມ ໃນການປະຕິບັດຫນ້າທີ່, ຮັບໃຊ້ພາລະກິດ ປົກປັກຮັກສາ ແລະ ພັດທະນາປະເທດຊາດໃນໄລຍະໃໝ່ ຕາມ ພາ ລະບົດບາດຂອງສື່່ມວນຊົນ ແລະ ເຮັດຫນ້າທີ່ໃນການສື່ສານ ລະຫວ່າງ ລາວກັບພາກພື້ນ ແລະ ບັນດາປະເທດ ໃຫ້ເກີດມີຄວາມເຂົ້າໃຈກ່ຽວກັບປະເທດລາວ.
ຈາກການລາຍງານຂ່າວ ຜ່ານສື່ມວນຊົນຂອງລາວ ເຮັດໃຫ້ບັນດາປະເທດເພື່ອນມິດ ກໍຄືວົງຄະນາຍາດສາກົນ ໄດ້ມີຄວາມຮັບຮູ້ ຄວາມເຂົ້າໃຈ ກ່ຽວກັບການປ່ຽນແປງ ໃນການຊີ້ແຈງອະທິບາຍກ່ຽວກັບ ວັດທະນະທຳ-ສັງຄົມ ຂອງປະເທດລາວ, ລວມທັງລະບອບການເມືອງ ແລະ ສາມາດຕອບໂຕ້ຄວາມພະຍາຍາມໂຄສະນາ ໃສ່ຮ້າຍປ້າຍສີ ແລະ ການໂຄສະນາ ບິດ ເບືອນຄວາມຈິງ ຂອງກຸ່ມທີ່ບໍ່ຫວັງດີຕໍ່ປະເທດຂອງເຮົາ ໄດ້ໃນລະດັບທີ່ແນ່ນອນ.
Cr. http://kpl.gov.la/detail.aspx?id=37973