ເມື່ອບໍ່ດົນມານີ້, ຢູ່ສະຖານີວິທະຍຸ-ໂທລະພາບແຂວງອຸດົມໄຊ ໄດ້ສໍາເລັດການຝຶກອົບຮົມ ຍົກລະດັບຄວາມຮູ້ດ້ານວິຊາການໃຫ້ແກ່ ບັນນາທິການ, ນັກຂ່າວ ແລະ ນັກຈັດລາຍການ ວິທະຍຸ-ໂທລະພາບ ແກ່ບັນດາສື່ມວນຊົນອ້ອມຂ້າງແຂວງ ໂດຍການເປັນປະທານຂອງ ທ່ານ ສັງຂານ ຈູມຄໍາພັນ ຮອງອໍານວຍການສະຖານີວິທະຍຸກະຈາຍສຽງ ແຫ່ງຊາດລາວ.
ການຈັດຊຸດຝຶກອົບຮົມໃນຄັ້ງນີ້ ກໍເພື່ອຍົກລະດັບວຽກງານສື່ມວນຊົນ ຢູ່ພາຍໃນແຂວງອຸດົມໄຊ ໃຫ້ມີບາດກ້າວຂະຫຍາຍຕົວ, ທັນສະໄຫມ, ວ່ອງໄວ ແລະ ສາມາດຕອບສະໜອງ ຕາມ ຄວາມ ຮຽກຮ້ອງຕ້ອງການຂອງສັງຄົມໄດ້ ແນ່ໃສ່ເຮັດໃຫ້ບັນນາທິ ການມີຄວາມຊຳນິຊຳນານ ໃນການກວດແກ້ຂ່າວ,ການຄັດເລືອກຂ່າວ, ເຮັດໃຫ້ນັກຂ່າວມີຄວາມຮູ້ທາງດ້ານ ການຂຽນຂ່າວທີ່ມີເນື້ອຫາ, ສັ້ນກະທັດຮັດ, ເປັນຂ່າວທີ່ໜ້າສົນໃຈ, ການຈັບປະເດັນ ສຳຄັນມາຂຽນເປັນຂ່າວ ລວມທັງເຮັດໃຫ້ນັກຈັດລາຍການ ມີຄວາມສາມາດໃນການຈັດລາຍການ ໃຫ້ມີເນື້ອຫາສາລະ ເພື່ອດຶງດູດຜູ້ຊົມ, ຜູ້ຟັງ.
ອ່ານເພີ່ມຕື່ມ: http://kpl.gov.la/detail.aspx?id=38992