ທີ່ພະແນກການເງິນແຂວງຜົ້ງສາລີ ໄດ້ເຜີຍແຜ່ກົດໝາຍວ່າດ້ວຍການສົ່ງເສີມການລົງທຶນ ສະບັບປັບປຸງປີ 2016 ແລະ ນິຕິກໍາລຸ່ມກົດໝາຍສົ່ງເສີມການລົງທຶນ ພາຍໃຕ້ການເປັນປະທານຮ່ວມ ຂອງ ທ່ານ ວັນໄຊ ສຸກສັນ ຮອງຫົວໜ້າພະແນກແຜນການ ແລະ ການລົງທຶນແຂວງຜົ້ງສາລີ ພ້ອມດ້ວຍພາກ ສ່ວນກ່ຽວຂ້ອງເຂົ້າຮ່ວມ.
ເອກະສານປະກອບມີ ກົດໝາຍສົ່ງເສີມການລົງທຶນສະບັບປັບປຸງປີ 2016 ເຊິ່ງລວມມີ 13 ພາກ, 16 ໝວດ, 109 ມາດຕາ, ເອກະສານວຽກງານຫ້ອງການປະຕູດຽວ, ເອກະສານຂັ້ນຕອນ ການພິຈາລະນາ ໂຄງການລົງທຶນຂອງພາກເອກະຊົນ ແລະ ບົດບັນທຶກຄວາມເຂົ້າໃຈ MOU ແລະ ສັນຍາສຳປະທານ CA, ຄໍາສັ່ງຂອງນາຍົກລັດຖະມົນຕີ ວ່າດ້ວຍການເພີ່ມທະວີການຄຸ້ມຄອງ ກິດຈະການແຮ່ທາດໃນ ສປປ ລາວ ສະບັບເລກທີ 08/ນຍ ແລະ ຄຳສັ່ງວ່າດ້ວຍ ການຄຸ້ມຄອງການນຳໃຊ້ເນື້ອທີ່ດິນ ເພື່ອສຳປະທານປູກໄມ້ອຸດສະຫະກຳ ແລະ ພືດຜັກຕ່າງໆໃນຂອບເຂດທົ່ວປະເທດ.