ເມືອງວາປີ ໄດ້ຈັດພິທີເປີດນຳໃຊ້ຕະຫລາດຊຸມຊົນ ໃນທ້າຍອາທິດຜ່ານມາ ພາຍຫລັງລົງມືກໍ່ສ້າງມາແຕ່ທ້າຍປີ 2017 ຜ່ານມາ ໂດຍໄດ້ຮັບທຶນສະໜັບສະໜູນຈາກ ໂຄງການພັດທະນາຊຸມຊົນແບບ ມີສ່ວນຮ່ວມ ແລະ ຍືນຍົງ ຫລື ອົງການສະຫະປະຊາຊາດເພື່ອການພັດທະນາ, ໃນມູນຄ່າ 60 ລ້ານກວ່າກີບ ແລະ ທຶນສົມທົບປະຊາຊົນ 43 ລ້ານກວ່າກີບ ໃນເນື້ອທີ່ 1 ເຮັກຕາ.
ໂຄງການນີ້ ຍັງໄດ້ສະໜອງທຶນໃຫ້ປະຊາຊົນບ້ານແມດ ເພື່ອສົ່ງເສີມກິດຈະກໍາປູກເຫັດ, ລ້ຽງແບ້, ລ້ຽງໄກ່ ແລະ ຕ່ຳຫູກ ແລະ ໄດ້ສະໜັບສະໜູນງົບປະມານ 57 ລ້ານກວ່າກີບ ເຂົ້າໃນການກໍ່ສ້າງສ້ອມ ແປງຂົວ ເພື່ອສົມທົບທຶນກັບປະຊາຊົນ ໃນມູນຄ່າການກໍ່ສ້າງຂົວທັງໝົດ 187 ລ້ານກວ່າກີບ. ທັງນີ້ ກໍເພື່ອເປັນການພັດທະນາ ແລະ ສົ່ງເສີມປະຊາຊົນໃຫ້ໄດ້ມີວຽກເຮັດງານທຳ, ມີລາຍໄດ້ເພີ່ມຂຶ້ນ ແລະ ກ້າວໄປສູ່ການພັດທະນາ ຄອບຄົວໃຫ້ດີຂຶ້ນເທື່ອລະກ້າວ.
Cr.KPL
Hits: 31
