ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ VIII ຈະພິຈາລະນາ ແລະຮັບຮອງ 12 ບັນຫາສໍາຄັນ


ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 20 ພະຈິກ 2018 ທີ່ຫ້ອງປະຊຸມສະພາແຫ່ງຊາດ (ຫຼັກ 6), ພາຍໃຕ້ການເປັນປະທານຂອງທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ, ປະທານສະພາແຫ່ງຊາດ, ໂດຍການໃຫ້ກຽດເຂົ້າຮ່ວມຂອງທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ, ມີບັນດາການນຳ, ອະດີດການນຳພັກ-ລັດ, ສະມາຊິກສະພາແຫ່ງຊາດ ທຸກເຂດເລືອກຕັ້ງ ແລະພາກສ່ວນຕ່າງໆ ທີ່ກ່ຽວຂ້ອງ.

ທ່ານນາງ ປານີ ຢາທໍ່ຕູ້ ກ່າວວ່າ: ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII ຈະດໍາເນີນໄປເຖິງທີ 21 ທັນວາ 2018 ຊຶ່ງຈະໃຊ້ເວລາດໍາເນີນກອງປະຊຸມທັງໝົດ 22 ວັນ (ບໍ່ລວມວັນພັກລັດຖະການ). ໂດຍກອງປະຊຸມ ຄັ້ງນີ້ ຈະພິຈາລະນາ ແລະຮັບຮອງເອົາ 12 ບັນຫາສຳຄັນຄື:

1) ພິຈາລະນາ, ຮັບຟັງບົດລາຍງານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ກ່ຽວກັບການຈັດຕັ້ງປະຕິບັດວຽກງານທີ່ພົ້ນເດັ່ນປະຈຳປີ 2018 ແລະທິດທາງວຽກງານຈຸດສຸມໃນປີ 2019 ຂອງລັດຖະບານ;

2) ພິຈາລະນາ, ຮັບຮອງເອົາບົດລາຍງານຂອງທ່ານຮອງນາຍົກລັດຖະມົນຕີ, ລັດຖະມົນກະຊວງການເງິນ ກ່ຽວກັບສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ແຜນເງິນຕາ ໄລຍະ 9 ເດືອນ, ແຜນວຽກຄາດຄະເນການຈັດຕັ້ງປະຕິບັດໝົດປີ 2018, ທິດທາງແຜນການປີ 2019 ແລະ ບົດລາຍງານການສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2017;

3) ພິຈາລະນາ, ຮັບຮອງເອົາການຊີ້ແຈງຂອງລັດຖະບານຕໍ່ຄຳຊັກຖາມຂອງສອງ 2 ກະຊວງຄື: ກະຊວງໂຍທາທິການ ແລະ ຂົນສົ່ງ ຊີ້ແຈງກ່ຽວກັບສະພາບການກໍ່ສ້າງ ແລະສ້ອມແປງຖະໜົນຫົນທາງ (ໃນໄລຍະຜ່ານ ມາເຫັນວ່າ ຄຸນນະພາບການກໍ່ສ້າງຕໍ່າ, ມູນຄ່າການກໍ່ສ້າງສູງ, ແກ່ຍາວເວລາກໍ່ສ້າງ ແລະທິດທາງແກ້ ໄຂບັນຫາດັ່ງກ່າວໃນຕໍ່ໜ້າມີແນວໃດ); ກະຊວງສາທາລະນະສຸກ ຊີ້ແຈງກ່ຽວກັບຄຸນນະພາບການບໍລິ ການການປິ່ນປົວຢູ່ໂຮງໝໍ, ສຸກສາລາ; ການຊີ້ແຈງອະທິບາຍຂອງອົງການໄອຍະການປະຊາຊົນສູງສຸດ ກ່ຽວກັບການປະຕິບັດກົດໝາຍວ່າດ້ວຍຄວາມຜູກພັນໃນສັນຍາ ແລະນອກສັນຍາ ກ່ຽວກັບການຫັນການລະເມີດສັນຍາກູ້ຢືມ ມາດໍາເນີນເປັນຄະດີອາຍາ ແລະທິດທາງແກ້ໄຂໃນຕໍ່ໜ້າ. ນອກນັ້ນ ຍັງຈະໄດ້ຮັບຟັງການຊີ້ແຈງອະທິບາຍເພີ່ມຈາກທ່ານ ນາຍົກລັດຖະມົນຕີມ, ບັນດາລັດຖະມົນຕີຈາກກະຊວງ,ອົງການທີ່ກ່ຽວຂ້ອງ ທີ່ພົວພັນເຖິງບັນຫາທີ່ພົ້ນເດັ່ນໃນການຄຸ້ມຄອງ-ບໍລິຫານລັດ ທາງດ້ານເສດຖະກິດ-ສັງຄົມ.

4) ພິຈາລະນາ, ຮັບຟັງບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດມະຕິຂອງກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII (ສະບັບເລກທີ 079/ສພຊ, ລົງວັນທີ 17 ພະຈິກ 2017); ວ່າດ້ວຍການພັດທະນາຊົນນະບົດ ແລະລຶບລ້າງຄວາມທຸກຍາກ ຕິດພັນກັບເປົ້າໝາຍການພັດທະນາແບບຍືນຍົງ.

5) ພິຈາລະນາ, ຮັບຮອງເອົາບົດລາຍງານຂອງອົງການ ກວດສອບແຫ່ງລັດ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານປະຈໍາປີ 2018 ແລະ ທິດທາງແຜນການປະຈໍາປີ 2019; ບົດລາຍງານຜົນການກວດສອບ,ບົດສະຫຼຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2017.

6) ພິຈາລະນາ, ຮັບຮອງເອົາບົດລາຍງານຂອງອົງການກວດກາລັດຖະບານ ກ່ຽວກັບການກວດກາຕາມຜົນການກວດສອບ ບົດສະຫຼຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດສົກປີ 2013-2014, 2014-2015 ແລະ2015-2016.

7) ພິຈາລະນາ, ຮັບຮອງເອົາການແຕ່ງຕັ້ງຜູ້ວ່າການທະນາຄານແຫ່ງ ສປປ ລາວ ຕາມການ ສະເໜີຂອງທ່ານນາຍົກລັດຖະມົນຕີ;

8) ພິຈາລະນາ, ຮັບຮອງເອົາບົດສະເໜີຂອງລັດຖະບານ ກ່ຽວກັບ ຊົນເຜົ່າບຣູ.

9) ພິຈາລະນາ, ຮັບຮອງເອົາບົດລາຍງານຂອງອົງ ການໄອຍະການປະຊາຊົນສູງສຸດ ແລະສານປະຊາຊົນສູງສຸດ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານກາງສະໄໝ (2016-2018), ການເຄື່ອນໄຫວວຽກງານ 9 ເດືອນ ປະຈໍາປີ 2018, ທິດທາງແຜນການຮອດປີ 2020 ແລະວຽກງານຈຸດສຸມປະຈໍາປີ 2019.

10) ພິຈາລະນາ,ຮັບຮອງເອົາບົດລາຍງານ ກ່ຽວກັບການເຄື່ອນໄຫວ ວຽກງານ ກາງສະໄໝ ຂອງສະພາແຫ່ງຊາດຊຸດທີ VIII (2016-2018), ປະຈໍາປີ 2018, ທິດທາງ ແຜນການຮອດກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸດທີ IX ແລະແຜນວຽກຈຸດສຸມປະຈໍາປີ 2019 ຂອງສະພາແຫ່ງຊາດ;

11) ພິຈາລະນາ, ຮັບຮອງເອົາແຜນການສ້າງ ແລະປັບປຸງກົດໝາຍ, ແຜນການຕິດຕາມ ກວດກາປະຈໍາປີ 2019 ຂອງສະພາແຫ່ງຊາດ. 12 ພິຈາລະນາ, ຮັບຮອງເອົາການສ້າງ ແລະ ປັບປຸງຮ່າງກົດໝາຍ ຈໍານວນ 8 ສະບັບຄື: ໃນຂົງເຂດເສດຖະກິດ 4 ສະບັບ, ຂົງເຂດວັດທະນະທໍາ-ສັງຄົມ 2 ສະບັບ, ຂົງເຂດປົກຄອງ ແລະຍຸຕິທໍາ 1 ສະບັບ, ແລະຂົງເຂດຕ່າງປະເທດ 1 ສະບັບ.

ນອກນັ້ນ ກອງປະຊຸມ ຍັງນີ້ ຈະໄດ້ປະກອບຄໍາເຫັນໃສ່ຮ່າງກົດໝາຍວ່າດ້ວຍທີ່ດິນ ສະບັບປັບປຸງ ຊຶ່ງເປັນຮ່າງກົດໝາຍທີ່ສໍາຄັນ ໃນການຈັດຕັ້ງຜັນຂະຫຍາຍມະຕິ ຂອງຄະນະບໍລິຫານງານສູງກາງພັກ ວ່າດ້ວຍການເພີ່ມທະວີວຽກງານຄຸ້ມຄອງ ແລະພັດທະນາທີ່ດິນໃນໄລຍະໃໝ່ ສະບັບເລກທີ 026\ຄບສພ ລົງວັນທີ 3 ເດືອນ 8 ປີ 2017 ໃຫ້ເປັນອັນລະອຽດ ເພື່ອເປັນເຄື່ອງມືໃນການຄຸ້ມຄອງ ແລະສົ່ງເສີມການນໍາໃຊ້ທີ່ດິນ ຊຶ່ງເປັນທ່າແຮງ ທາງດ້ານຊັບພະຍາກອນໃຫ້ມີປະສິດທິຜົນ ແກ່ການພັດທະນາເສດຖະກິດແຫ່ງຊາດ ກໍຄືການສົ່ງເສີມການຜະລິດ ແລະປັບປຸງຊີວິດການເປັນຢູ່ຂອງປະຊາຊົນລາວບັນດາເຜົ່າໃຫ້ນັບມື້ດີຂຶ້ນ.

ຂະນະດຽວກັນນີ້ ໃນໄລຍະດຳເນີນກອງປະຊຸມສະພາແຫ່ງຊາດ, ຄະນະເລຂາທິການສະພາແຫ່ງຊາດ ໄດ້ຈັດຕັ້ງໜ່ວຍງານຮັບຜິດຊອບໂທລະສັບສາຍດ່ວນ ເພື່ອຮັບເອົາຄຳຄິດຄຳເຫັນ ແລະຄໍາສະເໜີໂດຍກົງ ຈາກປະຊາຊົນ ທີ່ຈະສົ່ງໄປຍັງກອງປະຊຸມ, ເຊິ່ງສາມາດສົ່ງຄຳຄິດຄຳເຫັນ ແລະ ຄຳສະເໜີ ໄປຍັງກອງປະຊຸມຜ່ານ ໂທລະສັບສາຍດວ່ນ 156; ໂທລະສານ ໝາຍເລກ: 021 413 528; ສົ່ງເປັນຈົດໝາຍທາງໄປສະນີ ຕູ້ ປນ. 662 ຫລື ສົ່ງອີເມວ: na_session@na.gov.la


ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 20 ພະຈິກ 2018 ທີ່ຫ້ອງປະຊຸມສະພາແຫ່ງຊາດ (ຫຼັກ 6), ພາຍໃຕ້ການເປັນປະທານຂອງທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ, ປະທານສະພາແຫ່ງຊາດ, ໂດຍການໃຫ້ກຽດເຂົ້າຮ່ວມຂອງທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ, ມີບັນດາການນຳ, ອະດີດການນຳພັກ-ລັດ, ສະມາຊິກສະພາແຫ່ງຊາດ ທຸກເຂດເລືອກຕັ້ງ ແລະພາກສ່ວນຕ່າງໆ ທີ່ກ່ຽວຂ້ອງ.

ທ່ານນາງ ປານີ ຢາທໍ່ຕູ້ ກ່າວວ່າ: ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ VIII ຈະດໍາເນີນໄປເຖິງທີ 21 ທັນວາ 2018 ຊຶ່ງຈະໃຊ້ເວລາດໍາເນີນກອງປະຊຸມທັງໝົດ 22 ວັນ (ບໍ່ລວມວັນພັກລັດຖະການ). ໂດຍກອງປະຊຸມ ຄັ້ງນີ້ ຈະພິຈາລະນາ ແລະຮັບຮອງເອົາ 12 ບັນຫາສຳຄັນຄື:

1) ພິຈາລະນາ, ຮັບຟັງບົດລາຍງານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ກ່ຽວກັບການຈັດຕັ້ງປະຕິບັດວຽກງານທີ່ພົ້ນເດັ່ນປະຈຳປີ 2018 ແລະທິດທາງວຽກງານຈຸດສຸມໃນປີ 2019 ຂອງລັດຖະບານ;

2) ພິຈາລະນາ, ຮັບຮອງເອົາບົດລາຍງານຂອງທ່ານຮອງນາຍົກລັດຖະມົນຕີ, ລັດຖະມົນກະຊວງການເງິນ ກ່ຽວກັບສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ແຜນເງິນຕາ ໄລຍະ 9 ເດືອນ, ແຜນວຽກຄາດຄະເນການຈັດຕັ້ງປະຕິບັດໝົດປີ 2018, ທິດທາງແຜນການປີ 2019 ແລະ ບົດລາຍງານການສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2017;

3) ພິຈາລະນາ, ຮັບຮອງເອົາການຊີ້ແຈງຂອງລັດຖະບານຕໍ່ຄຳຊັກຖາມຂອງສອງ 2 ກະຊວງຄື: ກະຊວງໂຍທາທິການ ແລະ ຂົນສົ່ງ ຊີ້ແຈງກ່ຽວກັບສະພາບການກໍ່ສ້າງ ແລະສ້ອມແປງຖະໜົນຫົນທາງ (ໃນໄລຍະຜ່ານ ມາເຫັນວ່າ ຄຸນນະພາບການກໍ່ສ້າງຕໍ່າ, ມູນຄ່າການກໍ່ສ້າງສູງ, ແກ່ຍາວເວລາກໍ່ສ້າງ ແລະທິດທາງແກ້ ໄຂບັນຫາດັ່ງກ່າວໃນຕໍ່ໜ້າມີແນວໃດ); ກະຊວງສາທາລະນະສຸກ ຊີ້ແຈງກ່ຽວກັບຄຸນນະພາບການບໍລິ ການການປິ່ນປົວຢູ່ໂຮງໝໍ, ສຸກສາລາ; ການຊີ້ແຈງອະທິບາຍຂອງອົງການໄອຍະການປະຊາຊົນສູງສຸດ ກ່ຽວກັບການປະຕິບັດກົດໝາຍວ່າດ້ວຍຄວາມຜູກພັນໃນສັນຍາ ແລະນອກສັນຍາ ກ່ຽວກັບການຫັນການລະເມີດສັນຍາກູ້ຢືມ ມາດໍາເນີນເປັນຄະດີອາຍາ ແລະທິດທາງແກ້ໄຂໃນຕໍ່ໜ້າ. ນອກນັ້ນ ຍັງຈະໄດ້ຮັບຟັງການຊີ້ແຈງອະທິບາຍເພີ່ມຈາກທ່ານ ນາຍົກລັດຖະມົນຕີມ, ບັນດາລັດຖະມົນຕີຈາກກະຊວງ,ອົງການທີ່ກ່ຽວຂ້ອງ ທີ່ພົວພັນເຖິງບັນຫາທີ່ພົ້ນເດັ່ນໃນການຄຸ້ມຄອງ-ບໍລິຫານລັດ ທາງດ້ານເສດຖະກິດ-ສັງຄົມ.

4) ພິຈາລະນາ, ຮັບຟັງບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດມະຕິຂອງກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII (ສະບັບເລກທີ 079/ສພຊ, ລົງວັນທີ 17 ພະຈິກ 2017); ວ່າດ້ວຍການພັດທະນາຊົນນະບົດ ແລະລຶບລ້າງຄວາມທຸກຍາກ ຕິດພັນກັບເປົ້າໝາຍການພັດທະນາແບບຍືນຍົງ.

5) ພິຈາລະນາ, ຮັບຮອງເອົາບົດລາຍງານຂອງອົງການ ກວດສອບແຫ່ງລັດ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານປະຈໍາປີ 2018 ແລະ ທິດທາງແຜນການປະຈໍາປີ 2019; ບົດລາຍງານຜົນການກວດສອບ,ບົດສະຫຼຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2017.

6) ພິຈາລະນາ, ຮັບຮອງເອົາບົດລາຍງານຂອງອົງການກວດກາລັດຖະບານ ກ່ຽວກັບການກວດກາຕາມຜົນການກວດສອບ ບົດສະຫຼຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດສົກປີ 2013-2014, 2014-2015 ແລະ2015-2016.

7) ພິຈາລະນາ, ຮັບຮອງເອົາການແຕ່ງຕັ້ງຜູ້ວ່າການທະນາຄານແຫ່ງ ສປປ ລາວ ຕາມການ ສະເໜີຂອງທ່ານນາຍົກລັດຖະມົນຕີ;

8) ພິຈາລະນາ, ຮັບຮອງເອົາບົດສະເໜີຂອງລັດຖະບານ ກ່ຽວກັບ ຊົນເຜົ່າບຣູ.

9) ພິຈາລະນາ, ຮັບຮອງເອົາບົດລາຍງານຂອງອົງ ການໄອຍະການປະຊາຊົນສູງສຸດ ແລະສານປະຊາຊົນສູງສຸດ ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານກາງສະໄໝ (2016-2018), ການເຄື່ອນໄຫວວຽກງານ 9 ເດືອນ ປະຈໍາປີ 2018, ທິດທາງແຜນການຮອດປີ 2020 ແລະວຽກງານຈຸດສຸມປະຈໍາປີ 2019.

10) ພິຈາລະນາ,ຮັບຮອງເອົາບົດລາຍງານ ກ່ຽວກັບການເຄື່ອນໄຫວ ວຽກງານ ກາງສະໄໝ ຂອງສະພາແຫ່ງຊາດຊຸດທີ VIII (2016-2018), ປະຈໍາປີ 2018, ທິດທາງ ແຜນການຮອດກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸດທີ IX ແລະແຜນວຽກຈຸດສຸມປະຈໍາປີ 2019 ຂອງສະພາແຫ່ງຊາດ;

11) ພິຈາລະນາ, ຮັບຮອງເອົາແຜນການສ້າງ ແລະປັບປຸງກົດໝາຍ, ແຜນການຕິດຕາມ ກວດກາປະຈໍາປີ 2019 ຂອງສະພາແຫ່ງຊາດ. 12 ພິຈາລະນາ, ຮັບຮອງເອົາການສ້າງ ແລະ ປັບປຸງຮ່າງກົດໝາຍ ຈໍານວນ 8 ສະບັບຄື: ໃນຂົງເຂດເສດຖະກິດ 4 ສະບັບ, ຂົງເຂດວັດທະນະທໍາ-ສັງຄົມ 2 ສະບັບ, ຂົງເຂດປົກຄອງ ແລະຍຸຕິທໍາ 1 ສະບັບ, ແລະຂົງເຂດຕ່າງປະເທດ 1 ສະບັບ.

ນອກນັ້ນ ກອງປະຊຸມ ຍັງນີ້ ຈະໄດ້ປະກອບຄໍາເຫັນໃສ່ຮ່າງກົດໝາຍວ່າດ້ວຍທີ່ດິນ ສະບັບປັບປຸງ ຊຶ່ງເປັນຮ່າງກົດໝາຍທີ່ສໍາຄັນ ໃນການຈັດຕັ້ງຜັນຂະຫຍາຍມະຕິ ຂອງຄະນະບໍລິຫານງານສູງກາງພັກ ວ່າດ້ວຍການເພີ່ມທະວີວຽກງານຄຸ້ມຄອງ ແລະພັດທະນາທີ່ດິນໃນໄລຍະໃໝ່ ສະບັບເລກທີ 026\ຄບສພ ລົງວັນທີ 3 ເດືອນ 8 ປີ 2017 ໃຫ້ເປັນອັນລະອຽດ ເພື່ອເປັນເຄື່ອງມືໃນການຄຸ້ມຄອງ ແລະສົ່ງເສີມການນໍາໃຊ້ທີ່ດິນ ຊຶ່ງເປັນທ່າແຮງ ທາງດ້ານຊັບພະຍາກອນໃຫ້ມີປະສິດທິຜົນ ແກ່ການພັດທະນາເສດຖະກິດແຫ່ງຊາດ ກໍຄືການສົ່ງເສີມການຜະລິດ ແລະປັບປຸງຊີວິດການເປັນຢູ່ຂອງປະຊາຊົນລາວບັນດາເຜົ່າໃຫ້ນັບມື້ດີຂຶ້ນ.

ຂະນະດຽວກັນນີ້ ໃນໄລຍະດຳເນີນກອງປະຊຸມສະພາແຫ່ງຊາດ, ຄະນະເລຂາທິການສະພາແຫ່ງຊາດ ໄດ້ຈັດຕັ້ງໜ່ວຍງານຮັບຜິດຊອບໂທລະສັບສາຍດ່ວນ ເພື່ອຮັບເອົາຄຳຄິດຄຳເຫັນ ແລະຄໍາສະເໜີໂດຍກົງ ຈາກປະຊາຊົນ ທີ່ຈະສົ່ງໄປຍັງກອງປະຊຸມ, ເຊິ່ງສາມາດສົ່ງຄຳຄິດຄຳເຫັນ ແລະ ຄຳສະເໜີ ໄປຍັງກອງປະຊຸມຜ່ານ ໂທລະສັບສາຍດວ່ນ 156; ໂທລະສານ ໝາຍເລກ: 021 413 528; ສົ່ງເປັນຈົດໝາຍທາງໄປສະນີ ຕູ້ ປນ. 662 ຫລື ສົ່ງອີເມວ: na_session@na.gov.la

Bounsong InsideLaos
Bounsong InsideLaoshttp://insidelaos.com
Online Journalists at insidelaos.com.

More from author

Related posts

Advertismentspot_img

Latest posts

ເລີ່ມ 4 ມີນາ ຈະປັບຂຶ້ນຄ່າທຳນຽມ ແລະ ຄ່າບໍລິການ ອອກໜັງສືຜ່ານແດນທົ່ວໄປ

ກົມກົງສຸນ ໄດ້ໃຫ້ຮູ້ວ່າ: ຕາມລັດຖະບັນຍັດວ່າດ້ວຍການປັບປຸງບາງມາດຕາຂອງລັດຖະບັນຍັດວ່າດ້ວຍຄ່າທຳນຽມ ແລະ ຄ່າບໍລິການ ໃນຂົງເຂດການຕ່າງປະເທດ, ສະບັບເລກທີ 001/ປປທ, ລົງວັນທີ 26 ມັງກອນ 2024, ຈະໄດ້ມີການປັບປຸງຄ່າທຳນຽມ ແລະ ຄ່າບໍລິການອອກໜັງສືຜ່ານແດນ ຕາມລັດຖະບັນຍັດສະບັບປັບປຸງດັ່ງກ່າວນີ້ ໄດ້ກຳນົດຄ່າທຳນຽມ ແລະ ຄ່າບໍລິການອອກໜັງສືຜ່ານແດນເປັນເງິນໂດລາ ເພື່ອເປັນບ່ອນອີງໃນການຈັດເກັບໃນລາຄາ ດັ່ງນີ້: ຄ່າທຳນຽມ ແລະ ຄ່າບໍລິການອອກໜັງສືຜ່ານແດນ ເອເລັກໂຕຣນິກ ລາຄາ 60 ໂດລາ ແລະ ບໍ່ແມ່ນເອເລັກໂຕຣນິກ ລາຄາ 40 ໂດລາ.

WhatsApp ເພີ່ມຟີເຈີໃໝ່ ສາມາດສະຫຼັບບັນຊີທີ່ໃຊ້ຄົນລະເບີໂທໄດ້.

ຍັງມີຢູ່ບໍ່ຜູ້ທີ່ໃຊ້ເບີຫຼາຍເບີ ເລີຍເຮັດໃຫ້ຕ້ອງໃຊ້ Whatsapp ຫຼາຍອັບໄປນໍ ປັດຈຸບັນທາງ WhatsApp ໄດ້ອັບບເດດຟີເຈີໃໝ່ເຂົ້າມາເຊິ່ງສາມາດເພີ່ມໄດ້ອີກເບີໂທ ຫຼືເພີ່ມບັນຊີໃໝ່ໄດ້ ເຊິ່ງຖ້າເປັນປົກກະຕິເຮົາຕ້ອງໃຊ້ການໂຄນແອັບຂອງ WhatsApp ເພື່ອມາງານໃຊ້ເບີທີສອງ.

ເປີດນໍາໃຊ້ທາງຫຼວງ ແຕ່ຂົວນໍ້າສັງ ເມືອງສັງທອງ ນະຄອນຫຼວງວຽງຈັນ ຫາ ບ້ານຄົກເຂົ້າດໍ ເມືອງຊະນະຄາມ ແຂວງວຽງຈັນ.

ກະຊວງໂຍທາທິການ ແລະ ຂົນສົ່ງ ໄດ້ຈັດພິທີເປີດນໍາໃຊ້ ໂຄງການກໍ່ສ້າງທາງຫຼວງແຫ່ງຊາດເລກ 11 ແຕ່ຂົວນໍ້າສັງ ເມືອງສັງທອງ ນະຄອນຫຼວງວຽງຈັນ ຫາ ບ້ານຄົກເຂົ້າດໍ ເມືອງຊະນະຄາມ ແຂວງວຽງຈັນ ເຊິ່ງໂຄງການກໍ່ສ້າງ ທາງເລກ 11 ມີຄວາມລວງຍາວ 104,98 ກິໂລແມັດ ແລະ ກໍ່ສ້າງທາງຊອຍແຕ່ ບ້ານໂນນສະຫວັນ ຫາ ເທດສະບານ ເມືອງຊະນະຄາມ ລວງຍາວ 16,55 ກິໂລແມັດ ເປັນໂຄງການບຸລິມະສິດຂອງລັດຖະບານ, ນອນຢູ່ໃນແຜນຍຸດທະສາດ ຂອງກະຊວງໂຍທາທິການ ແລະ ຂົນສົ່ງ ກໍຄື ແຜນພັດທະນາເສດຖະກິດ-ສັງຄົມ ຂອງລັດຖະບານ.

Want to stay up to date with the latest news?

We would love to hear from you! Please fill in your details and we will stay in touch. It's that simple!