Saturday, July 20, 2024
Lenovo

ຊົມເຊີຍ! ກະຊວງປ້ອງກັນຄວາມສະຫງົບ ເອົາໃຈໃສ່ການຄຸ້ມຄອງ-ແກ້ໄຂແຮງງານຕ່າງປະເທດ ທີ່ບໍ່ຖືກຕ້ອງຕາມລະບຽບກົດໝາຍ

ໃນມື້ນີ້, ທ່ານ ພົນຕີ ກົງທອງ ພົງວິຈິດ ຮອງລັດຖະມົນຕີ ກະ ຊວງປ້ອງກັນຄວາມສະຫງົບ ໄດ້ຊີ້ແຈງ ແລະ ຕອບຂໍ້ຊັກຖາມ ຂອງບັນດາສະມາຊິກສະພາແຫ່ງຊາດ ຕໍ່ກັບບັນຫາ ການຄຸ້ມຄອງແຮງງງານ ຕ່າງປະເທດ ທີ່ບໍ່ຖືກຕ້ອງຕາມກົດໝາຍ, ເຊິ່ງໃນໄລຍະຜ່ານມາ ກະຊວງປ້ອງກັນຄວາມສະຫງົບ ກໍ ໄດ້ສົມທົບກັບພາກສ່ວນກ່ຽວຂ້ອງ ໂດຍສະເພາະ ກະຊວງແຮງງານ ແລະ ສະຫວັດດີການສັງຄົມ ແລະ ກະຊວງການຕ່າງປະເທດ ໄດ້ມີການຕິດຕາມກວດກາ ແລະ ປັບສະຖານະພາບ ແຮງງານຕ່າງປະເທດ ເປັນແຕ່ລະໄລຍະ, ເຊິ່ງເຫັນວ່າມີອັນດີຂຶ້ນ ແຕ່ຍັງບໍ່ສາມາດ ແກ້ໄຂໃຫ້ໝົດໄດ້.

ຕໍ່ກັບບັນຫາດັ່ງກ່າວ, ທ່ານຮອງລັດຖະມົນຕີ ຍັງໄດ້ຂໍການຮ່ວມໄມ້ຮ່ວມມື ກັບສະພາແຫ່ງຊາດ ກໍຄື ທຸກພາກສ່ວນກ່ຽວຂ້ອງ ໃນການແກ້ໄຂບັນຫາດັ່ງກ່າວໃຫ້ໝົດໄປ, ເຊິ່ງແຮງງານສ່ວນຫລາຍ ກໍແມ່ນມາຈາກປະເທດເພື່ອນມິດ ທີ່ມາປະກອບອາຊີບ ທີ່ບໍ່ສອດຄ່ອງຕໍ່ລະບຽບກົດໝາຍ ແລະ ພວກເຮົາກໍຕ້ອງຄ່ອຍໆແກ້ໄຂ ເພື່ອໃຫ້ມີຄວາມສະຫງົບ, ໃນໄລຍະຜ່ານມາ ກໍມີເຈົ້າໜ້າທີ່ບາງສ່ວນ ໄດ້ອຳ ນວຍຄວາມສະດວກ ແລະ ສົມຮູ້ຮ່ວມຄິດກັບແຮງງານດັ່ງກ່າວ, ເຊິ່ງພວກເຮົາກໍໄດ້ມີການ ແກ້ໄຂ ແລະ ມີມາດຕະການຕໍ່ຜູ້ທີີ່ ລະເມີດຕໍ່ລະບຽບວິໄນ ຂອງກຳລັງປ້ອງກັນ ຄວາມສະຫງົບ.

ສຳລັບແຮງງານຕ່າງປະເທດ ທີ່ເຂົາມາແບບບໍ່ຖືກຕ້ອງນັ້ນ, ສ່ວນຫລາຍແມ່ນ ມາເຮັດວຽກຢູ່ຮ້ານເສີມສວຍ, ຕັດຜົມ, ຕັດເລັບ, ເລາະຂ່າຍເຄື່ອງຍ່ອຍຕ່າງໆ ແລະ ປະກອບອາຊີບອື່ນໆ ຈຳນວນໜຶ່ງ.
#insidelaos
Cr.KPL

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.