ຂໍຂອບໃຈນຳຜູ້ສະໜັບສະໜູນ

ມື້​ວານນີ້,​ ທີ່ຫ້ອງວ່າການສຳນັກງານນາຍົກລັດຖະມົນຕີ ໄດ້ອອກແຈ້ງການກ່ຽວກັບ ການກະກຽມວຽກງານປະເມີນຜົນ ແລະ ຟື້ນຟູໄພພິບັດ ຢູ່ເມືອງສະໜາມໄຊ ແຂວງອັດຕະປື, ໂດຍອີງຕາມທິດຊີ້ນໍາຂອງ ທ່ານ ຮອງນາຍົກລັດຖະມົນຕີ, ປະທານຄະນະກຳມະ ການສະເພາະກິດແກ້ໄຂໄພພິບັດລະດັບຊາດ ຄັ້ງວັນທີ 31 ທັນວາ 2018.

ແຈ້ງການສະບັບດັ່ງກ່າວລະບຸວ່າ: ມອບໃຫ້ໜ່ວຍງານປະສານງານ ແລະ ໜ່ວຍງານປະເມີນຜົນ ແລະ ພື້ນຟູໄພພິບັດຂັ້ນສູນກາງ ແລະ ຂັ້ນແຂວງ ເຊີນບໍລິສັດ SK, PNPC ແລະ ບໍລິສັດປະ ກັນໄພ ປະຊຸມປຶກສາຫາລືດ້ານວິຊາການ ກ່ຽວກັບວິທີການ ແລະ ຂະບວນການໃນການຊົດເຊີຍ ໃຫ້ປະຊາຊົນຢ່າງເປັນລາຍລັກອັກສອນ, ສຳລັບບ້ານໃດປະເມີນສຳເລັດແລ້ວ ກໍໃຫ້ປະຕິບັດການຊົດເຊີຍໄປພ້ອມ.

ມອບໃຫ້ໜ່ວຍງານປະສານງານ, ໜ່ວຍງານປະເມີນຜົນ ແລະ ພື້ນຟູໄພພິບັດ ປະສານສົມທົບກັບແຂວງອັດຕະປື, ກະຊວງແຮງງານ ແລະ ສະຫວັດດີການສັງຄົມ ແລະ ຂະແໜງການກ່ຽວຂ້ອງ ຄົ້ນຄວ້າພິຈາລະນາ ປັບປຸງໜ່ວຍງານປະເມີນຜົນ ແລະ ຟື້ນຟູ ສຳເລັດຕາມແຜນທີ່ໄດ້ວາງໄວ້, ໂດຍສະເພາະແມ່ນເລັ່ງໃສ່ຈັດສັນທີ່ພັກຊົ່ວຄາວ ໃຫ້ສຳເລັດພາຍໃນກາງເດືອນມັງກອນ 2019 ແລະ ສືບຕໍ່ວຽກງານຈັດສັນທີ່ຢູ່ຖາວອນໃຫ້ປະຊາຊົນໃນຂັ້ນຕໍ່ໄປ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທີ່​ມາ: facebook.com/955035914700189

Hits: 4

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້