ໃນວັນທີ 22 ກຸມພາ 2019, ກະຊວງແຜນການ ແລະ ການລົງທຶນ ຮ່ວມກັບ ອົງ ການການເງິນສາກົນ (IFC) ແລະ ລັດຖະບານການາດາ ຈັດກອງປະຊຸມ ກ່ຽວກັບການລົງທຶນຮ່ວມ ລະ ຫວ່າງພາກລັດ ແລະ ພາກເອກະຊົນ (ຫລື PPP) ເພື່ອປຶກສາຫາຫລື ໃນການສົ່ງເສີມການລົງທຶນໃນຂະແໜງການທີ່ສຳຄັນໃນ ສປປ ລາວ.
ກອງປະຊຸມດຳເນີນພາຍໃຕ້ການເປັນປະທານຮ່ວມ ຂອງ ທ່ານ ມະໂນທອງ ວົງໄຊ ຫົວໜ້າກົມສົ່ງເສີມການລົງທຶນ, ກະຊວງແຜນການ ແລະ ການລົງທຶນ, ທ່ານ ທີມມໍທີ ເອດເວີດ ອຸ ປະທູດ,ສະຖານທູດການນາດາປະຈຳລາວ ແລະ ທ່ານ ນາງ ອິດສະເບວ ແຊດເຕີຕັນ (Isabel Chatterton) ຫົວໜ້າໜ່ວຍງານໃຫ້ຄຳປຶກສາດ້ານວິຊາການ PPP ປະຈຳພາກພື້ນອາຊີ-ປາຊີຟິກຂອງ IFC ໂດຍການເຂົ້າຮ່ວມຂອງບັນດາຜູ້ຕາງໜ້າ ຈາກສະຖານທູດ, ອົງການຈັດຕັ້ງສາກົນ, ຄູ່ຮ່ວມພັດທະນາ ແລະ ກະຊວງທີ່ກ່ຽວຂ້ອງ.
ທີ່ມາ: ຂປລ