Tuesday, July 23, 2024
Lenovo

ຍີ່ປຸ່ນຊ່ວຍເຫຼືອລ້າ 2,2 ກວ່າຕື້ກີບ ພັດທະນາຂະແໜງກະສິກຳ

ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອລ້າ 3 ໂຄງການໃຫ້ແກ່ຂະແໜງກະສິກຳ ຊຶ່ງພາຍໃຕ້ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ, ພິທີເຊັນສັນຍາໂຄງການຊ່ວຍໄດ້ຈັດຂຶ້ນທີ່ສະຖານທູດຍີ່ປຸ່ນປະຈຳລາວ ໂດຍຕາງໜ້າຂອງທ່ານ ຄຸໂນະ ຄາຊຶຮິໂຣະ ອຸປະທູດຍີ່ປຸ່ນປະຈຳລາວ ແລະ ບັນດາທ່ານຫົວໜ້າຫ້ອງການກະສິກຳ ແລະປ່າໄມ້ຂັ້ນເມືອງທີ່ຕາງໜ້າເຊັນຮັບໂຄງການ ໂດຍມີທ່ານ ບຸນຂວາງ ຄຳບຸນເຮືອງ ຮອງລັດຖະມົນຕີກະຊວງກະສິກຳ ແລະປ່າໄມ້ໃຫ້ກຽດເຂົ້າຮ່ວມເປັນສັກຂ່ີພີຍານ.

ໂຄງການຊ່ວຍລ້າຄັ້ງນີ້ ປະກອບມີໂຄງການກໍ່ສ້າງຄອງເໝືອງ ແລະ ກໍ່ສ້າງອ່າງເກັບນ້ຳຊົນລະປະທານຂະໜາດນ້ອຍໃຫ້ໝູ່ບ້ານທີ່ກຳລັງປະເຊີນບັນຫາທ້າທາຍສະເພາະໃນແຂວງສະຫວັນນະເຂດ ໃນນັ້ນໂຄງການກໍ່ສ້າງຄອງເໝືອງແມ່ນຈະໄດ້ສ້າງຂຶ້ນທີ່ບ້ານໂພນທອງ,ບ້ານດອນແຍງ ເມືອງຈຳພອນ ແລະ ບ້ານຕົ້ນແຫນ ເມືອງໄຊບູລີ ເນື່ອງຈາກວ່າລະບົບຄອງເໝືອງທີ່ມີຢູ່ປະຈຸບັນແມ່ນບໍ່ໄດ້ມາດຕະຖານໂດຍມີລະບົບນ້ຳໄຫຼຮົ່ວຊຶມ.

ສ່ວນໂຄງການກໍ່ສ້າງອ່າງເກັບນ້ຳຊົນລະປະທານຂະໜາດນ້ອຍແມ່ນຈະໄດ້ສ້າງທີ່ບ້ານນ້ຳພຸ ເມືອງໄຊພູທອງ ໂດຍອ່າງເກັບນ້ຳລະບົບຊົນລະປະທານທີ່ມີຢູ່ໃນປະຈຸບັນແມ່ນໂຊມລົງເຊັນດຽວກັນ ສະນັ້ນໂຄງການເຫຼົ່ານີ້ຈະຊ່ວຍປັບປຸງຍົກລະດັບການເຂົ້າເຖິງເປົ້າໝາຍໄດ້ຮັບຜົນປະໂຫຍດສູງສຸດຂອງປະຊາຊົນ ສຳລັບ 3 ໂຄງການຂະແໜງກະສິກຳທີ່ລັດຖະບານຍີ່ປຸ່ນຊ່ວຍເຫຼືອລ້າຄັ້ງນີ້ລວມມູນຄ່າທັງໝົດແມ່ນ 2,61 ແສນໂດລາສາຫະລັດ ປະມານ 2,2 ກວ່າຕື້ກີບ.

ທ່ານ ບຸນຂວາງ ຄຳບຸນເຮືອງ ໄດ້ສະແດງຊົມເຊີຍມາຍັງຕໍ່ລັດຖະບານຍີ່ປຸ່ນທີ່ໄດ້ທີ່ໄດ້ເອົາໃຈໃສ່ຊອກແຫຼ່ງທຶນມາປະກອບສ່ວນເຂົ້າວຽກງານພັດທະນາດ້ານກະສິກຳ ແລະປ່າໄມ້ໃນ ສປປລາວ ໃນໂຄງການເສີມສ້າງຄວາມໝັ້ນຄົງມະນຸດໃນຂັ້ນຮາກຖານ ແລະ ພ້ອມຖືເອົາການພັດທະນາດ້ານກະສິກຳຂອງໂຄງການນີ້ເປັນປາຍແຫຼມໃນການສ້າງເສດຖະກິດ-ສັງຄົມອຳນວຍຄວາມສະດວກປະກອບສ່ວນເຂົ້າໃນການພັດທະນາຊົນນະບົດ ແລະ ລຶບລ້າງຄວາມທຸກຍາກ.

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.