ທີ່ສະຖາບັນສື່ມວນຊົນ ວັດທະນະທໍາ ແລະ ທ່ອງທ່ຽວ ກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ຈັດຊຸດອົບຮົມພະນັກງານນໍາທ່ຽວລະດັບຊາດ ຄັ້ງທີ່ 26 ຂຶ້ນ ໂດຍມີ ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງ ຖວທ.
ພ້ອມນີ້ມີ ທ່ານຫົວໜ້າສະຖາບັນສື່ມວນຊົນ ວັດທະນະທໍາ ແລະ ທ່ອງທ່ຽວ ບັນດາຫົວ ໜ້າກົມ ຮອງກົມ ຮອງຫົວໜ້າພະແນກ ບັນດານັກຄູເຝິກ ແລະ ນັກເຝິກອົບຮົມມາຈາກຂອບເຂດທົ່ວປະເທດເຂົ່າຮ່ວມ.
ສໍາລັບຜູ້ເຂົ້າຮ່ວມເຝິກອົບຮົມຄັ້ງນີ້ມີ 64 ຄົນ ທີ່ຜ່ານການຄັດເລືອກ ຈາກ 108 ຄົນ ທີ່ໄດ້ສົ່ງຄໍາຮ້ອງຂໍເຂົ້າເຝິກອົບຄັ້ງນີ້ ວິຊາທີ່ນໍາມາເຝິກອົບຮົມມີ 3 ພາກ ລວມ 24 ວິຊາ ເພື່ອສ້າງພະນັກງານນໍາທ່ຽວ ໃຫ້ມີຄວາມຮູ້ ຄວາມສາມາດທີ່ໄດ້ມາດຕະຖານ ຈະໃຊ້ເວລາເຝິກອົບຮົມທັງໝົດ 55 ວັນ ເມື່ອສໍາເລັດການອົບຮົມ ຜ່ານການປະເມີນຜົນຈະໄດ້ຮັບໃບຢັ້ນຢືນຈາກກະຊວງ ຖວທ.
ແຫຼ່ງຂໍ້ມູນ: Vientiane Mai