ໜັງສືພິມວຽງຈັນທາຍລາຍງານໃຫ້ຮູ້ວ່າ ມາເຖິງປະຈຸບັນການລະບາດຂອງພະຍາດໄຂ້ຍຸ້ງລາຍຍັງສືບຕໍ່ເອົາຊີວິດປະຊາຊົນໃນທົ່ວປະເທດໄປແລ້ວ 31 ຄົນ ເຊິ່ງພົບເຫັນຜູ້ເສຍຊີວິດຫຼ້າສຸດແມ່ນມື້ວານນີ້ 16/07/2109 ຢູ່ແຂວງຄຳມ່ວນ.
ກະຊວງສາທາລະນະສຸກ ໄດ້ລາຍງານໃນ ຕອນບ່າຍມື້ນີ້ 17/07/2019 ວ່າ ພະຍາດ ໄຂ້ຍຸງລາຍໄດ້ມີການລະບາດເກີດຂຶ້ນເປັນວົງກວ້າງ ສົ່ງຜົນໃຫ້ມີກໍລະນີຄົນເຈັບເພີ່ມຂຶ້ນ ແລະ ອັດຕາການເສຍຊີວິດກໍເພີ່ມຂຶ້ນເຊັ່ນ ກັນ. ປະຈຸບັນມີຜູ້ເປັນໄຂ້ຍຸງລາຍທັງໝົດ 14,242 ຄົນ ເສຍຊີວິດແລ້ວ 31 ຄົນ ນັບ ແຕ່ທ້າຍເດືອນທັນວາ 2018 ຫາ 16/07/2019.
ນະຄອນຫຼວງວຽງຈັນ ເປັນອັນດັບໜຶ່ງທີ່ມີຜູ້ຕິດເຊື້ອພະຍາດໄຂ້ຍຸງລາຍ 2,693 ກໍລະນີ ເສຍຊີວິດ 6 ຄົນ, ຈຳປາສັກ 2,648 ກໍລະນີ ເສຍຊີວິດ 5 ຄົນ, ສະຫວັນນະເຂດ 2,438 ກໍລະນີ ເສຍຊີວິດ 10 ຄົນ ແລະ ອື່ນໆ. ແຂວງທີ່ຍັງບໍ່ມີການລາຍງານຄົນເປັນໄຂ້ຍຸງ ລາຍ ແມ່ນແຂວງຫົວພັນ.
ກະຊວງສາທາລະນະສຸກໄດ້ຮຽກຮ້ອງໃຫ້ ປະຊົນລາວ ບັນດາເຜົ່າ ໃນຂອບເຂດທົ່ວປະ ເທດ ໃຫ້ເອົາໃຈໃສ່ປ້ອງກັນຕົນເອງ, ນອນ ໃນມຸ້ງ, ຫຼີກເວັ້ນບໍ່ໃຫ້ຍຸງກັດ ສິ່ງສຳຄັນ ຕ້ອງ ມີສ່ວນຮ່ວມກັບອຳນາດ ການປົກ ຄອງບ້ານ, ເມືອງ, ແຂວງ ໃນການອະນາໄມສິ່ງແວດລ້ອມ, ກຳຈັດແຫຼ່ງເພາະພັນຍຸງລາຍໂດຍ ສະເພາະຈັດຕັ້ງປະຕິບັດຫຼັກການ 5 ປ ຂອງກະຊວງ ສາທາລະນະສຸກວາງອອກຢ່າງ ເຄັ່ງຄັດຄື:
ປ ປິດ (ປົກປິດພາສະນະທີ່ກັກ ເກັບນ້ຳທັງໃນ ແລະ ນອກເຮືອນ ບໍ່ໃຫ້ຍຸງ ລາຍມາໄຂ່ໃສ່), ປ ປ່ຽນ (ປ່ຽນນ້ຳ ໃນພາສະ ນະທີ່ກັກເກັບນ້ຳເຊັ່ນ: ເຕົ້າດອກໄມ້, ນ້ຳ ຮອງຕີນຕູ້ ແລະ ອື່ນໆ), ປ ປ່ອຍ (ປ່ອຍປາ ຫາງຍົກຍຸງ ເພື່ອກິນໜອນນ້ຳ), ປ ປັບປຸງ (ປັບປຸງ ສິ່ງແວດລ້ອມອ້ອມເຮືອນໃຫ້ສະ ອາດ ເປັນປະຈຳທຸກອາທິດ) ແລະ ປ ປະ ຕິບັດໃຫ້ເປັນນິໄສທຸກໆອາທິດ.
ຂ່າວ: ບົວຜັນ
ພາບ: ກະຊວງສາທາລະນະສຸກ
