ຢູ່ທີ່ສະໂມສອນເມືອງສາລະວັນ ໄດ້ຈັດພິທີມອບ-ຮັບ ອຸປະກອນການແພດ ແລະຢາປິ່ນປົວພະຍາດຈຳນວນໜຶ່ງ ຈາກມູນນິທິ Korea love sharing community ສ ເກົາຫຼີ ປະຈຳລາວ ໂດຍການມອບຂອງ ທ່ານ ແບັກ ຊອງຢອງ ປະທານມູນນິທິ Korea love sharing community ປະຈຳລາວ ຮັບໂດຍ ທ່ານ ທຶງ ຈອມມະນີ ເຈົ້າເມືອງສາລະວັນ, ມີຄະນະພັກ, ກຳມະການພັກເມືອງ, ຜູ້ປະສານງານມູນນິທິ, ຫົວໜ້າ-ຮອງຫ້ອງການອ້ອມຂ້າງເມືອງເຂົ້າຮ່ວມເປັນສັກຂີພິຍານ.
ທ່ານ ນາງ ວົງຈັນ ພັນທະວົງ ຜູ້ປະສານງານມູນນິທິ ໃຫ້ຮູ້ວ່າ ເພື່ອເປັນການປະກອບສ່ວນຊ່ວຍເຫຼືອຂອງມູນນິທີ Korea love sharing community ສ ເກົາຫຼີ ປະຈຳລາວ ທາງດ້ານອຸປະກອນການແພດ ແລະ ຢ່າປິ່ນ ປົວພະຍາດໃຫ້ກັບເມືອງ ແລະ ແຂວງສາລະວັນ ເຊິ່ງເປັນຄັ້ງທຳອິດ ແລະ ເມືອງທຳອິດ ສຳລັບແຂວງສາລະວັນ ໃນການຊ່ວຍເຫຼືອ. ເພື່ອປະກອບສ່ວນຊ່ວຍເຫຼືອສັງຄົມເວົ້າລວມ ເວົ້າສະເພາະກໍ່ຄືປະຊາຊົນບັນດາເຜົ່າຂອງເມືອງສາລະວັນ ທີ່ຍັງມີຄວາມຫຍຸ້ງຍາກ, ບໍ່ພຽງພໍທາງດ້ານອຸປະກອນການແພດ ແລະ ຢາປິ່ນປົວພະຍາດ, ເຊິ່ງເຄື່ອງມື ແລະ ອຸປະກອນຕ່າງໆທີ່ມູນນິທິໄດ້ນຳມາມອບໃນຄັ້ງນີ້ປະກອບມີ:
ຢາປິ່ນປົວພະຍາດ, ຕຽງນອນຄົນເຈັບ, ເຄື່ອງວັດແທກຄວາມດັນ ແລະ ອຸປະກອນອື່ນໆທາງດ້ານການແພດອີກຈຳນວນໜຶ່ງ ລວມມູນຄ່າທັງໝົດ 150,000 ໂດລາສະຫາລັດ ຫຼື 1.300.000.000 ກີບ.
ພາບ-ຂ່າວ: ທິດລານີ ໂຄດໂຍທາ Midia Laos
