Wednesday, May 22, 2024
Lenovo

ໜ້າຕົກໃຈ! ອັດຕາການລ້ຽງລູກດ້ວຍນ້ຳນົມແມ່ ຢູ່ລາວຍັງຕ່ຳ

​ອີງ​ຕາມ​ການ​ສຳ​ຫລວດ​ຕົວ​ຊີ້​ ວັດ​ດັດ​ສະ​ນີໝາຍ​ແຫ່ງ​ຊາດ ປີ 2017, ອັດຕາ​ການ​ລ້ຽງ​ລູກ​ດ້ວຍ​ນົມ​ແມ່ ​ໃນ ສປປ ລາວ​ ແມ່​ຍັງ​ຕ່ຳ ຢູ່​ 45% ​ແລະ ມີ​ພຽງ 50% ຂອງ​ແມ່ໃນ ສປປ ລາວ ທີ່​ເລີ່​ມ​ໃຫ້​ລູກ​ກິນ​ນົມ​ແມ່​ທັນທີ​ ຫລັງ​ເກີດ​ພາຍ​ໃນ​ຊົ່ວ​ໂມງ​ທຳ​ອິດ​ຫລັງ​ເກີດ. ມີ​ຄວາມ​ແຕກ​ໂຕນ​ກັນ​ຢ່າງ​ຊັດ​ເຈນ ​ໃນ​ການ​ປະຕິບັດ​ການ​ລ້ຽງ​ລູກ ດ້ວຍ​ນົມ​ແມ່​ໃນ​ແຕ່ລະ​ແຂວງ, ກຸ່ມ​ຊົນ​ເຜົ່າ ​ແລະ ລະ ດັບ​ລາຍ​ຮັບ.

ພ້ອມ​​ນີ້, ​ຍັງ​ມີ​ພໍ່​ແມ່​ຫລາຍ​ຄົນຍັງ​ບໍ່​ຮູ້​ວ່າ​ນົມ​ຜົງ ​ແລະ ນົມ​ປຸງ​ແຕ່ງຕ່າງໆ​ ສຳລັບ​ເດັກ ​ບໍ່​ມີ​ຄຸນ​ປະ​ໂຫຍ​ດຕໍ່​ສຸຂະພາບ​ຫລາຍ​ເທົ່າ​ນົມ​ແມ່ ​ແລະ ຍັງ​ເພີ່ມ​ຄວາມ​ສ່ຽງ​ໃຫ້​ເດັກ​ເຈັບ​ປ່ວຍ​ໄດ້​ງ່າຍ.

ທີ່​ໂຮງ​ແຮມ​ລາວ​ພຣາຊາ ນະຄອນຫລວງ​ວຽງ​ຈັນ, ກົມອານາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ ໄດ້ຈັດງານສັບປະດາສາກົນ ແຫ່ງການລ້ຽງລູກດ້ວຍນົມແມ່ ປີ 2019 ພາຍໃຕ້ຄໍາຂວັນ “ສົ່ງເສີມໃຫ້ ພໍ່-ແມ່ ລ້ຽງລູກດ້ວຍນົມແມ່” ​ເພື່ອສຸມ​ໃສ່​ການ​ສົ່ງ​ເສີມ​ໃຫ້​ທັງ ​ພໍ່ ​ແລະ ​ແມ່​ ມີ​ຄວາມ​ເຂັ້ມ​ແຂງ, ​ເຊິ່ງ​ເປັນ​ສິ່ງ​ທີ່​ຈຳ​ເປັນ​ເພື່​ອ​ເຮັດ​ໃຫ້​ ເປົ້າ​ໝາຍ​ການ​ລ້ຽງ​ລູກດ້ວຍ​ນ້ຳນົມແມ່​ ຂອງ​ພວກ​ເຂົາ​ສາມາດ​ປະຕິບັດ​ໄດ້​ຈິງ, ພ້ອມ​ກັນ​ປ້ອງ​ກັນ, ສົ່ງ​ເສີມ ​ແລະ ສະໜັບສະໜູນ ການ​ລ້ຽງ​ດ້ວຍ​ນົມ​ແມ່​ໃຫ້​ຟົດ​ຟື້ນ.

ທ່ານ ດຣ.ບຸນເພັງ ພິລາວົງ ຫົວໜ້າກົມອານາໄມ ແລະ ສົ່ງເສີມສຸຂະພາບ ກະຊວງສາທາ ລະນະສຸກ​ໄດ້​ກ່າວ​ວ່າ:

ນ້ຳນົມ​ແມ່ ​ແມ່ນ​ອາຫານ​ທີ່​ດີ​ເລີດ​ສຳລັບ​ເດັກ, ມີ​ຄຸນ​ປະ​ໂຫຍ​ດມະຫາສານ ​ເຮັດ​ໃຫ້​ເດັກ​ສຸຂະພາບ​ແຂງ​ແຮງ ​ແລະ ມີ​ໂພ​ຊະ​ນາ​ການ​ດີ, ມີ​ການຈະ​ເລີ​ນ​ເຕີບ​ໂຕ ​ແລະ ການ​ພັດທະນາ​ທາງ​ດ້ານ​ຮ່າງກາຍ ​ແລະ ມັນ​ສະໝອງ​ດີ, ​ເຮັດ​ໃຫ້​ເດັກ​ສະຫລາດ​ຮຽນ​ຮູ້​ໄດ້​ໄວ.

ນອກຈາກ​ນີ້, ນ້ຳນົມ​ແມ່ ​ຍັງ​ມີ​ຜົນ​ດີ​ຫລາຍ​ອັນ​ຕໍ່​ແມ່​ ເຊັ່ນ ຊ່ວຍ​ຫລຸດຜ່ອນ​ການ​ຕາຍ​ຂອງ​ແມ່ ຈາກ​ເລື​ອດ​ໄຫລຫລັງ​ການ​ເກີດ​ລູກ, ຈາກ​ມະ​ເຮັງ​ເຕົ້ານົມ ​ແລະ ມະ​ເຮັງ​ຮວຍ​ໄຂ່ ​ເພາະ​ແຕ່ລະ​ປີ​ມີ​ແມ່ຍິງ​ຕາຍ 20.000 ຄົນ ຍ້ອນ​ມະ​ເຮັງ​ເຕົ້ານົມ, ​ເຊິ່ງພວກ​ເຮົາ​ສາມາດ​ຫລຸດຜ່ອນ ​ແລະ ປ້ອງ​ກັນ​ໄດ້​ໂດຍ​ການ​ລ້ຽງ​ລູກ ​ດ້ວຍ​ນ້ຳນົມ​ແມ່​ຢ່າງ​ຖືກຕ້ອງ, ມີ​ຜົນ​ດີ​ຕໍ່​ການ​ຮັກສາ ສະພາບ​ແວດ​ລ້ອມ (ບໍ່​ມີ​ເສດ​ຂີ້​ເຫຍື້ອ) ​ແລະ ​ເສດຖະກິດ​ຂອງ​ຊາດ.

ນ້ຳນົມ​ແມ່ ​ມີ​ສານ​ອາຫານ​ຄົບ​ຖ້ວນ, ສົມສ່ວນ, ພຽງພໍ​ສຳລັບ​ເດັກ​ແຕ່​ເກີດ​ຈົນ​ຮອດ​ອາຍຸ 6 ​ເດືອນ, ມີ​ພູມ​ຄຸ້ມ​ກັນ​ພະຍາດ​ຊ່ວຍ​ປົກ​ປ້ອງ​ ເດັກ​ຈາກ​ພະຍາດ​ຊືມ​ເຊື້ອ​ຕ່າງໆ, ຊ່ວຍ​ຫລຸດຜ່ອນ​ການ​ຕາຍ​ຂອງ​ເດັກ ​ຈາກ​ພະຍາດ​ຖອກທ້ອງ ​ແລະ ປອດ​ອັກ​ເສບ (70%).

ທ່ານ ດຣ. ບຸນເພັງ ພິລາວົງ ​ໄດ້​ຮຽກຮ້ອງ​ມາ​ຍັງ​ທຸກ​ພາກສ່ວນ​ທີ່​ກ່ຽວຂ້ອງ, ຄະນະ​ອຳນວຍ​ການ​ສຳນັກງານ, ອົງການ, ໂຮງ​ຈັກ​ໂຮງງານ, ​ໂຮງໝໍ, ຊຸມ​ຊົນ, ຄອບຄົວ ​ແລະ ທຸກໆ​ທ່ານ ຈົ່ງ​ສືບ​ຕໍ່​ໃນ​ການ​ປົກ​ປ້ອງ, ສົ່ງ​ເສີມ ​ແລະ ຊ່ວຍ​ເຫລືອ​ສະໜັບສະໜູນ ​ເຮັດ​ໃຫ້​ພໍ່​ແມ່​ເດັກ​ໄດ້​ມີ​ຄວາມ​ສະດວກ ​ໃນ​ການ​ລ້ຽງ​ລູກ​ດ້ວຍ​ນົມ​ແມ່ ຢ່າງ​ດຽວ​ຈົນ​ຮອດ 6 ​ເດືອນ ຄຽງ​ຄູ່​ກັບ​ການ​ໃຫ້​ອາຫານ​ເສີມ​ທີ່​ຖືກ​ຕ້ອງ ​ແລະ ​ເໝາະ​ສົມ​ກັບ​ໄວ​ອາຍຸ​ຂອງ​ເດັກ ​ເມື່ອ​ອາຍຸ 6 ​ເດືອນຂຶ້ນ​ໄປ ​ແລະ ສືບ​ຕໍ່​ລ້ຽງ​ລູກ​ດ້ວຍ​ນົມ​ແມ່​ຈົນ​ຮອດ 2 ປີ ຫລື ​ຫລາຍ​ກວ່າ​ນັ້ນ.ຂ່າວ: ມະນີ​ທອນ

ແຫຼ່ງຂໍ້ມູນ: ສຳນັກຂ່າວສານປະເທດລາວ

​ອີງ​ຕາມ​ການ​ສຳ​ຫລວດ​ຕົວ​ຊີ້​ ວັດ​ດັດ​ສະ​ນີໝາຍ​ແຫ່ງ​ຊາດ ປີ 2017, ອັດຕາ​ການ​ລ້ຽງ​ລູກ​ດ້ວຍ​ນົມ​ແມ່ ​ໃນ ສປປ ລາວ​ ແມ່​ຍັງ​ຕ່ຳ ຢູ່​ 45% ​ແລະ ມີ​ພຽງ 50% ຂອງ​ແມ່ໃນ ສປປ ລາວ ທີ່​ເລີ່​ມ​ໃຫ້​ລູກ​ກິນ​ນົມ​ແມ່​ທັນທີ​ ຫລັງ​ເກີດ​ພາຍ​ໃນ​ຊົ່ວ​ໂມງ​ທຳ​ອິດ​ຫລັງ​ເກີດ. ມີ​ຄວາມ​ແຕກ​ໂຕນ​ກັນ​ຢ່າງ​ຊັດ​ເຈນ ​ໃນ​ການ​ປະຕິບັດ​ການ​ລ້ຽງ​ລູກ ດ້ວຍ​ນົມ​ແມ່​ໃນ​ແຕ່ລະ​ແຂວງ, ກຸ່ມ​ຊົນ​ເຜົ່າ ​ແລະ ລະ ດັບ​ລາຍ​ຮັບ.

ພ້ອມ​​ນີ້, ​ຍັງ​ມີ​ພໍ່​ແມ່​ຫລາຍ​ຄົນຍັງ​ບໍ່​ຮູ້​ວ່າ​ນົມ​ຜົງ ​ແລະ ນົມ​ປຸງ​ແຕ່ງຕ່າງໆ​ ສຳລັບ​ເດັກ ​ບໍ່​ມີ​ຄຸນ​ປະ​ໂຫຍ​ດຕໍ່​ສຸຂະພາບ​ຫລາຍ​ເທົ່າ​ນົມ​ແມ່ ​ແລະ ຍັງ​ເພີ່ມ​ຄວາມ​ສ່ຽງ​ໃຫ້​ເດັກ​ເຈັບ​ປ່ວຍ​ໄດ້​ງ່າຍ.

ທີ່​ໂຮງ​ແຮມ​ລາວ​ພຣາຊາ ນະຄອນຫລວງ​ວຽງ​ຈັນ, ກົມອານາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ ໄດ້ຈັດງານສັບປະດາສາກົນ ແຫ່ງການລ້ຽງລູກດ້ວຍນົມແມ່ ປີ 2019 ພາຍໃຕ້ຄໍາຂວັນ “ສົ່ງເສີມໃຫ້ ພໍ່-ແມ່ ລ້ຽງລູກດ້ວຍນົມແມ່” ​ເພື່ອສຸມ​ໃສ່​ການ​ສົ່ງ​ເສີມ​ໃຫ້​ທັງ ​ພໍ່ ​ແລະ ​ແມ່​ ມີ​ຄວາມ​ເຂັ້ມ​ແຂງ, ​ເຊິ່ງ​ເປັນ​ສິ່ງ​ທີ່​ຈຳ​ເປັນ​ເພື່​ອ​ເຮັດ​ໃຫ້​ ເປົ້າ​ໝາຍ​ການ​ລ້ຽງ​ລູກດ້ວຍ​ນ້ຳນົມແມ່​ ຂອງ​ພວກ​ເຂົາ​ສາມາດ​ປະຕິບັດ​ໄດ້​ຈິງ, ພ້ອມ​ກັນ​ປ້ອງ​ກັນ, ສົ່ງ​ເສີມ ​ແລະ ສະໜັບສະໜູນ ການ​ລ້ຽງ​ດ້ວຍ​ນົມ​ແມ່​ໃຫ້​ຟົດ​ຟື້ນ.

ທ່ານ ດຣ.ບຸນເພັງ ພິລາວົງ ຫົວໜ້າກົມອານາໄມ ແລະ ສົ່ງເສີມສຸຂະພາບ ກະຊວງສາທາ ລະນະສຸກ​ໄດ້​ກ່າວ​ວ່າ:

ນ້ຳນົມ​ແມ່ ​ແມ່ນ​ອາຫານ​ທີ່​ດີ​ເລີດ​ສຳລັບ​ເດັກ, ມີ​ຄຸນ​ປະ​ໂຫຍ​ດມະຫາສານ ​ເຮັດ​ໃຫ້​ເດັກ​ສຸຂະພາບ​ແຂງ​ແຮງ ​ແລະ ມີ​ໂພ​ຊະ​ນາ​ການ​ດີ, ມີ​ການຈະ​ເລີ​ນ​ເຕີບ​ໂຕ ​ແລະ ການ​ພັດທະນາ​ທາງ​ດ້ານ​ຮ່າງກາຍ ​ແລະ ມັນ​ສະໝອງ​ດີ, ​ເຮັດ​ໃຫ້​ເດັກ​ສະຫລາດ​ຮຽນ​ຮູ້​ໄດ້​ໄວ.

ນອກຈາກ​ນີ້, ນ້ຳນົມ​ແມ່ ​ຍັງ​ມີ​ຜົນ​ດີ​ຫລາຍ​ອັນ​ຕໍ່​ແມ່​ ເຊັ່ນ ຊ່ວຍ​ຫລຸດຜ່ອນ​ການ​ຕາຍ​ຂອງ​ແມ່ ຈາກ​ເລື​ອດ​ໄຫລຫລັງ​ການ​ເກີດ​ລູກ, ຈາກ​ມະ​ເຮັງ​ເຕົ້ານົມ ​ແລະ ມະ​ເຮັງ​ຮວຍ​ໄຂ່ ​ເພາະ​ແຕ່ລະ​ປີ​ມີ​ແມ່ຍິງ​ຕາຍ 20.000 ຄົນ ຍ້ອນ​ມະ​ເຮັງ​ເຕົ້ານົມ, ​ເຊິ່ງພວກ​ເຮົາ​ສາມາດ​ຫລຸດຜ່ອນ ​ແລະ ປ້ອງ​ກັນ​ໄດ້​ໂດຍ​ການ​ລ້ຽງ​ລູກ ​ດ້ວຍ​ນ້ຳນົມ​ແມ່​ຢ່າງ​ຖືກຕ້ອງ, ມີ​ຜົນ​ດີ​ຕໍ່​ການ​ຮັກສາ ສະພາບ​ແວດ​ລ້ອມ (ບໍ່​ມີ​ເສດ​ຂີ້​ເຫຍື້ອ) ​ແລະ ​ເສດຖະກິດ​ຂອງ​ຊາດ.

ນ້ຳນົມ​ແມ່ ​ມີ​ສານ​ອາຫານ​ຄົບ​ຖ້ວນ, ສົມສ່ວນ, ພຽງພໍ​ສຳລັບ​ເດັກ​ແຕ່​ເກີດ​ຈົນ​ຮອດ​ອາຍຸ 6 ​ເດືອນ, ມີ​ພູມ​ຄຸ້ມ​ກັນ​ພະຍາດ​ຊ່ວຍ​ປົກ​ປ້ອງ​ ເດັກ​ຈາກ​ພະຍາດ​ຊືມ​ເຊື້ອ​ຕ່າງໆ, ຊ່ວຍ​ຫລຸດຜ່ອນ​ການ​ຕາຍ​ຂອງ​ເດັກ ​ຈາກ​ພະຍາດ​ຖອກທ້ອງ ​ແລະ ປອດ​ອັກ​ເສບ (70%).

ທ່ານ ດຣ. ບຸນເພັງ ພິລາວົງ ​ໄດ້​ຮຽກຮ້ອງ​ມາ​ຍັງ​ທຸກ​ພາກສ່ວນ​ທີ່​ກ່ຽວຂ້ອງ, ຄະນະ​ອຳນວຍ​ການ​ສຳນັກງານ, ອົງການ, ໂຮງ​ຈັກ​ໂຮງງານ, ​ໂຮງໝໍ, ຊຸມ​ຊົນ, ຄອບຄົວ ​ແລະ ທຸກໆ​ທ່ານ ຈົ່ງ​ສືບ​ຕໍ່​ໃນ​ການ​ປົກ​ປ້ອງ, ສົ່ງ​ເສີມ ​ແລະ ຊ່ວຍ​ເຫລືອ​ສະໜັບສະໜູນ ​ເຮັດ​ໃຫ້​ພໍ່​ແມ່​ເດັກ​ໄດ້​ມີ​ຄວາມ​ສະດວກ ​ໃນ​ການ​ລ້ຽງ​ລູກ​ດ້ວຍ​ນົມ​ແມ່ ຢ່າງ​ດຽວ​ຈົນ​ຮອດ 6 ​ເດືອນ ຄຽງ​ຄູ່​ກັບ​ການ​ໃຫ້​ອາຫານ​ເສີມ​ທີ່​ຖືກ​ຕ້ອງ ​ແລະ ​ເໝາະ​ສົມ​ກັບ​ໄວ​ອາຍຸ​ຂອງ​ເດັກ ​ເມື່ອ​ອາຍຸ 6 ​ເດືອນຂຶ້ນ​ໄປ ​ແລະ ສືບ​ຕໍ່​ລ້ຽງ​ລູກ​ດ້ວຍ​ນົມ​ແມ່​ຈົນ​ຮອດ 2 ປີ ຫລື ​ຫລາຍ​ກວ່າ​ນັ້ນ.ຂ່າວ: ມະນີ​ທອນ

ແຫຼ່ງຂໍ້ມູນ: ສຳນັກຂ່າວສານປະເທດລາວ

InsideLaos
InsideLaoshttp://insidelaos.com
Online Journalists at insidelaos.com.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

3 ຍຸກ ທີ່ພຣະພຸດທະສາສະໜາ ເຂົ້າມາປະເທດລາວ.

ພຣະພຸດທະສາສະນາ ເປັນສາສະໜາປະຈຳຊາດລາວ ເຊິ່ງໄດ້ເຂົ້າມາຕັ້ງໝັ້ນໃນດິນແດນອານາຈັກລ້ານຊ້າງເທິງສອງຟາກຝັ່ງແມ່ນ້ຳຂອງ, ແລະ ສ່ວນທີ່ເປັນປະເທດລາວເຮົານີ້ ຫຼາຍກວ່າ ໒໐໐໐ ປີ, ຄືພ້ອມກັບການເຂົ້າມາຂອງພຣະພຸດທະສາສະໜາໃນບັນດາປະເທດສຸວັນນະພູມ ຫຼື ແຫຼມທອງນີ້, ເຊິ່ງຫຼັກຖານທາງສາສະໜາວັດຖຸ, ສາສະໜາສະຖານ ໄດ້ປາກົດຕົວສອງຝາກຝັ່ງແມ່ນ້ຳຂອງເປັນຈຳນວນຫຼວງຫຼາຍ

Vietjet ກ້າວ​ໄປ​ອີກຂັ້ນ ​ໃນ​ຖານະ​​ສາຍ​ການ​ບິນ​ທຳອິດ ​ທີ່​ໃຫ້ບໍລິການຖ້ຽວ​ບິນ​​ກົງ​ລະຫວ່າງ ຮ່າ​ໂນ້ຍ ​ແລະ Hiroshima.

(ນະຄອນຫຼວງວຽງຈັນ, ວັນທີ 22 ພຶດສະພາ 2024) - Vietjet ມີຄວາມຍິນດີທີ່ຈະເປີດເສັ້ນທາງບິນກົງເຊື່ອມຕໍ່ຮ່າໂນ້ຍ, ນະຄອນຫຼວງຂອງຫວຽດນາມ ກັບນະຄອນ Hiroshima ຂອງຍີ່ປຸ່ນ. ຖ້ຽວ​ບິນໃໝ່​ນີ້​ແມ່ນ​ເສັ້ນທາງ​ສາຍ​ການບິນ​ທີ 8 ຂອງ​ສອງ​ປະ​ເທດ ​ແລະ ​ເປັນ​ສາຍ​ການບິນ​ກົງ​ສາຍ​ດຽວ​ລະຫວ່າງ Hiroshima ​ແລະ ຮ່າ​ໂນ້ຍ, ຫຼຸດຜ່ອນ​ເວລາ​ເດີນທາງ​ລົງ ​ແລະ ມອບ​ປະສົບ​ການ​ໃນ​ການ​ເດີນທາງ​ລະຫວ່າງ​ສອງ​ປະເທດ.

“ວັນວິສາຂະບູຊາ” ວັນສຳຄັນຂອງພຸດທະສາສະໜາ

“ວິສາຂະບູຊາ” ຫຍໍ້ມາຈາກ ຄຳວ່າ “ວິສາຂະ ປຸນນະມີດິຖີບູຊາ” ແປວ່າ ການບູຊາໃນວັນເພັງເດືອນ ວິສາຂະ ຫຼື ເດືອນ 6 ວັນວິສາຂະບູຊາ ຖືເປັນວັນສໍາຄັນທີ່ສຸດໃນທາງພຣະພຸດທະສາສະໜາ ເພາະເປັນວັນທີ່ເກີດ 3 ເຫດ ການອັດສະຈັນທີ່ສໍາຄັນ ກ່ຽວກັບເລື່ອງລາວຊີວິດຂອງອົງສົມເດັດພຣະສັມມາສັມພຸດທະເຈົ້າ ໃນວັນເພັງ ຂຶ້ນ 15 ຄໍ່າ ເດືອນ 6 ແຕ່ກໍນັບວ່າເປັນຊ່ວງໄລຍະເວລາທີ່ແຕກຕ່າງກັນ ແລະ ຫ່າງກັນຫຼາຍປີ ເຊິ່ງເຫດການອັດສະຈັນທັງ 3 ນັ້ນໄດ້ແກ່: ການປະສູດ, ຕັດສະຮູ້ ແລະ ປະຣິນິພານ ຂອງພຣະພຸດທະເຈົ້າ.