ຂ່າວດີ, ຂໍເຊີນຊວນບັນດາທ່ານ ເຂົ້າຮ່ວມແຂ່ງຂັນ ແຕ້ມຮູບ ກ່ຽວກັບການເຂົ້າເຖິງກົດໝາຍ ເພື່ອຕ້ານ ແລະ ສະກັດກັ້ນ ການໃຊ້ຄວາມຮຸນແຮງຕໍ່ແມ່ຍິງ, ຈັດໂດຍ ຫ້ອງການກະຊວງຍຸດຕິທໍາ, ກົມໂຄສະນາເຜີຍແຜ່ກົດໝາຍ ກະຊວງຍຸດຕິທໍາ ແລະ ສູນໃຫ້ຄໍາປຶກສາ ແລະ ປົກປ້ອງແມ່ ແລະ ເດັກ ສູນກາງສະຫະພັນແມ່ຍິງລາວ ຮ່ວມກັບ ໂຄງການ ສະໜັບສະໜູນ ດ້ານຍຸດທະສາດ ເພື່ອສ້າງຄວາມເຂັ້ມແຂງ ໃຫ້ແກ່ການປົກຄອງລັດ ດ້ວຍກົດໝາຍຢູ່ ສປປ ລາວ (3s-ROL) ໂດຍມີວັດຖຸປະສົງ ເພື່ອສ່ອງແສງພຶດຕິກໍາ ທີ່ກໍ່ໃຫ້ເກີດ ຫຼື ຈະເຮັດໃຫ້ເກີດມີອັນຕະລາຍ, ຄວາມເສຍຫາຍຕໍ່ແມ່ຍິງ ທາງດ້ານຮ່າງກາຍ, ຈິດໃຈ ຫຼື ທາງເພດ.
ເງື່ອນໄຂ ຂອງຜູ້ສົ່ງຮູບພາບເຂົ້າປະກວດ ມີດັ່ງຕໍ່ໄປນີ້:
1) ມີອາຍຸແຕ່ 18-40 ປີ, ບໍ່ຈໍາກັດເພດ, ຊົນເຜົ່າ, ລະດັບການສຶກສາ, ແລະ ຖິ່ນຖານພູມລໍາເນົາ (ເປີດກ້ວາງໃຫ້ທຸກຄົນເຂົ້າຮ່ວມ)
2) ຂະໜາດຂອງຮູບແຕ້ມແມ່ນ A2, ຕ້ອງຂຽນຄໍາອະທິບາຍ ຢູ່ກ້ອງຮູບແຕ້ມ, ບໍ່ໃຫ້ເກີນ 5 ປະໂຫຍກ, ຮູບແຕ້ມ ສາມາດໃສ່ຄໍາເວົ້າປະກອບໄດ້.
3) ຫ້າມແຕ້ມຮູບທີ່ມີລັກສະນະ ໂປ້ເປືອຍ, ລາມົກອານາຈານ
4) ຮູບແບບການແຂ່ງຂັນ ແມ່ນໃຫ້ທ່ານ ຖ່າຍຮູບແຕ້ມຂອງທ່ານ ສົ່ງເຂົ້າມາປະກວດ ພ້ອມທັງແຈ້ງຊື່ ແລະ ນາມສະກຸນ, ອາຍຸ, ທີ່ຢູ່, ເບີໂທລະສັບ ແລະ ອີເມລຂອງທ່ານ ມາທາງອີເມລ: 3s.rollaospdr@gmail.com
TVyutitham@gmail.com
5) ປິດຮັບສະໝັກ ວັນທີ 06 ຕຸລາ 2019
ລາຍລະອຽດອື່ນໆ ສາມາດອ່ານໄດ້ ຕາມໜັງສື ແຈ້ງການ ດັ່ງຕໍ່ໄປນີ້
ໂຊກດີ
ແຫຼ່ງຂໍ້ມູນ:
LAO YOUTH RADIO STATION, FM 90.0 MHZ
ສະຖານີ ຊາວໜຸ່ມລາວສິນໄຊຍຸກໃໝ່ FM 90.0 MHz
