ກັນຊານັ້ນ! ເປັນພືດພື້ນບ້ານຂອງເຮົາ ເຊິ່ງປະຊາຊົນຄົນລາວ ນິຍົມກັນນຳມາປູກໄວ້ຕາມເຮືອນຊານ ອັນລະຕົ້ນສອງຕົ້ນ.
ຍາມຄົວກິນ ຖ້າມີຕົ້ມໄກ່…. ເຮົາກໍເດັດໃບຊາໃສ່.
ແຕ່ຫວ່າງບໍ່ດົນມານີ້ ເຮົາເລີ່ມປາກົດເຫັນຂ່າວຢູ່ໃນສື່ຕ່າງໆ ທີ່ເວົ້າເຖິງ ການສະກັດນ້ຳມັນກັນຊາ ໃນທາງການແພດ ເພື່ອນຳເອົາໃຊ້ມາໃຊ້ຮັກສາໂລກ.
ໂດຍສະເພາະແມ່ນທາງຝັ່ງໄທ ທີ່ເອົາຈິງເອົາຈັງກັບເລື່ອງນີ້.
ເຊິ່ງລໍແຕ່ກົດອອກມາເທົ່ານັ້ນ.
ເພາະວ່າຍັງມີບາງຂໍ້ໃນກົດໝາຍ ທີ່ລະບຸວ່າ ກັນຊາຖືກຈັດຢູ່ໃນສານເສບຕິດຢູ່.
ແຕ່ທ່ານຮູ້ບໍ່ວ່າ… ເມື່ອບໍ່ດົນມານີ້ ຂ້າພະເຈົ້າໄດ້ໄປຫຼິ້ນຢູ່ທີ່ ຈັງຫວັດອຸດອນທານີ ແລະຮູ້ຈັກກັບກະເສດຕະກອນຄົນໜຶ່ງ ທີ່ເວົ້າເຖິງກັນຊາ ວ່າ ໃນຕອນນີ້ຢູ່ທາງຊຸມຊົນບ້ານເພິ່ນ ກຳລັງພາກັນຈັດຕັ້ງວິສາຫະກິດຊຸມຊົນ ເພື່ອສຶກສາວິໄຈ ແລະຜະລິດນ້ຳມັນກັນຊາອອກມາ ສົ່ງຂາຍເປັນສິນຄ້າ ເຊິ່ງທາງກະຊວງສາທາລະນະສຸກ ໄດ້ພາທີມງານແພດ ມາຝຶກອົບຮົມໃຫ້.
ໂດຍໄດ້ຮັບການອູ້ມຊູຍູ້ໜູນໂດຍ ລມຕ ສາທາລະນະສຸກ ທ່ານ ອະນຸທິນ ຊານວີລະກູນ
ແລະຜູ້ຂຽນເລີຍຄິດວ່າ “ໂອ້ວ! ແລ້ວບ້ານເຮົາເດ ເລື່ອງການສະກັດນ້ຳມັນກັນຊານີ້ ຄືບໍ່ປາກົດເຫັນ ຫຼື ເປັນຂ່າວຈັກເທື່ອ! ມີພາກສ່ວນໃດບໍທີ່ໄດ້ສຶກສາວິໄຈໃນເລື່ອງນີ້? ຫຼືວ່າ ມີ ແຕ່ວ່າບໍ່ປາກົດເປັນຂ່າວ!
Hits: 3
