ເນື່ອງຈາກວ່າປະເທດລາວເຮົານັ້ນ, ບໍ່ຄ່ອຍມີເຫດການແຜ່ນດິນໄຫວເທົ່າໃດ? ດົນໆເກີດເທື່ອໜຶ່ງ ຊຶ່ງມັກເກີດຈຸດຮອຍຕໍ່ກັນຂອງແຜ່ນດິນໄຫວ ຢູ່ທາງເຂດເມືອງຊຽງຮ່ອນ ແຂວງໄຊຍະບູລີ ແລະທາງຝັ່ງໄທ.
ປະເທດທີ່ນັບວ່າມີແຜ່ນດິນໄຫວເລື້ອຍໆນັ້ນ ກໍຄືປະເທດຍີ່ປຸ່ນ ເຊິ່ງປະຊາຊົນເຂົາເຈົ້າ ຮັບຮູ້ວິທີຮັບມືກັບແຜ່ນ ດິນໄຫວ ແລະຮູ້ວິທີປ້ອງກັນ.
ທາງອິນໄຊລາວ ໄດ້ຮວບຮວມວິທີປ້ອງກັນ ເມື່ອມີແຜ່ນດິນໄຫວເກີດຂຶ້ນ ເຊິ່ງກັນກໍດີກວ່າແກ້!!!
- ສຶກສາເສັ້ນທາງໜີ ແລະທາງອອກສຸກເສີນທີ່ງ່າຍທີ່ສຸດ ເມື່ອເວລາເກີດເຫດ.
2. ກຽມສິ່ງຂອງສຳຄັນເອົາໄວ້ໃກ້ຕົວ ເຊັ່ນ: ໄຟສາຍ, ນ້ຳດື່ມ, ອາຫານ ແລະຢາປະຈຳຕົວ ເພາະວ່າ ເວລາເກີດແຜ່ນດິນໄຫວ ໄຟຟ້າອາດຈະດັບ; ເຮົາອາດຕິດຢູ່ໃນອາຄານ ແລະເວລາບໍ່ສະບາຍ ເຄື່ອງຂອງເຫຼົ່ານີ້ສາມາດຊ່ວຍໄດ້.
3. ມີສະຕິ ຢ່າຕົກໃຈເກີນເຫດ ຕ້ອງຄຳນຶງເລື່ອງຄວາມປອດໄພຂອງຕົນເອງ ລະວັງສິ່ງຕ່າງໆພ້ອມ.
4. ຫາບ່ອນລົບລີ້ທີ່ປອດໄພ ເຊັ່ນໃຕ້ໂຕະ ເພາະເວລາເກີດເຫດ ອາດມີສິ່ງຂອງຫລົ່ນມາໃສ່
5. ປິດສະວິດເຄື່ອງໄຟຟ້າ ແລະເຕົາແກ໋ດຢູ່ໃນເຮືອນ ຫຼືບ່ອນພັກ. ເພາະຢ້ານເກີດການລະເບີດ.
6. ຫາທາງອອກຈາກບໍລິເວນອາຄານ ນຳສິ່ງຂອງຈຳເປັນຕິດໂຕໄປພ້ອມ.
7. ຮີບຟ້າວໄປບ່ອນທີ່ປອດໄພ.