ເມືອງລາວຍັງມີສິ່ງອັນສະຈັນຫຼາຍແຫລ່ງທີ່ບໍ່ທັນຄົ້ນພົບ, ຍ້ອນປະເທດເຮົາມີພົນລະເມືອງບໍ່ຫຼາຍ ພື້ນທີ່ດິນກວ້າງຂວາງ ວັດຖຸບູຮານສິ່ງຂອງຕ່າງໆຈິ່ງຍັງຄົງໄວ້ຢູ່ຕາມທຳມະຊາດ ແລະທະຍອຍປະກົດໃຫ້ເຫັນຕາມວັນເວລາ ແລະການຂະຫຍາຍຕົວທາງເສດຖະກິດ-ສັງຄົມ
ຫຼ້າສຸດນີ້ແມ່ນໄດ້ພົບໄຫຫີນຊຸມໃໝ່ ຢູ່ໃນເມືອງແປກເມືອງເກົ່າເມືອງເດີມທີ່ທຸກຄົນຮູ້ດີວ່າມີໄຫຫີນຕັ້ງຢູ່ນີ້ລະ ຕ່າງແຕ່ວ່າຍັງບໍ່ທັນໄດ້ເປີດເຜີຍຢູ່ບ່ອນໃດມາກ່ອນ.
ແລະຂ່າວດີສຳລັບໄຫຫີນໃໝ່ນີ້ຫາກໍ່ໄດ້ເຫັນປະກົດສູ່ສາຍຕາປະຊາຊົນ ໃນວັນທີ 19 ທັນວາຜ່ານມາ ພາຍັງເຈົ້າໜ້າທີ່ກ່ຽວຂ້ອງໄດ້ສຳເລັດພາລະກິດຕິດຕາມກວດກາແຫຼ່ງໄຫຫີນ 12-52 ບ້ານຜາແກ້ວ ເມືອງແປກ ແຂວງຊຽງຂວາງໃນລະດູຫນາວ .
ໄຫຫີນເມືອງລາວມາຮອດປະຈຸບັນແມ່ນມີຢູ່ຫຼາຍບ່ອນ ແຕ່ຈຸດທີ່ໃຫຍ່ສຸດແມ່ນໄຫຫີນ1 ທີ່ທົ່ງໄຫຫີນ ຮອງລົງມາໄຫຫີນສອງ ນອກຈາກນີ້ຍັງພົບຢູ່ເມືອງຄູນ, ພົບຢູ່ແຂວງໄຊສົມບູນອີກ.
ແຫຼ່ງຂໍ້ມູນ: Soupsip Update ແລະ ຮູບພາບ Paxa Nyordsavanh
