ແຈ້ງການ! ເລກທີ 02/ຄລສພ, ລົງວັນທີ 31/03/2020 ໃຫ້ໂຈະການດຳເນີນກອງປະຊມໃຫຍ່ ແລະທຸກກິດຈະກຳກ່ຽວກັບການດຳເນີນກອງປະຊຸມໃຫຍ່ໃນທົ່ວອົງຄະນະພັກຂັ້ນຕົນ.
ດັ່ງແຈ້ງການລຸ່ມນີ້:
ໃນໄລຍະຜ່ານມາ ຄະນະພັກ, ຄະນະປະຈໍາພັກກະຊວງ-ອົງການ, ແຂວງ-ນະຄອນຫຼວງວຽງຈັນ ໄດ້ເອົາໃຈໃສ່ ຊີ້ນໍາ-ນໍາພາໃນການກະກຽມ ແລະ ດໍາເນີນກອງປະຊຸມໃຫຍ່ອົງຄະນະພັກຕົນ ໂດຍເລີ່ມແຕ່ຮາກຖານຂຶ້ນມາ, ສໍາລັບຢູ່ຂັ້ນທ້ອງຖິ່ນ ໄດ້ດໍາເນີນກອງປະຊຸມໃຫຍ່ອົງຄະນະພັກເມືອງ-ນະຄອນ ສໍາເລັດເປັນສ່ວນຫຼາຍ ແລະ ພວມກ້າວເຂົ້າສູ່ການກະກຽມດໍາເນີນ ກອງປະຊຸມໃຫຍ່ອົງຄະນະພັກແຂວງ-ນະຄອນຫຼວງວຽງຈັນ;
ຢູ່ຂັ້ນກະຊວງ-ອົງການ ກໍພວມສືບຕໍ່ສຸມໃສ່ກະກຽມດໍາເນີນ ກອງປະຊຸມໃຫຍ່ຮາກຖານພັກ ທີ່ຂຶ້ນກັບອົງຄະນະພັກກະຊວງ-ອົງການຕົນ ເພື່ອກ້າວເຂົ້າສູ່ກອງປະຊຸມໃຫຍ່ອົງຄະນະພັກ ກະຊວງ-ອົງການ ຕາມແຜນທີ່ກໍານົດໄວ້; ແຕ່ເນື່ອງຈາກວ່າສະພາບການແຜ່ລະບາດຂອງເຊື້ອພະຍາດ COViD-19 ຍັງສືບຕໍ່ເພີ່ມຂຶ້ນ ໃນຫຼາຍປະເທດໃນໂລກ.
ສໍາລັບ ສປປ ລາວ ເຖິງວ່າພັກ-ລັດຖະບານ ໄດ້ມີມາດຕະການສະກັດກັ້ນ ແລະ ກັນການລະບາດ ພະຍາດນີ້ ຢ່າງຈິງຈັງໃນຜ່ານມາ, ແຕ່ກໍໄດ້ກວດພົບຜູ້ຕິດເຊື້ອ ແລະ ມິຄວາມສ່ຽງ ທີ່ຈະມີການແພ່ລະບາດໃນທົ່ວປະເທດ,
ສະນັ້ນ ເພື່ອເປັນການສະກັດກັ້ນ ແລະ ກັນການລະບາດພະຍາດດັ່ງກ່າວ ຄະນະເລຂາທິການສູນກາງພັກ ຈຶ່ງແຈ້ງມາຍັງລຂາຄະນະ ບໍລິຫານງານພັກແຂວງ-ນະຄອນຫຼວງວຽງຈັນ, ເລຂາຄະນະພັກກະຊວງ-ອົງການ ໃນທົ່ວປະເທດ ດັ່ງນີ້:
1. ໃຫ້ໂຈະການດໍາເນີນກອງປະຊຸມໃຫຍ່ ແລະ ທຸກກິດຈະກໍາກ່ຽວກັບການກະກຽມດໍາເນີນກອງປະຊຸມໃຫຍ່ ຂອງອົງຄະນະພັກແຕ່ລະຂັ້ນ ຈົນຮອດວັນທີ 24 ເມສາ 2020;
້ 2. ໃຫ້ຄະນະພັກ, ອົງການປົກຄອງແຕ່ລະຂັ້ນ ສູມໃສ່ຊີ້ນໍາ-ນໍາພາສຶກສາອົບຮົມພະນັກງານ, ສະມາຊິກພັກ ແລະ ປະຊາຊົນ ເຫັນໄດ້ໄພອັນຕະລາຍຂອງພະຍາດcDVD- ເພື່ອພ້ອມກັນສະກັດກັ້ນ ແລະ ກັນພະຍາດດັ່ງກ່າວ ດ້ວຍການຈັດຕັ້ງ ປະຕິບັດບັນດາມາດຕະການຕ່າງໆ ທີ່ລັດຖະບານ ໄດ້ກໍານົດອອກຢ່າງເດັດຂາດ ແລະ ເຂັ້ມງວດ.
ດັ່ງນັ້ນ, ຈຶ່ງແຈ້ງມາຍັງເລຂາຄະນະບໍລິຫານງານພັກແຂວງ-ນະຄອນຫຼວງວຽງຈັນ, ເລຂາຄະນະພັກກະຊວງ-ອົງການ ເພື່ອຊາບ ແລະ ຈັດຕັ້ງປະຕິບັດຕາມເນື້ອໃນແຈ້ງການສະບັບນີ້ດ້ວຍ.
