ປະຈຳວັນ ⠚ 1 ມີນາ 2021 ⠓ ໜັງສືພິມວຽງຈັນທາຍໄດ້ໃຫ້ຮູ້ວ່າ:
ສັງທອງ ຕ້ອງການນັກລົງທຶນໄປພັດທະນາແຫຼ່ງທ່ອງທ່ຽວໃໝ່ 6 ແຫ່ງ
ເຈົ້າເມືອງສັງທອງ ໃຫ້ກ່າວເມື່ອບໍ່ດົນມານີ້ວ່າ ສະຖານທີ່ທ່ອງທ່ຽວໃໝ່ທັງ 6 ແຫ່ງ ຍັງບໍ່ມີການພັດທະນາ ເຊິ່ງປັດຈຸບັນ ຍັງຢູ່ໃນຂັ້ນຕອນການສະເໜີ ຫຼື ແຈ້ງການເຖິງຄວາມຕ້ອງການອຳນາດການປົກຄອງເມືອງສັງທອງ ທີ່ຢາກໃຫ້ນັກລົງທຶນມາພັດທະນາເປັນແຫຼ່ງທ່ອງທ່ຽວ
ອົງການປົກຄອງເມືອງສັງທອງ ເຊື່ອວ່າແຫຼ່ງທ່ອງທ່ຽວດັ່ງກ່າວ ຖ້າໄດ້ຮັບການພັດທະນາຈະສາມາດດຶງດູດນັກທ່ອງທ່ຽວໄດ້ແນ່ນອນ ເພາະເມືອງສັງທອງແມ່ນບໍ່ໄກຈາກຕົວເມືອງນະຄອນຫຼວງວຽງຈັນຫຼາຍປານໃດ…ອ່ານຕໍ່
ການອັດຊ່ອງວ່າງຫົວໄຫຼຂອງງົບປະມານ ເປັນວຽກງານທີ່ຕ້ອງປັບປຸງກ່ອນຈະເປີດ ກອງປະຊຸມສະພາແຫ່ງຊາດ ຄັ້ງທີ່ IX
ສະເພາະຮ່າງແຜນງົບປະມານ 5 ປີ (2021-2025) ລັດຖະບານໄດ້ຊີ້ນຳໃຫ້ ພາກສ່ວນທີ່ກ່ຽວຂ້ອງໄປປັບປຸງແກ້ໄຂວິທີການ ແລະ ມາດຕະການ ການອັດຊ່ອງວ່າງການຮົ່ວໄຫຼຂອງງົບປະມານ, ປະຢັດມັດທະຍັດ, ການປະຕິບັດວິໄນແຜນການ-ການເງິນ, ການນຳໃຊ້ງົບປະມານລົງທຶນຂອງລັດ, ການສ້າງຖານລາຍຮັບໃໝ່ ແລະ ອື່ນໆ
ກ່ອນທີ່ຈະສົ່ງໄປສະເໜີຕໍ່ກອງປະຊຸມ ສະພາແຫ່ງຊາດ ຊຸດທີ IX ເພື່ອພິຈາລະນາຮັບຮອງ…ອ່ານຕໍ່
ທະນາຄານນະໂຍບາຍ ຈະປ່ອຍສິນເຊື່ອ 5,5 ຕື້ກີບ ອັດຕາດອກເບ້ຍຕໍ່າ ໃຫ້ເມືອງເປົ້າໝາຍຈະສຸມຂອງລັດ
ໂດຍຈະເລັ່ງໃສ່ປ່ອຍໃຫ້ສະມາຊິກຂອງທະນາຄານຢູ່ບັນດາເມືອງເປົ້າໝາຍຈຸດສຸມຂອງລັດຖະບານ ແລະ ບ້ານ 3 ສ້າງເພື່ອປະກອບສ່ວນໃນການແກ້ໄຂຄວາມທຸກຍາກຂອງປະຊາຊົນ
ເຊິ່ງເງິນທີ່ຈະປ່ອຍໃຫ້ນີ້ ມີທຶນໄລຍະສັ້ນມີ 23ລ້ານກີບ, ທຶນໄລຍະກາງ ມີ 610ລ້ານກີບ ແລະ ທຶນໄລຍະຍາວມີ 4,9ຕື້ກວ່າກີບ ເພື່ອໃຫ້ສະມາຊິກກຸ່ມ ກູ້ຢືມເພື່ອນຳໃຊ້ເຂົ້າໃນການຜະລິດ ໄດ້ທ່ວງທັນກັບລະດູການ…ອ່ານຕໍ່