ພາຍຫຼັງທີ່ ທັບນັກກິລາບານເຕະຊາຍ ທີມຊາດລາວ ລຸ້ນອາຍຸບໍ່ເກີນ 23 ປີ ສ້າງປະຫວັດສາດໃນການເຂົ້າສູ່ຮອບຮອງຊະນະເລີດ ໃນລາຍການ ບານເຕະຊິງແຊ້ມອາຊຽນ AFF U23 CHAMPIONSHIP 2022 ຫຼັງຈາກທີ່ເອົາຊະນະ ທີມຊາດມາເລເຊຍ ມາ 2 ນັດຕິດ 2-1 ແລະ 2-0 ຜ່ານເຂົ້າສູ່ຮອບຮອງຊະນະເລີດມາໄດ້ ໂດຍຈະມາພົບກັບ ທີມຊາດໄທ ທີ່ເອົາຊະນະ ທີມຊາດສິງກະໂປ 3-1 ແລະ ມາເສຍໃຫ້ ຫວຽດນາມ 0-1 ເປັນອັນດັບທີ 2 ຂອງກຸ່ມ.
ສຳລັບການແຂ່ງຂັນໃນຮອບຮອງຊະນະເລີດ ລະຫວ່າງ ທີມຊາດລາວ ແລະ ທີມຊາດໄທ ແມ່ນຈະມີຂຶ້ນ ໃນວັນທີ 24 ກຸມພາ 2022 ເວລາ 16:00 ໂມງ ທີ່ສະໜາມກິລາ Morodoc Techo Stadium ປະເທດ ກຳປູເຈຍ.
ສ່ວນອີກ 1 ຄູ່ ທີ່ຈະເຕະໃນມື້ດຽວກັນແມ່ນ ທີມຊາດ ຕີມໍ ເຣດເຕ ພົບກັບ ທີມຊາດ ຫວຽດນາມ ໃນເວລາ 19:00 ໂມງ
ຢ່າລືມ ເຂົ້າມາໃຫ້ກຳລັງໃຈ ແລະ ເຊຍທີມຊາດລາວ ກ້າວເຂົ້າສູ່ຮອບຊິງຊະນະເລີດໃຫ້ໄດ້ເດີ້!