- ສາວໆຍຸກໃໝ່ຫຼາຍທ່ານ ຕ່າງກໍມີຄວາມງາມ, ສະເໜ່ ທີ່ດຶງດູດສາຍຕາຈາກເພດກົງກັນຂ້າມ ຕາມແບບໃຜລາວ ແລະ 5 ສິ່ງຕໍ່ໄປນີ້ ອາດຊ່ວຍເສີມສະເໜ່ໃຫ້ກັບສາວໆ ຍຸກໃໝ່ໄດ້ບໍ່ຫຼາຍກໍໜ້ອຍ.
- 1. ໃຊ້ນ້ຳຫອມກັບໂລຊັນ ທີ່ມີກິ່ນໃກ້ຄຽງກັນ: ລອງໃຊ້ນຳ້ຫອມທີ່ມີກິ່ນໃກ້ຄຽງກັບໂລຊັ່ນ ໂດຍສີດໃສ່ຕາມຈຸດສຳຄັນຂອງຮ່າງກາຍ ເຊັ່ນ ຫຼັງໃບຫູ, ຕາມຈຸດຂໍ້ພັບຂອງແຂນສອກ ແລະ ຫົວເຂົ່າ ຕໍ່ດ້ວຍການທາໂລຊັ່ນ ຫຼື ຄີມ ຕາມຈຸດທີ່ສີດນຳ້ຫອມໄວ້ ເພື່ອໃຫ້ກິ່ນຕິດທົນ ແລະດົນ ເພາະກິ່ນໂລຊັ່ນຈະຕິດທົນກວ່າກິ່ນນຳ້ຫອມ, ເມື່ອກິ່ນນຳ້ຫອມຈາງໄປ ກິ່ນໂລຊັ່ນກໍຍັງຢູ່ ຊຶ່ງຊ່ວຍໃຫ້ຮ່າງກາຍຫອມສົດຊື່ນຕະຫຼອດເໝິດມື້.
2. ໃສ່ເສື້ອຜ້າທີ່ສະອາດ: ນອກຈາການອາບນຳ້ທີ່ທຳຄວາມສະອາດຮ່າງກາຍແລ້ວ ກິ່ນເຄື່ອງນຸ່ງກໍເປັນສິ່ງສຳຄັນ ຄື ຄວນໃສ່ເຄື່ອງນຸ່ງທີ່ສະອາດ, ບໍ່ມີກິ່ນເໝັນອັບ ອາດຈະໃຊ້ນຳ້ຢາປັບຜ້ານຸ່ມທີ່ເຮັດໃຫ້ກິ່ນຫອມຕິດດົນຕະຫຼອດເໝິດມື້ ທີ່ຈະຊ່ວຍໃຫ້ທ່ານ ແລະ ຄົນຂ້າງໆຮູ້ສຶກສະອາດສົດຊື່ນໄປນຳ.
3. ງົດອາຫານ ຫຼື ເຄື່ອງເທດທີ່ມີກິ່ນແຮງ: ສຳລັບສາວໆ ທີ່ມີວຽກສຳຄັນໆ ທີ່ຈຳເປັນຕ້ອງອອກໄປພົບປະກັບບຸກຄົນຕ່າງໆ ຫຼື ມີການອອກໄປງານກັບແຟນ ຄວນງົດກິນອາຫານທີ່ມີກິ່ນແຮງ ເຊັ່ນ ຕຳໝາກຫຸ່ງ, ກະຖິນ, ແຈ່ວກະປິ, ກະທຽມ, ຜັກບົ່ວ ເພາະນອກຈາກຈະເຮັດໃຫ້ເກີດກິ່ນປາກແຮງແລ້ວ ກິ່ນອາຫານເຫຼົ່ານີ້ຈະຖືກຂັບປົນອອກມາກັບເຫື່ອ ເຮັດໃຫ້ຮ່າງກາຍມີກິ່ນເໝັນໄປພ້ອມ.
4. ໃຊ້ນ້ຳຫອມສຳລັບສີດຜົມ: ນອກຈາກກິ່ນກາຍຫອມສົດຊື່ນແລ້ວ ສິ່ງທີ່ຂາດບໍ່ໄດ້ ກໍຄື ເສັ້ນຜົມ, ຖ້າເປັນສາວຜົມຍາວຍິ່ງຈະເຂົ້າໃຈດີ. ເວລາທີ່ກິນອາຫານຕາມຮ້ານອາຫານຕາມສັ່ງ ຊີ້ນດາດ, ຊີ້ນປີ້ງ ແລ້ວກິ່ນອາຫານຕິດຜົມຈົນເໝັນໄປເໝິດ ເຮັດໃຫ້ເສຍຄວາມໝັ້ນໃຈໄປອີກ. ໂຊກດີທີ່ມີນຳ້ຫອມສຳລັບສີດຜົມ ທີ່ຊ່ວຍໃຫ້ສາວໆເຮັດໃຫ້ຜົມກັບຄືນມາໄດ້ອີກ.
5. ໃຊ້ຢາສະຜົມທີ່ບຳລຸງສະພາບຜົມ: ເຖິງວ່ານຳ້ຫອມສຳລັບສີດ ຜົມຈະເປັນໂຕຊ່ວຍເຮັດໃຫ້ຜົມຫອມແບບຮີບດ່ວນ ແຕ່ກິ່ນອາດຈະບໍ່ໄດ້ຕິດດົນ. ສະນັ້ນ ຖ້າສາວໆຢາກມີຜົມຫອມດົນ ເຖິງແມ່ນວ່າ ຈະຜ່ານມົນລະພິດມາເໝິດມື້ກໍຕາມ ໂຕຊ່ວຍທີ່ເໝາະສົມກໍຄວນເປັນ ຢາສະຜົມທີ່ໃຫ້ກິ່ນຫອມສົດຊື່ນຍາວນານຕະຫຼອດ 24 ຊົ່ວໂມງ.