Tuesday, July 23, 2024
Lenovo

ສະຖານທູດໄທ ຈັດກິດຈະກຳ ແລະ ມອບທຶນ ໃຫ້ສະມາຄົມແມ່ຍິງພິການລາວ.

ໃນວັນທີ 3 ສິງຫາ 2022 ຜ່ານມາ ຢູ່ທີ່ ສະມາຄົມແມ່ຍິງພິການລາວ, ນະຄອນຫຼວງ ວຽງຈັນ ສະຖານທູດໄທ ປະຈຳລາວ ໄດ້ຈັດພິທີມອບການສະໜັບສະໜູນກິດຈະກຳ ຝຶກອົບຮົມພັດທະນາທັກສະວິຊາຊີບໃຫ້ແກ່ ສະມາຄົມແມ່ຍິງພິການລາວ ເພື່ອສະເຫຼີມພະກຽດສົມເດັດພະນາງເຈົ້າສິຣິກິດ ພະບໍຣົມຣາຊິນີນາດ ພະບໍຣົມມະຣາດຊະຊົນນະນີພັນປີຫຼວງ ເນື່ອງໃນໂອກາດມະຫາມຸງຄຸນສະເຫຼີມພະຊົນມະພັນສາ 90 ພັນສາ 12 ສິງຫາ 2022.

ໂດຍມີທ່ານ ເຈດສະດາ ກະຕະເວທິນ, ເອກອັກຄະຣາຊະທູດໄທ ປະຈຳ ສປປ ລາວ, ທ່ານ ແສງອາລຸນ ຫຼວງລາດ, ຮອງຫົວໜ້າກົມນະໂຍບາຍຕໍ່ຜູ້ມີຜົນງານ, ພິການ ແລະ ອາຍຸສູງ, ກະຊວງແຮງງານ ແລະ ສະຫວັດດີການສັງຄົມ ແຫ່ງ ສປປ ລາວ. ແລະ ທ່ານນາງ ຈັນເພັງ ສີວິລາ,  ຜູ້ອຳນວຍການ ສະມາຄົມແມ່ຍິງພິການ ແລະ ຜູ້ແທນປະເທດໄທ ເຂົ້າຮ່ວມ.

ໃນໂອກາດດັ່ງກ່າວ, ສະຖານເອກອັກຄະຣາຊະທູດ ໄດ້ມອບງົບປະມານສະໜັບສະໜູນໂຄງການຝຶກອົບຮົມທັກສະວິຊາຊີບໃຫ້ແກ່ແມ່ຍິງພິການລາວ ຈຳນວນ 70 ຄົນ ຈາກທົ່ວປະເທດ ຈຳນວນ 150.000 ບາດ ໃນສາຂາການຕໍ່າແຜ່ນ, ຕັດຫຍິບເສື້ອຜ້າ, ການຜະລິດ ແລະ ແປຮູບເຈ້ຍ, ການເຮັດເຄື່ອງປັ້ນດິນເຜົາ, ຄອມພິວເຕີພື້ນຖານ, ພາສາອັງກິດ ແລະ ການພັດທະນາສັງຄົມ.

ເຊິ່ງ ສະມາຄົມແມ່ຍິງພິການ ໄດ້ນຳງົບປະມານສ່ວນໜຶ່ງໄປປັບປຸງອາຄານຝຶກວິຊາຊີບເຄື່ອງປັ້ນດິນເຜົາ ແລະ ອຸປະກອນສຳນັກງານດ້ວຍ.

ນອກຈາກນີ້, ສະຖານເອກອັກຄະຣາຊະທູດ ແລະ ທີມປະເທດໄທ ຍັງໄດ້ຈັດກິດຈະກຳຈິດອາສາ ໂດຍຮ່ວມກັນສະໜັບສະໜູນເຄື່ອງອຸປະໂພກ, ບໍລິໂພກໃຫ້ແກ່ແມ່ຍິງພິການ ທີ່ເຂົ້າຮັບການຝຶກອົບຮົມ ມູນຄ່າປະມານ 40.000 ບາດ.

ສະມາຄົມແມ່ຍິງພິການ ສ້າງຕັ້ງຂຶ້ນເມື່ອປີ 2001 ໂດຍຄັ້ງທຳອິດ ກໍ່ຕັ້ງເປັນ ສູນພັດທະນາແມ່ຍິງພິການລາວ ພາຍໃຕ້ ກະຊວງແຮງງານ ແລະ ສະຫວັດດີການສັງຄົມ ແຫ່ງ ສປປ ລາວ ແລະ ຕໍ່ມາໄດ້ຮັບການຍົກລະດັບເປັນສະມາຄົມແມ່ຍິງພິການ. ມີວັດຖຸປະສົງເພື່ອຈັດການຝຶກອົບຮົມ ແລະ ສ້າງທັກສະວິຊາຊີບໃຫ້ແກ່ຜູ້ພິການໃນ ສປປ ລາວ.

ໂດຍໄດ້ຮັບຜູ້ຍິງພິການຈາກແຂວງຕ່າງໆ ໃນ ສປປ ລາວ ມາຝຶກອົບຮົມທີ່ສູນເປັນປະຈຳທຸກປີ, ປີລະປະມານ 60-80 ຄົນ ແລະ ໄດ້ເຮັດຜະລິດຕະພັນຫັດຖະກຳສຳລັບຈຳໜ່າຍເພື່ອສ້າງລາຍໄດ້ໃຫ້ແກ່ຜູ້ຍິງພິການ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.